![](https://panorama.am/news_images/29/84588_1/f55c4c8e0dbb7e_55c4c8e0dbf62.thumb.jpg)
«Հայ-ռուսական դաշնակցային առանցքի առկայությունը կստիպի Վաշինգտոնին իր ուշադրությունը սևեռել Բաքվի վրա»
Հայ-ռուսական դաշնակցային առանցքի առկայությունը սկտիպի Վաշինգտոնին իր ուշադրությունը սևեռել Բաքվի վրա. «Ռեգիոն» հետազոտական կենտրոնի կազմակերպած առցանց հարցազրույցի ժամանակ նման տեսակետ է հայտնել ամերիկացի վերլուծաբան Գորդոն Հանը` հավելելով, որ ներկայիս աշխարհաքաղաքական իրողությունների պահպանման պայմաններում Հարավային Կովկասում Արևմուտք-Ռուսաստան մրցակցությունը էլ ավելի կսրվի:
«Դրա հետ մեկտեղ «Խողովակաշարային պատերազմը», ըստ ամենայնի, կահագնանա: Ռուսաստանի և Ուկրաինայի հարաբերություններում առկա խնդիրները պահպանվում են և ԵՄ-ն իր հերթին ձգտում է վերջ տալ Ռուսաստանից էներգետիկ կախվածությանը: Թուրքական հոսքի ռուսական նախագիծի առկայությունը նույնպես վկայում է այն մասին, որ որ Հարավային Կովկասը կդառնա էներգակիրների մատարարման համար առավել նախընտրելի տարանցիկ ուղի»,-ասել է Գորդոն Հանը:
Բանախոսի խոսքերով` Հայաստանի` ԵՏՄ-ին անդամակցության գործում Մոսկվայի գործադրած ջանքերը նույնպես վկայում են տարածաշրջանում ԱՄՆ-Ռուսաստան մրցակցության սրման մասին:
«Այս պատճառով ԱՄՆ, միգուցե, ավելի շատ ուշադրություն դարձնի Բաքվի վրա, որպեսզի հակակշռի հայ-ռուսական առանցքին»,- նշել է Գորդոն Հանը:
Այնուհանդերձ, ըստ բանախոսի, մարդու իրավունքների և ժողովրդավարւթյան ամրապնդման հարցում Վաշինգտոնի որդեգրած քաղաքականությունը կարող է լրջագույն խոչընդոտ հանդիսանալ ամերիկա-ադրբեջանական հարաբերությունների հետագա սերտացման համար:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)