![](https://panorama.am/news_images/206/615041_1/f55c5b1914c804_55c5b1914cbe9.thumb.jpg)
«Ինտերվենցիա»...Երիտասարդները ներկայացնում են իրենց արվեստը
Դեկտեմբերի 28-ին Կոմիտասի անվան կամերային երաժշտության տանը տեղի կունենա «Ինտերվենցիա» խորագիրը կրող գրական-երաժշտական երեկո-ցուցահանդեսը: Միջոցառման շրջանակներում երիտասարդ նկարիչները, գրողները, կոմպոզիտորները ներկայացնելու են իրենց ստեղծագործություններ: Այս մասին ասուլիսում տեղեկացրեց ծրագրի համակարգող Հասմիկ Խեչիկյանը:
Նշենք, որ միջոցառման կազմակերպիչներն են cultural.am կայքը և Գրողների միությունը մշակույթի նախարարության և երիտասարդական բանկի աջակցությամբ:
Կոմպոզիտոր Հովիկ Սարդարյան էլ ավելացրեց, որ երեկոյի ընթացքում կցուցադրվեն երիտասարդ նկարիչների աշխատանքները, գրողները կընթերցեն իրենց ստեղծագործություններ, իսկ երկրորդ բաժնում կլինի հինգ երաժշտական պրեմիերա. կհնչեն երիտասարդ կոմպոզիտորների վոկալ-գործիքային ստեղծագործությունները` գրված երիտասարդ բանաստեղծների տեքստերով:
Հ. Խեչիկյանն ասաց, որ cultural.am նախագծի նպատակն է համախմբել երիտասարդ ստեղծագործողներին, քանի որ նրանք չեն ճանաչում միմյանց ու ապահովել շփում նրանց միջև: «Հերթական միջացառումն այդ նպատակին հասնելու միջոց է»,- նշեց նա:
Նրա խոսքով, ծրագիրը լինելու է շարունակական, նախատեսում են հաջորդ տարի ժամանակակից արվեստի փառատոն կազմակերպել` ընդգրկելով նաև մարզերը, որի ընթացքում կանցկացվեն դասախոսություններ, տարբեր միջոցառումներ:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)