Նիկոլայ Կարաչենցովը հոսպիտալացվել է
Ռուս հայտնի դերասան Նիկոլայ Կարաչենցովը հոսպիտալացվել է՝ մոսկովյան իր բնակարանում մահճակալից վայր ընկնելու հետևանքով։ «izvestia.ru»-ի փոխանցմամբ, Կարաչենցովի հետ կատարվածը հաստատել է նաև որդին՝ Անդրեյը ու նշել, որ ծանր դեպքը տեղի է ունեցել մի քանի օր առաջ։
Ըստ աղբյուրի, դերասանը ընկնելուց հետո գետնին պառկած մնացել է երեք ժամ ու սպասել կնոջը՝ Լյուդմիլա Պորգինային, որը գնացել է օգնություն խնդրելու, քանի որ միայնակ չի կարողացել ամուսնուն բարձրացնել ընկած դիրքից։ Մահճակալից ընկնելու հետևանքով, Կարաչենցովը ոտքի կոտրվածք է ստացել։
Այժմ Մոսկովյան վերականգնողական կենտրոնում դերասանը բուժման կուրս է անցնում։
«Նա այժմ բուժում է ստանում։ Նրա հետ ամեն ինչ լավ է», -ասել է որդին։
2005-ին Նիկոլայ Կարաչենցովը ավտովթարի հետևանքով ծանր վնասվածքներ էր ստացել և նույնիսկ մեկ ամիս մնացել կոմայի մեջ։ Ստացած վնասվածքների հետևանքով նա այժմ շարժվելու ու խոսակցական ապարատի հետ կապված խնդիրներ ունի։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին