![](https://panorama.am/news_images/294/880001_1/f55c621879041a_55c6218790801.thumb.jpg)
Բաքվում քարերով հարձակվել են հայ բռնցքամարտիկների վրա. Գաբրիելյանը հաստատում է
Բաքվում ընթացող աշխարհի բռնցքամարտի առաջնությունում Հայաստանի հավաքականի անդամների վրա հարձակում է տեղի ունեցել: Այդ մասին ադրբեջանական որոշ լրատվամիջոցների տարածած լուրը Panorama.am-ի թղթակցի հետ զրույցում հաստատեց նաև Բաքվում Հայաստանի մարզական պատվիրակության ղեկավար Դերենիկ Գաբրիելյանը:
Նշենք, որ ադրբեջանական qafqazinfo.az աղբյուրը տեղեկացրել էր, որ Բաքվում ընթացող աշխարհի բռնցքամարտի առաջնությունում Հայաստանի հավաքականի բռնցքամարտիկներից մեկի` ռինգ դուրս գալու ժամանակ այսպես կոչված «Ղարաբաղի ազատագրման կազմակերպության» անդամները, ներխուժելով Հ. Ալիևի անվան մարզական համալիր սկսել են քարեր նետել հայազգի մարզիկների ուղղությամբ:
Ադրբեջանական լրատվամիջի հաղորդմամբ, հայ բռնցքամարտիկի` ռինգ դուրս գալուն զուգահեռ նրանք բացականչել են «Հայեր, հեռացեք», «Ամոթ հրավիրողներին», «Ղարաբաղ կամ մահ» լոզունգները` ռինգ նետելով քարերի մեծ կույտ: Մրցումները ստիպված են եղել դադարեցնել, հայ բռնցքամարտիկն ու ժյուրիի կազմը լքել են մարզադահլիճը:
«Հիմա ամեն ինչ նորմալ է, մեր բռնցքամարտիկները ոչ մի վնասվածք չեն ստացել, բայց ընդհանուր ընդհանուր առմամբ ադրբեջանական կողմից ճնշում կա», -հավելեց պարոն Գաբրիելյանը:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)