Ձեր վստահելի աղբյուրը

Լեռնային Ղարաբաղի Արտաքին գործերի նախարար Կարեն Միրզոյանը Հայաստանի եվրոպացի բարեկամներ կազմակերպության տնօրեն Էդուարդո Լորենցո Օչոայի հետ այս շաբաթ ավարտվել է Բասկերի երկրում մեկշաբաթյա առաքելությունը:

Սեպտեմբերի 10-ից 16-ը կայացած այցը ներառում էր հանդիպումներ բասկ բարձրաստիճան պաշտոնյաների, այդ թվում Բասկերի խորհրդարանի նախագահ տիկին Բակարտխո Տեջերիա Օտերմինի և այլ պաշտոնյաների հետ՝ ինչպես մարզային, այնպես էլ տեղական մակարդակով: Այս մասին հայտնում է 

Ուրբաթ օրը՝ սեպտեմբեր 12-ին, Բասկերի մարզային խորհրդարանը դարձավ Եվրոպական միությունում առաջին խորհրդարանը, որ ճանաչել է Լեռնային Ղարաբաղի ինքնորոշման իրավունքը մի քանի ԱՄՆ նահանգներից եւ Ավստրալիայի Նոր Հարավային Ուելսից հետո:

 Ուրբաթ օրվա հանդիպումից հետո ոչ մի քաղաքական ուժ դեմ չի քվեարկել բանաձևին Վիտորիայում գտնվող Բասկյան խորհրդարանում:

«Մենք ունեինք այս թեմայի շուրջ համաձայնության հասնելու հստակ կամք: Այն, ինչ մենք ուզում ենք շատ պարզ է. մենք ուզում ենք Լեռնային Ղարաբաղի հակամարտությունը լուծվի: Մենք հասկանում ենք, որ բոլոր ժողովուրդները ինքնորոշման և իրենց ապագան ժողովրդավարական ճանապարհով կառուցելու իրավունք ունեն: Մենք՝ որպես բասկեր, ճանաչում ենք բոլոր ժողովուրդներին և, իհարկե, Լեռնային Ղարաբաղը », - ասել է Մարիա Եվգենիա Արիզաբալգան՝ իշխող կուսակցության պատգամավոր, ով պատասխանատու է դոսյեների համար:

Բանաձևի ընդունումից առաջ Գիպուզկոա նահանգի նախագահ Մարտին Գարիտանոն հռչակել է, որ ճանաչում է Լեռնային Ղարաբաղի Հանրապետությունը պարոն Միրզոյանի հետ Սան Սեբաստիանում ունեցած հանդիպման ժամանակ:

«Այս ժողովրդի տառապանքին պետք է վերջ դրվի, քանի որ նրանք արժանի են ազատ և անկախ երկիր ունենալուն, որը կերաշխավորի ապագա պետականություն և լեզվի ու մշակույթի լիակատար պահպանում», - նշել է Գարիտանոն:

Պարոն Միրզոյանը և ՀԵԲ տնօրենը նաև հանդիպել են Սան Սեբաստիանի, Տոլոսայի եւ Գերնիկայի քաղաքապետերին՝ քննարկելով հետագա հնարավոր համագործակցության հարցը, այդ թվում նաև Ստեփանակերտի, Շուշիի եւ այլ քաղաքների հետ մշակութային փոխանակումները:

Սեպտեմբերի 13-ին, պարոն Միրզոյանը համագործակցության և ճանաչման համաձայնագիր է կնքել Սան Սեբաստիանի քաղաքապետ Խուան Կառլոս Իզագիրեի հետ՝ մերձեցնելով Սան Սեբաստիան քաղաքը Լեռնային Ղարաբաղին և սահմանելով համատեղ ծրագրերի համար կոնկրետ ոլորտներ:

«Պարբերական շփումներ պետք է պահպանվեն քաղաքների և համապատասխան գերատեսչությունների միջև՝ հեշտացնելու փոխանակումների քննարկումները և համագործակցությունը, ինչպես նաև ընդհանուր հետաքրքրության հարցերը»,-նշված է համաձայնության մեջ:

Այցը ամփոփվել է սեպտեմբերի 16-ին:

Նախորդող`
ԼՂՀ արտգործնախարարը հյուրընկալվել է Բասկերի ազգայնական կուսակցության կենտրոնակայանում
Տոլոսայի և Արցախի միջև գործնական կապերի հաստատման հնարավորություններ են քննարկվել
Համագործակցության համաձայնագիր` Ստեփանակերտ և Դոնոստիա քաղաքների միջև
Կարեն Միրզոյանը ներկայացրել է ադրբեջանա-ղարաբաղյան հակամարտության խաղաղ կարգավորման ներկայիս փուլը
Բասկերի խորհրդարանը ճանաչում է Լեռնային Ղարաբաղի ինքնորոշումը
Գիպուզկոայի նախագահը ճանաչում է Լեռնային Ղարաբաղը
ԼՂՀ արտգործնախարարը՝ աշխատանքային այցով Բասկերի Երկրում է