Ձեր վստահելի աղբյուրը

 «Նախիջևանի ինքնավար Հանրապետությունում առանձին համազորային բանակ հիմնելու վերաբերյալԱլիևի հրամանն արդեն հրապարակվել է, սակայն թե ինչ քայլեր կհետևի դրան ու իրականում ինչ փոփոխություններ կմտցվի Նախիջևանում դեռ պարզ չէ»,- Panorama.am-ի հարցին, թե ինչ փոփոխություններ են ակնկալում Նախիջևանում` այնետղ տեղակայված ադրբեջանական 5-րդ բանակային կորպուսը առանձին համազորային բանակի վերածելու դեպքում, ասաց ռազմական փորձագետ Սամվել Պետրոսյանը:

Հիշեցնենք, որ Ադրբեջանի նախագահը հրաման է ստորագրել Նախիջևանի ինքնավար Հանրապետությունում առանձին համազորային բանակ (Отдельной общевойсковой армии) հիմնելու վերաբերյալ` հրամանատար նշանակելով գեներալ-լեյտենանտ Քերեմ Մուստաֆաևին: Նշենք, որ միջազգային պրակտիկայում համազորային բանակ ասելով նկատի ունեն ռազմական միավոր, որն ունակ է ինքնուրույն մարտական խնդիր լուծել:

Համաձայն վերոնշյալ հրամանի, խնդիր է դրված ամրապնդելու Նախիջևանի պաշտպանունակությունը, բարձրացնել զինված ուժերի զորամիավորումների ու զորամասերի մարտական պատրաստականությունը` նախկին 5-րդ կորպուսի հիման վրա ստեղծելու առանձին համազորային բանակ:

Ս. Պետրոսյանի խոսքերով, դեռևս հստակություն չկա Ադրբեջանի իրական նպատակների մասին, սակայն երկու սցենար է կանխատեսում.

«Առաջին, միայն թղթի վրա Նախիջևանում տեղակայված զորքերը կփոխեն կարգավիճակը, ինչը առաջին հերթին այնտեղ տեղակայված 5-րդ բանակային կորպուսի հրամանատարի ամբիցիաների խնդիրը կլուծի` հաշվի առնելով վերջինիս ամբիցիաները: Երկրորդ, Ադրբեջանը փորձում է իսկապես ամրացնել սահմանի այդ հատվածը` ստիպելով մեզ լրացուցիչ ուժեր տեղակայել սահմանի այդ հատվածում»:

Ռազմական փորձագետը հիշեցրեց, որ Նախիջևանը գտնվում է Թուրքիայի անմիջական ազդեցության գոտում ու չբացառեց, որ Անկարան Նախիջևանում վերակազմավորվող բանակի միջոցով կփորձի լրացուցիչ լարվածություն մտցնել տարածաշրջանում:

Նույն թեմայի շուրջ, Ադրբեջանի Ռազմական հետազոտությունների «Դոկտրինա» կենտրոնի ղեկավար Ջասուր Սումերենլին «Մինվալ.ազ»-ի հետ զրույցում նշել է, թե բանակային կորպուսը առանձին բանակի վերածելու մասին Ադրբեջանի ռազմաքաղաքական ղեկավարության ներկայացրած փաստարկները աբսուրդային են: Նա նշել է, որ եթե նպատակը 5-րդ բանակային կորպուսն առավել մարտունակ դարձնելն է, ապա առանց առանձին բանակի վերածելով էլ հնարավոր էր էական փոփոխություններ մտցնել նրանում:

Նախիջևանի կորպուսը վերածվում է առանձին համազորային բանակի