![](https://panorama.am/news_images/190/567744_1/f55c59cc2b7e3c_55c59cc2b8226.thumb.jpg)
Լիոնում ցուցադրվել է «Սումգայիթ. Սովորական ցեղասպանություն» ֆիլմը
Ֆրանսահայ կազմակերպությունների համակարգող խորհրդի Լիոնի մասնաճյուղի և Վիլյորբանի Հայ Մշակույթի տան նախաձեռնությամբ և Ֆրանսիայում Հայաստանի դեսպանության աջակցությամբ մարտի 6-ին տեղի է ունեցել Սումգայիթյան ջարդերի 25-րդ տարելիցին և Արցախյան շարժմանը նվիրված երեկո։
Այս մասին հայտնում են ԱԳՆ մամուլի, տեղեկատվության և հասարակայնության հետ կապի վարչությունից:
Միջոցառումն սկսվել է Մարինա Գրիգորյանի հեղինակած «Սումգայիթ. Սովորական Ցեղասպանություն» ֆիլմի ցուցադրությամբ, որից հետո բեմ է հրավիրվել սումգայիթյան ջարդերից հրաշքով փրկված Պավել Տրդատովը, ով հրավիրյալներին ներկայացրել է ականատեսի իր վկայություններն այն մասին, թե ինչպես են իր հարազատներն ութ ժամ շարունակ պաշտպանվել ադրբեջանական հրոսակախմբերից` մի քանի տասնյակ հանցագործների հետ անհավասար կռվում զոհվելուց առաջ։
Այնուհետև սումգայիթյան ողբերգության, բայց նաև` Արցախյան շարժման 25-ամյակին նվիրված խոսքով հանդես է եկել Ֆրանսիայում ՀՀ դեսպանորդը, ապա ծավալվել է քննարկումներ, որոնց ընթացքում Հայաստանի դեսպանության ներկայացուցիչը պատասխանել է միջոցառմանը ներկա ֆրանսիացի լրագրողների, հասարակական-քաղաքական շրջանակների և Լիոնի հայ համայնքի ներկայացուցիչների բազմաթիվ հարցերին:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)