Ձեր վստահելի աղբյուրը

Թուրքիայի նախագահական այս ընտրություններում տեսանք ազգայնականությունների մրցապայաքար: Առաջինը՝ իսլամական ազգայնականների, որի ներկայացուցիչն էր Էրդողանը և երկրորդը ազգայնական երկու այլ ուժեր՝ քեմալական և գորշ գայլեր, որոնք հանդես էին գալիս միավորված: Այսօր այս մասին լրագրողների հետ հանդիպմանն ասաց թուրքագետ Ռուբեն Մելքոնյանը:

Բանախոսը նկատեց, որ նրանց հավաքած ձայները ցույց են տալիս, որ Թուրքիայի ընտրազանգվածի մեծագույն մասը իր նախընտրություններով ազգայնական է:

«Այս ընտրություններում շատ հետաքրքիր էր նաև քուրդ թեկնածուի հարցը և երևաց, որ քրդերը գտնվում են քաղաքական ընտրության աճի պրոցեսի մեջ: Քուրդ թեկնածուին ձայն էին տվել ոչ միայն քրդաբնակ տարածքներում, այլև Թուրքիայի տարբեր նահանգներում, ինչը խոսում է քաղաքացիական ինքնագիտակցության աճի մասին»:

Մելքոնյանի կարծիքով, մինչև 2015 թվականը Թուրքիայում կլինի անցումային մի վարչապետ, որը ամենայն հավանականությամբ կլինի արտգործնախարար Ադմեդ Դավութողլուն: Եվ իրական քաղաքական զարգացումները կսկսվեն հենց 2015 թվականից:

Անդրադառնալով Էրդողանի նախընտրական հայտարարություններին և նրա ինքնության հարցին, բանախոսն ասաց, որ այս պահին Էրդողանը գտնվում է ինքնության ճգնաժամի մեջ:

«Վստահաբար, կարելի է ասել, որ մենք ականատես ենք լինելու Հայաստանի և հայության նկատմամբ ավելի ագրեսիվ ու ոչ հանդուրժող քաղաքականության և սրա համար հիմք է հանդիսանում նաև Էրդողանի անհավասարակշիռ անձը: Էրդողանը նաև նշել է, որ որպես նախագահ իր առաջին այցը լիելու է Ադրբեջան»,-ավելացրեց թուրքագետը:

Ըստ նրա հայ-թուրքական հարաբերությունների հետագա զարգացման հույս չպետք է ունենալ, այլ ընդհակառակը, պետք է ապասել ավելի կոշտ հայտարարությունների և պահվածքի:

Իրաքում եզդիների նկատմամբ զանգվածային ոչնչացումը Մելքոնյանն անվանեց Արևմուտքի երկակի ստանդարտների ու քաղաքականության դրսևորում. «Այսօր եզդիների նկատմամբ ցեղասպանություն են իրականացնում այն խմբավորումները, որոնք նույնը ծրագրում էին անել Քեսաբում և որը արել են Սիրիայում»: 

Իսկ թե ինչպիսի աջակցություն են ստանում իսլամիստները Թուրքիայի կողմից՝ դիտեք տեսանյութում: