Զվարթնոցի Կլոր շենք. «Պայմանավորվածություն ենք ձեռք բերել հարցը լուծել պահպանելու ճանապարհով»
Զվարթնոց օդանավակայանի Կլոր մասնաշենքի պահպանման համար կոնկրետ երաշխիքներ կոնցեսիոները չի տվել, բայց խոստացել են, որ կուսումնասիրեն շենքը պահպանելու հնարավորությունները:
«Որևէ պատասխան չկար, բացի նրանից, որ քանդելու խնդրին են նայում: Բայց վերջերս մի քանի ճարտարապետներով եղանք Քաղավիացիայի գլխավոր վարչությունում, այդ հանդիպումը ցույց տվեց, որ եթե կարողանում ենք երկխոսել, պատասխանները դրական են լինում: Քաղավիացիայի վարչությունում կոնցեսիոների ներկայացուցիչն էր ներկա, ով ասաց, որ իրենց ճարտարապետական, կոնստրուկտորական ներուժով ևս մեկ անգամ կդիտարկեն հարցը: Մենք պնդեցինք, որ հարցին նայեն այն սկզբունքից, որ կարողանանք պահել շենքը»,- այսօր լրագրողների հետ հանդիպմանն ասաց Ճարտարապետների միության նախագահ Մկրտիչ Մինասյանը:
Նա նշեց, որ ճարտարապետական հանրությանը հույս է ներշնչում, որ շենքը կպահպանվի, քանի, որ կոնցեսիոների ներկայացուցիչներն ասել են, որ կդիտարկեն, թե ինչպես կարելի է պահպանել շենքը և օգտագործել թեկուզ այլ նպատակներով:
Հարցին՝ կոնկրետ ժամկետներ սահմանվե՞լ են խնդիրը դիտարկելու, Մկրտիչ Մինասյանը պատասխանեց. «Մենք ժամկետների մասին չենք խոսել, քանի որ բարդ է: Ինչ-որ գրաֆիկներ չենք գծել: Պայմանավորվածություն ենք ձեռք բերել, որ հարցը պետք է լուծենք պահպանելու ճանապարհով: Քանդելը հեշտ բան է, երբ վերականգնում ես, տասնապատիկ ավելի ջանքեր են հարկավոր»:
Ըստ Մկրտիչ Մինասյանի, եթե Զվարթնոցի Կլոր շենքն ու մյուս մոդեռնիստական կառույցները ջնջենք, ստացվում է, որ մեր ճարտարապետներն այդ ժամանակաշրջանում ոչնչով չեն ներկայացել:
«Մենք ուզում ենք վտանգի տակ հայտնված բոլոր կառույցները առաջարկենք ներառել պահպանվող հուշարձանների ցանկում»,- հավելեց նա:
Անդրադառնալով Էռնեկյանի ձեռք բերած ԱԳ նախարարության ներկայիս շենքի հետագա ճակատագրին, Մկրտիչ Մինասյանը հույս հայտնեց, որ այնտեղ հյուրանոց չի լինի, նման ակնարկ արել է նաև սեփականատերը. «Եթե թանգարան լինի, մենք բոլորս կշահենք»:
Մկրտիչ Մինասյանը խոսեց նաև Փակ շուկայի մասին, նշեց, որ խնդրով մտահոգ մարդիկ հետամուտ էին հարցին, բայց պետությունը հետամուտ չէր պահպանելու հուշարձանը:
Ինչ վերաբերում է ճարտարապետական կոթողների նկատմամբ նոր ձևավորվելիք կառավարությունից սպասումներին, Մկրտիչ Մինասյանն ասաց. «Ինչքան ուզում ենք կառավարություն փոխենք, անձերը կապ չունեն: Պետք է օրենքները հարգվեն»:
Նախորդիվ՝
Գրիգոր Ազիզյան. «Զվարթնոցի»-ի Կլոր մասնաշենքը պահպանելու գործընթացով ենք գնում
Քննարկվել է «Զվարթնոց» օդանավակայանի հին ուղևորային համալիրի պահպանման հարցը
«Կործանելով գնալու ենք». Մտավորականներն անհանգիստ են
«Զվարթնոցի» Կլոր շենքի քանդման դեմ էլէկտրոնային ստորագրահավաք է սկսվել
Ճարտարապետ. «Զվարթնոց»-ի հին շենքն ուղղակի խնամքի կարիք ունի
«Զվարթնոցի կլոր շենք»-ի հետ կապված ՀԽ-ն իր հերթին քննարկելու է Կոնցեսիոների առաջարկները
Մինասյան. Զվարթնոցի հին մասնաշենքը քանդելու կառավարության որոշում չկա
ՀԽ-ն չի ստացել «Զվարթնոց»-ի կլոր շենքի հետ կապված մի շարք հարցերի պատասխաններ
Կարծիքներ Զվարթնոցի Կլոր շենքը քանդելու որոշման շուրջ
«Զվարթնոց» օդանավակայանի հին մասնաշենքը հաստատ կքանդվի. Արտյոմ Մովսեսյան
«Զվարթնոցի» հին շենքի մասին ևս մեկ անձնական կարծիք. Արտյոմ Մովսեսյան
Հանրային խորհուրդը դեմ է «Զվարթնոցի» հին շենքի քանդմանը. «Հիմնավոր փաստարկներ չկան»
Լրահոս
Տեսանյութեր
Բագրատ Սրբազանին կրկին չթողեցին գնալ Կիրանց
