Տարածաշրջան 19:34 20/06/2014

Բերնարդ Կուլիե. Որևէ տարածք Ադրբեջանին հանձնելն անհեթեթություն է

Panorama.am-ը ներկայացնում է հարցազրույց Եվրոպայի պատմության մասնագետ, Լուվանի Կաթոլիկ համալսարանի հայագիտության պրոֆեսոր Բերնարդ Կուլիեյի հետ: Դոկտոր Կուլիեն ուսումնասիրում է Հարավային կովկասի տարածաշրջանը և Լեռնային Ղարաբաղի հակամարտությունը: Նա անդրադառնում է Եվրասիական միության ստեղծման հարցին, Ռուսաստանի և ԵՄ-ի միջև հարաբերություններին, Լեռնային Ղարաբաղի հակամարտությանը, ինչպես նաև հայկական ձեռագրերին և հիշատակարաններին:

- Դոկտոր Կուլիե, որպես Եվրոպայի պատմության և մշակույթի մասնագետ ինչպե՞ս եք Դուք գնահատում Ռուսաստանի Եվրասիական միության ստեղծման ծրագիրը Եվրոպայի ժամանակակից պատմության համատեքստում:
- Նախ և առաջ արձանագրենք մի կարևոր գլոբալ երևույթ, որը պետք է հաշվի առնել Ռուսաստանի մասին խոսելիս. ներկայումս աշխարհում գլոբալ ազդեցության կենտրոնը թեքվում է՝ տեղափոխվելով արևմուտքից դեպի Խաղաղ օվկիանոս. այլևս աշխարհի կենտրոնը ոչ թե Ատլանտյան օվկիանոսն է, այլ Խաղաղ օվկիանոսը, և աշխարհի համար ամենաէական իրադարձությունները ծավալվելու են Ամերիկայի և Ասիայի միջև: Մենք հնարավոր է նաև ստիպված լինենք փոխել մեր այսօրվա քարտեզները, որտեղ Եվրոպան է պատկերված աշխարհի կենտրում: Չինաստանում, օրինակ, արդեն իսկ դպրոցական աշխարհագրության դասագրքերում աշխարհի քարտեզի կենտրոնում պատկերված է Չինաստանը: Այս գլոբալ տենդենցի մեջ Եվրասիական միության ստեղծումը Ռուսաստանը Ասիային ավելի մոտեցնելու փորձ է: Սակայն Եվրոպան լավ չի հասկանում Ռուսաստանին. Ուկրաինայում տեղի ունեցած վերջին իրադարձությունները պարզորոշ կերպով ցույց տվեցին, որ արևմուտքն ունի վատ պատկերացում Ռուսաստանի և իր հարևան երկրների մասին: Եվրոպան պետք է ավելի մեծ ուշադրություն դարձնի վերընշված երևույթին, քանի որ Եվրոպան կմեկուսացվի, եթե Ռուսաստանը շարունակի շարժվել դեպի արևելք:

- Հետաքրքիր է, որ արևմուտքը սպառնում է մեկուսացնել Ռուսաստանին, սակայն ինչպես Դուք եք նշում, Ռուսաստանն է, որ կարող է ի վերջո մեկուսացնել Եվրոպային:
- Այո, ճիշտ այդպես: Եվ դրա վառ օրինակներից է վերջերս ստորագրված գազի գործարքը Ռուսաստանի և Չինաստանի միջև:

Այսպիսով, եթե Եվրոպան հեռու մղի Ռուսաստանին իրենից, այն կարող է դրանով ավելի շուտ մեկուսացնել ինքն իրեն, քան վնասել Ռուսաստանին: Սա մի բան է, որ Եվրոպան ոչ մի կերպ չի կարողանում հասկանալ: Նմանապես Եվրոպան չի կարողանում ճիշտ գնահատել Հարավային Կովկասի նշանակությունը:

- Ինչպե՞ս է արտահայտվում այդ չհասկացվածությունը: Ի՞նչ կասեք մասնավորապես Եվրասիական միությանը միանալու Հայաստանի ընտրության մասին և այս փաստի հանդեպ Եվրոպայի դիրքորոշման մասին:

- Հայաստանի՝ Եվրասիական նախագծին միանալու որոշումը կարևոր, բայց դժվարին որոշում էր, քանի որ Հայաստանը միշտ ձգտել է ավելի մոտ լինել Եվրոպային: Իսկ Եվրոպան Հայաստանի և Վրաստանի նման երկրներին ստիպում է ընտրություն կատարել Եվրոպայի և Ռուսաստանի միջև և ի վիճակի չէ հասկանալ, որ այս երկրները պետք է ազատություն ունենան մի քանի ուղղություններով շարժվելու համար: Այս տարածաշրջանի պատմությունը պետք է հաշվի առնվի – այն պատմականորեն եղել է արևելքի և արևմուտքի սահմանագծի վրա, այդ իսկ պատճառով չի կարելի ստիպել, որպեսզի այս խաչմերուկում գտնվող երկիրը նման ընտրություն կատարի Եվրոպայի և Ռուսաստանի միջև: Այս մոտեցման պատճառով բոլորն էլ շատ բան են կորցնում: Հայաստանը պետք է կարողանա անդամակցել Եվրասիական միությանը և միևնույն ժամանակ սերտորեն հարաբերվել Եվրոպայի հետ: Եթե Եվրոպան իսկապես ունենա այդ ցանկությունը, ապա դա կարելի կլինի իրականացնել. այս առումով անհնար ոչինչ չկա:

- Արդյո՞ք ներկայիս պայմաններում հնարավոր է, որ ԵՄ-ն ունենա ավելի մեծ ներգրավվածություն Հարավային կովկասում և Հայաստանում:

- Այո, ԵՄ-ն կարող է ունենալ ավելի մեծ ներգրավվածություն այս տարածաշրջանում, բայց դա անելու համար ԵՄ-ն ինքը պետք է ներքին փոփոխությունների ենթարկվի: Այն պետք է ունենա մեկ արտաքին քաղաքականություն ներկայիս 28-ի փոխարեն (ուր յուրաքանչյուր անդամ իր առանձին արտաքին քաղաքականությունն է վարում): Ներկայիս Եվրոպական հարևանության քաղաքականությունը նույնպես բավարար չէ: Մենք պետք է սպասենք և տեսնենք, թե այս առումով ինչ կանեն ԵՄ-ի նոր ընտրված առաջնորդները:

- Դոկտոր Կուլիե, Դուք ներկայումս ուսումնասիրում եք Լեռնային Ղարաբաղի հակամարտությունը և հրապարակել եք «Շատ կարևոր մի հակամարտություն. Լեռնային Ղարաբաղի մշակութային և պատմական վերլուծություն» վերնագրով մի հոդված Մայքլ Քեմբեքի խմբագրած գրքում: Որքանո՞վ է Լեռնային Ղարաբաղի հակամարտությունը և մասնավորապես Հարավային Կովկաս տարածաշրջանը կարևոր Եվրոպայի համար: Ինչու դա պետք է այսօր մտահոգի եվրոպացուն:
- Լեռնային Ղարաբաղի հարցը կարևոր է Եվրոպայի համար, քանի որ Հարավային Կովկաս տարածաշրջանը շատ մոտ է Եվրոպային, ավելի մոտ, քան եվրոպացիները կարծում են: Տարածաշրջանը կարևորվում է և՛ աշխարհաքաղաքական, և՛ քաղաքակրթական տեսանկյունից: Եվրոպան նաև պետք է դասեր քաղի Լեռնային Ղարաբաղի օրինակից, հատկապես այն առումով, թե ինչպես կարող են ազգային ինքնությունները զարգանալ և ինչպես դրանք կարող են հանգեցնել հակամարտության: Ե՛վ Եվրոպայում, և՛ Հարավային Կովկասում կան նմանություններ ազգակերտման գործընթացներում: Վերցնենք Բելգիայի օրինակը: Եվրոպայում ազգ-պետությունների կերտման գործընթացը տեղի է ունեցել 19-րդ դարում, և բոլոր եվրոպական երկրները, բացի Բելգիայից, ազգ-պետություններ են: Բելգիան ստեղծվել էր որպես արհեստական երկիր` բաղկացած երկու համայնքներից` ֆրանսախոս և հոլանդախոս, որոնք ստիպված էին ապրել միասին մեկ երկրում, և հիմա` անկախությունից 180 տարի անց, նրանք ցանկանում են բաժանվել երկու տարբեր երկրների: Այսպիսով, շատ դժվար է դիմադրել այս միտումին և ժողովրդի անկախ ապրելու ցանկությանը: Այս գործընթացը տեղի է ունենում նաև եվրոպական այլ երկրներում` Իսպանիյում, Մեծ Բրիտանիայում և այլուր. այս առումով զուգահեռներ կան նաև Լեռնային Ղարաբաղի հետ: Լեռնային Ղարաբաղի հակամարտությունը միայն հայերի և ադրբեջանցիների խնդիրը չէ, այն ընդգրկում է հիմնարար հարցեր, որոնք առնչվում են Եվրոպային և ժամանակակից աշխարհին ընդհանրապես:

- Կարծում եք հնարավո՞ր է լուծել Լեռնային Ղարաբաղի հակամարտությունը` անտեսելով անցյալը, ինչպես դա արվում է Մադրիդյան սկզբունքներում: Արդյոք, կարծո՞ւմ եք, որ այսօր բանակցությունների սեղանին դրված Մադրիդյան սկզբունքները երբևէ կարող են բերել խաղաղության հաստատմանը:

- Ոչ, չեմ կարծում, որ Ղարաբաղյան հակամարտությունը հնարավոր է լուծել անցյալն անտեսելով: Ըստ էության ես ընդհանրապես չեմ տեսնում Լեռնային Ղարաբաղի հակամարտության լուծումը: Ինչ վերաբերում է Մադրիդյան սկզբունքներին, ապա դրանք առաջարկում են տարածքների վերադարձ Ադրբեջանին – սա պարզապես անհեթեթություն է: Եթե հանկարծ նախկին ԼՂԻՄ-ի շրջակա տարածքները վերադարձվեին Ադրբեջանին, դա կլիներ աղետ: Սա մեծ մտահոգության առարկա է: Այդ քայլը երբեք չի կարող բերել խաղաղության, բայց փոխարենը կմեկուսացնի Լեռնային Ղարաբաղը և կնվիրի այն Ադրբեջանին` ստեղծելով այն նույն իրավիճակը, որը նախորդեց պատերազմին և որը ըստ էության հանգեցրեց պատերազմի: Լավագույն տարբերակը բոլոր կողմերի համար այն է, որ ներկայիս իրավիճակը չփոխվի առնվազն առաջիկա մի քանի տարիներին: Ցանկացած տիպի փոփոխություն բացասական հետևանքներ կունենա կողմերից մեկնումեկի համար: Բոլոր կողմերի համար ամենացանկալի տարբերակը կլինի պահպանել ստատուս քվոն. դա ռեալ պոլիտիկ է: Պետք է համբերատար լինել, սա ընդամենը 20 տարվա հակամարտություն է. դա ոչինչ է դարերի համեմատ - պատմությունը կերտվում է շատ ավելի դանդաղ և ավելի երկար ժամանակում, քան մարդկային կյանքի ժամանակահատվածն է:

- Դոկտոր Կուլիե, Դուք մասնագիտանում եք դասական հայերենի, հայոց մշակույթի և պատմության մեջ: Ինչպե՞ս սկսեցիք հետաքրքրվել հայագիտությամբ և ի՞նչ եք ուսումնասիրում ներկայումս Հայաստանում: Ձեր ուսումնասիրությունների մեջ ի՞նչն է գործել ամենամեծ տպավորությունը Ձեզ վրա:
- Ես սկզբում ուսումնասիրում էի դասական լեզուներն ընդհանրապես (ինչպիսին է հին հունարենը, լատիներենը), այնուհետև ես սկսեցի ուսումնասիրել հայերեն լեզուն որպես հին դասական լեզու և աստիճանաբար սկսեցի հետաքրքրվել նաև ներկայիս Հայաստանով: Հիմա ես դասավանդում եմ հայագիտություն (այդ թվում գրաբար, հայկական մշակույթ և հայկական պոեզիա) համալսարանի ուսանողներին Բելգիայում: Ես նաև համագործակցում եմ Բրյուսելում գտնվող «Հայաստանի Եվրոպական ընկերներ» ՀԿ-ի հետ: Իմ հիմնական աշխատանքը հայկական ձեռագրերի ուսումնասիրությունն է, և ես հաճախ եմ գալիս Հայաստան՝ աշխատելու Մատենադարանում պահվող ձեռագրերի հետ:

- Ո՞րն է եղել Ձեր համար ամենահետաքրքիր բացահայտումը Ձեր այս աշխատանքի մեջ:
- Ինձ համար ամենահետաքրքիր բացահայտումն ըստ էության հին հայկական հիշատակարաններն էին: Հիշատակարանները արձանագրություններ են գրված հայ վանականների կողմից, ովքեր միջին դարերում արտագրում էին հին հայկական ձեռագրերն ու կրոնական աշխատությունները: Նրանց աշխատանքի վերջում նրանք ավելացնում էին փոքր անձնական նշումներ՝ հիշատակարաններ, որոնցում նկարագրում էին իրենց աշխատանքային պայմանները: Այս հիշատակարաններն այսպիսով պատկերում են և տվյալ ժամանակաշրջանի պատմական իրավիճակը, և առօրյա կյանքի պայմանները: Բոլոր հայկական վանքերում՝ Հաղպատում, Սանահինում և այլուր, կան այս հիշատակարանները: Դրանք իսկապես ապշեցուցիչ են և շատ յուրահատուկ: Ես ուսումնասիրել եմ բազմաթիվ հին լեզուներ, բայց այսպիսի հիշատակարանների ոչ մի տեղ չեմ հանդիպել:

- Ձեր աշխատանքի բերումով արդյո՞ք Դուք առնչվել եք ադրբեջանական քարոզչությանը, որը կեղծարարություններ է տարածում հայոց պատմության ու մշակույթի մասին:
- Այո, լսել եմ այդ մասին: Ադրբեջանցիները, ինչպես նաև թուրքերը, կեղծում են պատմությունը, քանի որ պատմությունը շատ մեծ քաղաքական գործոն է, և այսօր ամբողջ քաղաքականությունը հիմնված է պատմության վրա: Յուրաքանչյուր պետություն օգտագործում է պատմությունը իր իսկ շահերի համար. դա արվում է անգամ Եվրոպայում և արևմուտքում, սակայն ձևերն ու միջոցներն են տարբեր: Ի վերջո, այն, թե ինչպես ենք մենք ներկայացնում մեր անցյալը, իրականում ավելի շատ խոսում է մեր ով լինելու մասին, քան մեր անցյալի մասին:

Հարցազրույցը վարեց Նվարդ Չալիկյանը


Այլ հարցազրույցներ առնչվող թեմաներով `

Ժերար Դյումոն. «Պատմական փաստերի անտեսումն է՛լ ավելի է բարդացնում Ղարաբաղյան հակամարտության լուծումը» 

Կատարինա Վոլչուկ. Հայաստանը պետք է բանակցի Եվրասիական միության և ո՛չ միայն Մաքսային միության պայմանագրի շուրջ 

Ֆրանսիացի փորձագետ. ԼՂՀ ճանաչումը միակ լուծումն է, որը կարող է ապահովել կայունությունը տարածաշրջանում 

Մայքլ Քեմբեք. Չլինեին Սիրիան ու Եգիպտոսը, ԵՄ-ն ավելի մեծ ներգրավվածություն կունենար Ղարաբաղում 





Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

10:15
«Մենք գնալով ավելի խոցելի ենք դառնում». փորձագետ
«Որքան շատ է փոխկապակցվածություն, այնքան մեծ է խոցելիությունը», - եզրակացրել է  կիբերանվտանգության փորձագետ, Լյուվենի կաթոլիկ...
Աղբյուր` Panorama.am
09:50
Կիպրոսն ու պատմության չսերտված դասերը. Վարուժան Գեղամյան
«Կիպրոսի շուրջ է ստեղծված «Մեկ ազգ, Երեք պետություն» նոր կարգախոսը, որը թուրք-ադրբեջանական «Մեկ ազգ, երկու պետություն» բանաձևի վերափոխված տարբերակն է»։
Աղբյուր` Panorama.am
09:39
Մինաս Ավետիսյանի ծննդյան օրն է
«Մինասը մեր նկարչության բարձրացող աշտարակն էր, հեռուներից տեսանելի ու հեռաստաններ բացող»
Աղբյուր` Panorama.am
09:30
Ստեփանակերտի քաղաքապետ Դավիթ Սարգսյանին արգելվել է անգամ երեխայի հետ այցելել խանութ. Փաստաբան
«Ի՞նչ ասեմ։ Դատավորի համար անգամ վերաքննիչ դատարանի որոշումը որևէ դեր չունեցավ»։
Աղբյուր` Panorama.am
09:15
Մահացել է 21-ամյա մարզուհի Ալիսա Ասոյանը
Կյանքից անժամանակ հեռացել է Հայաստանի կարատեի ազգային ֆեդերացիայի մրցավար, մարզուհի Ալիսա Ասոյանը: Ալիսան 21 տարեկան էր, Հայաստանի երիտասարդական...
Աղբյուր` Panorama.am
09:01
«Հրապարակ». Ինչու է տապալվել Լոնդոնում Ալիև–Փաշինյան հանդիպումը
«Հրապարակ» թերթը գրում է. «Իշխանական կուլիսներում խոսում են, որ Լոնդոնում Ալիև–Փաշինյան հանդիպումը տապալվել է, քանի...
Աղբյուր` Panorama.am
08:59
«Փաստ». Քպականները հարձակում են գործել մի դատավորի վրա, որին ժամանակին ծափահարում էին, գրառումներ նվիրում
«Փաստ» թերթը գրում է. ««Շատ մի սիրիր, ատել կա» հայկական ասացվածքը լիովին համապատասխանում է ՔՊ-Աննա Դանիբեկյան...
Աղբյուր` Panorama.am
08:56
«Հրապարակ». Մեր ուշադրությունը գրավեց «Ռոսսելխոզնադզորի» որոշմանը ՍԱՏՄ-ի պատասխանի նախաբան
«Հրապարակ». ՍԱՏՄ-ի պատասխանը «Ռոսսելխոզնադզորի» որոշմանը «Հրապարակ» թերթը գրում է. «Մենք հուլիսի...
Աղբյուր` Panorama.am
08:53
«Փաստ». Տիգրան Ավինյանը էլեկտրական մեքենաների «սիրահար» է
«Փաստ» թերթը գրում է. «Ինչպես երևում է, Երևանի քաղաքապետ Տիգրան Ավինյանը էլեկտրական մեքենաների «սիրահար» է:...
Աղբյուր` Panorama.am
08:43
Արգենտինայի հավաքականի մարզիչը բացատրել է, թե ինչու է Մեսսին արտասվել
Արգենտինայի հավաքականի գլխավոր մարզիչ Լիոնել Սկալոնին խոսել է Ամերիկայի գավաթի խաղարկության եզրափակչում վնասվածք ստացած թիմի հարձակվող Լիոնել...
Աղբյուր` Panorama.am
08:26
Իլոն Մասկն առաջարկել է տարիքային սահմանափակում սահմանել ԱՄՆ նախագահի թեկնածուների համար
Ամերիկացի գործարար և միլիարդատեր Իլոն Մասկն առաջարկել է սահմանափակել Ամերիկայի Միացյալ Նահանգների նախագահի պաշտոնի համար հավակնորդների տարիքը։...
Աղբյուր` Panorama.am
08:12
Ս. Գրիգոր Լուսավորչի որդիների և թոռների հիշատակության օրն է
Հայ Առաքելական եկեղեցին այսօր նշում է Ս. Գրիգոր Լուսավորչի որդիների և թոռների` Արիստակեսի, Վրթանեսի, Հուսիկի, Գրիգորիսի և Դանիելի հիշատակության...
Աղբյուր` Panorama.am
22:18
Ստեփանակերտի քաղաքապետի նկատմամբ «վարչական հսկողություն» Է կիրառվել
Դատարանն ամբողջությամբ բավարարել է ՔԿ-ի միջնորդությունը
Աղբյուր` Panorama.am
20:49
Ստեփանակերտի քաղաքապետի գործով որոշումը կհրապարակվի մոտավորապես ժամը՝ 21:00-ին․ փաստաբան
Փաստաբան Ռուբեն Մելիքյանը ֆեյսբուքյան իր էջում ուղիղ հեռարձակմամաբ հայտնում է, որ Ստեփանակերտի քաղաքապետի գործով որոշումը կհրապարակվի...
Աղբյուր` Panorama.am
20:27
Մյուս անգամ թող էդ մարդկանց Ադրբեջանի Ղազախի շրջանի ոստիկաները կանչեն․ Կիրանցի բնակիչ
Կիրանցի բնակիչ Գոհար Վարդանյանը գրում է․ «Պատկերացրեք դուք գտնվում եք կադաստրի վկայականով ձեզ պատկանող հողում․ -Ձեր հողով առանց...
Աղբյուր` Panorama.am
20:19
Բագրատ Սրբազանը հանդիպել է Շարժման խոսնակների՝ հանրային կարծիքի առաջատար գործիչների հետ
«Սրբազան պայքար» շարժումը տեղեկացնում է․ «Այս պահին ընթանում է Սրբազան պայքարի առաջնորդ Բագրատ արքեպիսկոպոս Գալստանյանի...
Աղբյուր` Panorama.am
19:59
Ադրբեջանում մոռացե՞լ են,որ Ազգերի Լիգան մերժել է ճանաչել իրենց դե յուրե․ Շարմազանով
ՀՀԿ ԳՄ անդամ Էդուարդ Շարմազանովը գրում է․ «Ադրբեջանի Դեմոկրատական Հանրապետությունը  չի ճանաչվել անգամ Ազգերի Լիգայի և միջազգային...
Աղբյուր` Panorama.am
19:49
Տեղի է ունենում Ստեփանակերտի քաղաքապետ Դավիթ Սարգսյանի դատը՝ խափանման միջոցը փոխելու ՔԿ-ի պահանջով
Երևանի  Ավան և Նոր Նորք վարչական շրջանների ընդհանուր իրավասության առաջին ատյանի դատարանում  տեղի է ունենում  Ստեփանակերտի...
Աղբյուր` Panorama.am
19:14
Բաքուն ԼՂ-ում «մշակութային ջարդ» է իրականացնում․ ջնջում են հայկական ժառանգությունը․ Le Figaro
ինգշաբթի «Իրավունքի և արդարադատության եվրոպական կենտրոնի» հրապարակած զեկույցում արբանյակային պատկերների հիման վրա մանրամասն...
Աղբյուր` Panorama.am
18:40
ՄՕԿ-ն իր կայքում կցուցադրի 2024 թվականի Օլիմպիական խաղերը Ռուսաստանի համար
Միջազգային օլիմպիական կոմիտեն (ՄՕԿ) իր կայքում ռուս հեռուստադիտողների համար կցուցադրի 2024 թվականին Փարիզում (Ֆրանսիա) կայանալիք Օլիմպիական...
Աղբյուր` Panorama.am
18:27
Քրեական ենթամշակույթ կրող խմբավորման անդամին մեղադրանք է ներկայացվել․ ՔԿ
Ավարտվել է քրեական ենթամշակույթ կրող խմբավորմանը մասնակցելու ևս մեկ դեպքի առթիվ նախաձեռնված քրեական վարույթի նախաքննությունը։ Այս մասին հայտնում...
Աղբյուր` Panorama.am
18:14
Windows համակարգի խափանման պատճառով խնդիրներ են առաջացել օդանավակայաններում
Աշխարհի առաջատար ավիաընկերությունները՝ American Airlines-ը, Delta Airlines-ը, United Airlines-ը, Lufthansa-ն և այլք աշխատում են ընդհատումներով՝...
Աղբյուր` Panorama.am
18:13
ԵՄ դեսպանը ցավակցություն է հայտնել ինքնաթիռի վթարի հետևանքով զոհվածների հարազատներին
Հայաստանում ԵՄ պատվիրակության ղեկավար, արտակարգ և լիազոր դեսպան Վասիլիս Մարագոսը ցավակցություն է հայտնել Եղվարդում ուսումնական ինքնաթիռի վթարի...
Աղբյուր` Panorama.am
18:05
Նարեկ Նալբանդյանը հարցաքննվել է. «Հետք»
Գործարար Նարեկ Նալբանդյանի կողմից Սևանի ափի «Հայրապետ» հյուրանոցային համալիրը շուկայականից անհամեմատ ցածր գնով ձեռք բերելու...
Աղբյուր` Panorama.am
18:00
Քննարկվել է եզդիերենի ուսուցման ամբիոն հիմնելու հարցը
ՀՀ կրթության, գիտության, մշակույթի և սպորտի նախարար Ժաննա Անդրեասյանն աշխատանքային հանդիպում է ունեցել ՀՀ ԱԺ պատգամավոր Ռուստամ Բաքոյանի և...
Աղբյուր` Panorama.am
17:54
ԱՄՆ-ում և այլ երկրներում աշխատանքային փորձառություն ձեռք բերելու նոր հնարավորություն՝ բուհերի ուսանողների համար
Աշխատանքի և սոցիալական հարցերի նախարար Նարեկ Մկրտչյանի և «Libra Group» ընկերության նախագահ Ջորջ Լոգոթեթիսի հետ ձեռք բերված...
Աղբյուր` Panorama.am
17:45
Հերմոնի վանք վանական համալիրի տարածքում պեղումների ժամանակ գտնվել են խաչքարերի, արձանագիր սրբատաշ բեկորների կտորներ
Հուլիսի 18-ից հետախուզական պեղումներ են մեկնարկել  ՀՀ Վայոց ձորի մարզի Եղեգիս գետի ձորալանջին գտնվող Հերմոնի վանք վանական համալիրի...
Աղբյուր` Panorama.am
17:35
Սիրուշո. Ինձ բերել են ստուգման
ԱՄՆ-ում ունեցած համերգից հետո երգչուհի Սիրուշոն տեսանյութեր ու լուսանկարներ է հրապարակում դրա ընթացքից, ետնաբեմից, զավակների հետ զբոսանքից։...
Աղբյուր` Panorama.am

Տեսանյութեր

Գոհար Գասպարյանի 100-ամյակին նվիրված համերգ՝ համաշխարհային օպերային աստղերի մասնակցությամբ
15:34 19/07/2024

Գոհար Գասպարյանի 100-ամյակին նվիրված համերգ՝ համաշխարհային օպերային աստղերի մասնակցությամբ

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}