![](https://panorama.am/news_images/262/783124_1/f55c5f83919c9b_55c5f8391a08c.thumb.jpg)
Ադրբեջանական բանակ. Սպանվածը ստորաբաժանման հրամանատար էր
Ադրբեջանական լրատվամիջոցները մի քանի օր առաջ տեղեկացրել էին, որ Թարթառի շրջանի զորամասերից մեկում արտակարգ պատահար էր գրանցվել, ինչի արդյունքում 2 զինծառայողներ սպանվել էին, ևս երկուսը՝ վիրավորվել:
«Թրենդ» լրատվականի փոխանցմամբ՝ միջադեպի կապակցությամբ, Ադրբեջանի զինվորական դատախազությունը հանդես է եկել հայտարարությամբ:
«Զինծառայող Էմիլ Հասանովը, ով զորակոչվել էր Ադրբեջանի Լենքորանյան շրջանի զինկոմիսարիատից և ծառայություն էր անցնում Թարթառի շրջանի զորամասերից մեկում՝ որպես ստորաբաժանման հրամանատար, մաքրության աշխատանքներ իրականացնելու ընթացքում ծաղրի է ենթարկել Բաքվի Նասիմանյան շրջանից զորակոչված Մահմեդ Աբբասովին, ինչն հանգեցրել է վիճաբանության:
Հասանովից վրեժխնդիր լինելու նպատակով, Աբբասովը 2012թ. մարտի 29-ին իրեն ամրակցված ինքնաձիգից վերջինիս ուղղությամբ կրակ է բացել, ինչի արդյունքում Հասանովը սպանվել է, ևս երկու զինծառայող՝ Թեյմուր Տաիրովը և Բեբեկ Իբիշովը ստացել տարբեր աստիճանի մարմնական վնասվածքներ: Այդ ամենից հետո, Աբբասովն ինքնասպան է եղել:
Դեպքի առնչությամբ, Ադրբեջանի զինվորական դատախազության առավել ծանր հանցագործությունների հետաքննության վարչության կողմից քրեական գործ է հարուցվել:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)