![](https://panorama.am/news_images/336/1005442_1/f55c64d031def7_55c64d031e306.thumb.jpg)
Կարմիր ուրբաթ. Ո՞վ կոտրեց Դինքի գրիչը
Թուրքական «Milliyet» օրաթերթի թղթակից Նեդիմ Շեների հեղինակած գիրքը Հրանտ Դինքի սպանության մասին մինչև շաբաթվա վերջ կհայտնվի գրախանութներում: «Կարմիր ուրբաթ. Ո՞վ կոտրեց Դինքի գրիչը» անվամբ գրքում ներկայացված է Նեդիմ Շեների լրագրողական համարձակ հետաքննություննը, շնորհիվ որի, ակներև է դառնում թուրքական օրինապահ մարմինների անփույթ աշխատանքը և հանցախմբի գործունեության մութ կողմերը:
Օրինակ` գրքում նշված է, որ Դինքի սպանությունն իրագործած այնուհետև Սամսունում ձերբակալված Օգյուն Սամասթը սկզբում հայտնել էր, որ լավ եղավ, որ Սամսունում իրեն ձերբակալեցին, այլապես իրեն սպանելու էին Գիրեսունում: Բայց այդ խոստովանությունը չի ներառվել արձանագրության մեջ, որտեղ Սամասթի խոսքերը կրճատվել են` թողնվելով այսպես. «Ինձ Սամսունում ձերբակալեցին, և լավ է, որ ձերբակալեցին»:
Հիշեցնենք, որ Հրանտ Դինքին Ստամբուլի Շիշլի թաղամասում գտնվող «Ագօս» թերթի խմբագրատան առջև 2007-ի հունվարի 19-ին հրազենով սպանել էր այն ժամանակ դեռ անչափահաս թուրք ստահակ Օգյուն Սամասթը: Հայտնի է դարձել նաև, որ նրան սպանության դրդել են Յասին Հայալը և Էրհան Թունջելը, որոնց ևս մեղադրանք է ներկայացված:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)