Ձեր վստահելի աղբյուրը

 «Քարնեգի» հիմնադրամի ավագ փորձագետ Թոմաս Դը Վաալը հանդես է եկել ծավալուն վերլուծությամբ Թուրքիայի ԱԳ նախարար Ահմեթ Դավութօղլուի Երևայն կատարած այցի վերաբերյալ`«Երևանում անհարմար դրության մեջ հայտնվելով» վերնագրով: Այն հրապարակված է Հիմնադրամի պաշտոնական կայքում:

Թոմաս Դը Վաալը նշել է, որ վերջինս մասնակցելու է Սևծովյան տնտեսական համագործակցության (ՍԾՏՀ) ԱԳ նախարարների հանդիպմանը:

«Նախկինում ՍԾՏՀ-ն լավ ֆորում էր երկու պետությունների համար , ովքեր չունեն դիավանագիտական հարաբերություններ, ավելին` ունեն փակ սահմաններ և սա հնարվորություն էր ընձեռում բանակցել միմյանց հետ:

Սակայն վերջերս, այս տարբերակն էլ անգամ չէր գործում: 2009թ. հոկտեմբերին, Ցյուրիխյան արձանագրությունների ձախողումից հետո, պաշտոնական շփումները եղել են նվազագույն մակարդակի վրա: Թե Թուրքիայի ԱԳ նախարար Դավութօղլուն, թե ՀՀ ԱԳ նախարար Էդվարդ Նալբանդյանը ստորագրել են արձանագրությունները, սակայն երկու երկրների խորհրդարանները չեն վավերացրել: Այս հարցում հիմնական մեղքի բաժինը Թուրքիայինն է:

Դավութօղլուի համար հրավերքն ընդունելը  անհարմար  իրավիճակ էր ստեղծել: Թե հայկական ԶԼՄ-ները և թե պաշտոնյաները Դավութօղլուին ողջունեցին արհամարհանքով.եթե նա բաց թողներ Երևան այցելելու հնարվորությունը, չէր տեսնի այդ արհամարհանքը:

Նրա նախորդը՝ Ալի Բաբաջանը, 2009 թվականի ապրիլին այցելել էր Երևան է, բայց դրանք շատ ավելի բարենպաստ ժամանակներ էին երկկողմ հարաբերությունների համար:

Դավութօղլուն Երևանում ընկերներ չի կարող ձեռք բերել, եթե նա առաջ քաշի Լեռնային Ղարբաղի վերաբերյալ իր գաղափարները, որը նա անցյալ ամիս քննարկել էր Վաշինգտոնում:  Թուրքիան երկկողմանի գործարք չի կարող կնքել Երևանի հետ առանց Ղարաբաղի հակամարտության մեջ որոշ առաջխաղացումների:

Սակայն երկու կառավարությունները մի շարք կարևոր հարցեր ունեն քննարկելու՝ գործարար հարաբերություններից սկսած Թուրքիայիում հայկական մշակութային հուշարձանների կարգավիճակից մինչև հայկական հյուպատոսական ծառայությունների Թուրքիա կատարելիք այցելություններ:

Հայերը կարող են Դավութօղլուի այցն օգտագործել, որպեսզի իրենց զայրույթը հայտնեն Թուրքային և կրկին անցնեն բանակցությունների»: