Սերժ Սարգսյանը հարցազրույց է տվել Ուրուգվայի առաջատար Republica թերթին
Ուրուգվայ կատարած պետական այցի շրջանակներում ՀՀ նախագահ Սերժ Սարգսյանը շփվել է տեղի լրատվամիջոցների ներկայացուցիչների հետ: Ուրուգվայի առաջատար Republica թերթի հետ զրույցում Հայաստանի նախագահն անդրադարձել է տարածաշրջանային այցի նպատակներին, երկկողմ հարաբերություններին և հայկական համայնքին վերաբերող թեմաներին: Ստորև ներկայացնում ենք Republica-ի անդրադարձը և հարցազրույցը:
Լատինական Ամերիկա տարածաշրջանային այցի շրջանակներում ՀՀ նախագահ Սերժ Սարգսյանն այցելեց նաև Ուրուգվայ: Նա իր հետաքրքրությունը ցուցաբերեց երկկողմանի հարաբերություններն ամրացնելուն և հայ համայնքի հետ կապը խթանելուն: ՀՀ նախագահն Ուրուգվայ էր այցելել ՀՀ ԱԳ նախարար Էդվարդ Նալբանդյանի, Սփյուռքի նախարար Հրանուշ Հակոբյանի, Մշակույթի նախարար Հասմիկ Պողոսյանի և մի շարք այլ պաշտոնյաներից կազմված պատվիրակության ուղեկցությամբ:
Հագեցած օրակարգը ներառում էր հանդիումները Նախագահ Մուխիկայի, փոխնախագահ Աստորիի, մի շարք նախարարների և Ուրուգվայում Հայկական համայնքի հետ:
-Ո՞րն է Լատինական Ամերիկայի երեք պետություններ Ձեր այցի նպատակը:
Անկախ աշխարհագրական հեռավորությունից, մենք շատ ջերմ հարաբերություններ ունենք այս երեք երկրների հետ: Այդ բարեկամության հիմքում այդ երկրներում ապրող հայկական համայնքներն են, որոնք Հայաստանի հետ կապող կամուրջ են հանդիսանում:
Մարդիկ, ովքեր արգենտինական, ուրուգվայական և չիլիական քաղաքներում հայկական համայնքներն են կազմավորել, այդ պետությունների քաղաքացիներ են, սակայն շարունակում են մնալ հայ: Այդպիսով, մեզ համար շատ կարևոր է գալ և հայրենիքից խթան փոխանցել հայկական համայնքներին: Ուրուգվայը մեծ կարևորություն ունի Հայաստանի համար: Այն առաջին պետությունն էր, որ 1965 թվականին ճանաչեց 1915 թվականին տեղի ունեցած Հայոց ցեղասպանությունը: Հայ ժողովուրդը երբեք չի մոռանա այս փաստը:
Ընդհանուր առմամբ, մեր այցն ունի երկու հիմնական նպատակ. մեր պետությունների միջև երկկողմանի հարաբերությունների զարգացումը և համագործակցության խթանումը, և մեր համայնքի հետ հաղորդակցվելը՝ նրանց խնդիրները և մտահոգությունները հասկանալու և աջակցելու համար:
Բացի այդ, Հայաստանը և Ուրուգվայն ունեն կարևոր համագործակցության օրինակներ: Բազմաթիվ առիթներով, միջազգային կառույցներում տարբեր հարցերում մենք աջակցել ենք միմյանց: Գուցե տնտեսական և առևտրային հարաբերությունները դեռևս նույն մակարդակի զարգացած չեն, սակայն ես վստահ եմ, որ ապագան աստիճանաբար կմեծացնի հնարավորությունները:
-Այդ կապակցությամբ՝ մի հարց. երկկողմ համաձայնագրերի մեջ, որոնք նախատեսված են ստորագրել այցի շրջանակներում, առկա՞ են տնտեսական հարցեր:
Այո: Կարծում եմ,, որ այսպիսի փոխադարձ այցելությունները շատ կարևոր դեր ունեն մեր պետություններում առևտրային և տնտեսական բնագավառների զարգացման համար: Բացի այդ, կարծում եմ՝ այս այցի միջոցով, կընդլայնեք երկու երկրների միջև համագործակցության համար իրավական հիմքերը: Ակնհայտ է, որ դժվար է զարգացնել առևտրատնտեսական համագործակցությունը, եթե դրա համար իրավական հիմք չկա:
Ես կասկած չունեմ, որ այդ ներուժը կա: Գլխավորապես, եթե սկսենք գյուղատնտեսությունից և անասնաբուծությունից. առավոտյան մենք եղանք կաթնարտադրության կենտրոնում՝ մի արդյունաբերություն, որում Հայաստանը բազմատեսակ ապրանքատեսակներ է արտահանում:
-Ո՞րն է Ուրուգվայում Հայ համայնքին ուղղված Ձեր ուղերձը:
-Մենք հույս ունենք, որ ուրուգվահայերը կշարունակեն մնալ Ուրուգվայի օրինակելի քաղաքացիներ և կխթանեն Հայասատանի հետ հարաբերությունները: Ինչ-որ չափով նրանք կրկնակի պատասխանատվություն ունեն՝ որպես քաղաքացիներ պետք է ներդրում ունենան Ուրուգվայի զարգացման գործում, և որպես մարդիկ՝ օգնեն Հայաստանին:
Կցանկանայի, որպեսզի ուրուգվայցիների փորձը որոշ առումով կիրառվի Հայաստանում այն նույն անդամների կողմից, ովքեր կազմում են ուրուգվահայ համայնքը: Բացի այդ, կցանկանամ՝ Ուրուգվայի հայ համայնքը վստահ լինի, որ մենք պատրաստակամ ենք աջակցելու նրանց՝ հայոց լեզուն և մշակույթը տարածելու համար:
Ուրուգվայը մի երկիր է, որտեղ ազատությունն է գերիշխում, ուստի, ես կարծում եմ, որ դժվարություններ չեն լինի այլ ազգերի մշակութային արժեքները ընդունելու և համագործակցելու գործում:
Եվ Հայաստանը, և Ուրուգվայը փոքրաթիվ բնակչությամբ պետություններ են, այս առումով բազմազանությունը երբեք խնդիր չէ մեզ համար, այն միայն կարող է օգնել մեզ:
Հարակից հրապարակումներ`
Ադրբեջանը մեծ գումարներ է ծախսում զենք գնելու համար, սակայն դա հաղթանակի երաշխիք չէ. Սերժ Սարգսյանի հարցազրույցը
Սերժ Սարգսյանը հանդիպել է ուրուգվայահայ համայնքի ներկայացուցիչներին. «Մենք իրարով ենք հզոր»
ՀՀ և Ուրուգվայի նախագահները ստորագրել են համատեղ հայտարարություն
Լրահոս
Տեսանյութեր
Գևորգ Դանիելյան. Շատ վատ է, որ մենք չենք օգտագործում Սահմանադրության անվտանգության բարձիկները
