Սահմանամերձ գյուղում արտաքին լուսավորություն՝ շուրջ 40-ամյա դադարից հետո
Սահմանամերձ Բարձրունին մեկն է այն բնակավայրերից, որը խորհրդային հասարակարգի փլուզումից հետո տարիներ շարունակ քայքայված ենթակառուցվածքների խնդիր է ունեցել:
ՎիվաՍել-ՄՏՍ ընկերության հաղորդագրության համաձայն, այստեղ արտաքին լուսավորություն չի եղել շուրջ չորս տասնամյակ: Վայրի բնության և մշակութային արժեքների պահպանման հիմնադրամի (FPWC) և ՎիվաՍել-ՄՏՍ-ի համագործակցությամբ իրականացվող «Այլընտրանքային էներգիա» նախագծի շրջանակում, գյուղն ամբողջությամբ ապահովվել է լուսավորությամբ: Երկու փուլով իրականացված ծրագրի արդյունքում՝ տեղակայվել է 81 LED լուսարձակով արտաքին լուսավորության համակարգ:
Ծրագրի առաջին փուլով 40 լուսարձակ տեղեկայելու արդյունքում լուսավորվել են բնակավայրի հիմնական փողոցները: Ընթացիկ տարում համագործակցող կողմերն ավելացրել են ևս 41 լուսարձակ՝ ամբողջությամբ կարգավորելով խնդիրը:
Սահմանամերձ գյուղ հերթական շրջայցի ընթացքում՝ համակարգի գործարկմանը մասնակցել են ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, FPWC-ի հիմնադիր Ռուբեն Խաչատրյանը, Զառիթափ համայնքի ղեկավար Սիմոն Բաբայանը և բնակիչները:
ՎիվաՍել-ՄՏՍ-ի աջակցությամբ իրականացվող՝ էներգախնայող տեխնոլոգիաների ներդրման ծրագիրը, բնապահպանական բաղադրիչով հանդերձ, թույլ է տալիս ոչ միայն թեթևացնել Զառիթափ համայնքի ֆինանսական բեռը, այլև՝ աշխուժացնել Բարձրունի գյուղի կյանքը։
«Այսպիսի բնակավայրերում առկա խնդիրների լուծման միջոցներից մեկը դրանց նկատմամբ համակարգված մոտեցումն է: Այս ծրագրի հիմքում առանձնացնում ենք կարևոր երեք թիրախ. սահմանին ապրող մեր հայրենակիցը, նրա ծախսերի կրճատումը և մարդ-բնություն կապի ներդաշնակությունը: Մենք ձգտում ենք ապահովել անվտանգություն, խնայողություն և բնապահպանություն: Սա մի նախաձեռնություն է, որն ունենալու է և՛ կարճաժամկետ և՛ երկարաժամկետ արդյունք»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Ի տարբերություն այլ լամպերի, LED լամպերն առավել արդյունավետ ու դիմացկուն են, կարող են անհամեմատ ավելի երկար ծառայել՝ սպառելով 80 տոկոսով պակաս էլեկտրաէներգիա:
Լուսատուները բնակավայրի փողոցները կլուսավորեն ամռանը 21:00-ից մինչև 00:00, իսկ ձմռանը՝ 18:00-ից մինչև 23:00: Տոնական օրերին լուսավորություն կապահովվի ամբողջ գիշեր:
Հարակից հրապարակումներ`
- Արտաքին լուսավորության էներգախնայող համակարգ՝ սահմանամերձ Բերդավանում
- Ամրակից համյանքն ապահովվել է արտաքին լուսավորությամբ
- Արտաքին լուսավորությամբ են ապահովվել Սյունիքի մարզի Նժդեհ և Ցղունի գյուղական համայնքները
- Արտաքին լուսավորությամբ է ապահովվել թվով տասներորդ համայնքը՝ սահմանամերձ Գոմքը
- Վայոց Ձորի մարզի սահմանամերձ Գնիշիկ և Մոզրով գյուղերն ապահովվել են արտաքին լուսավորությամբ
- Վայոց Ձորի մարզի Խնձորուտ համայնքն ապահովվել է արտաքին լուսավորությամբ
- Գեղարքունիքի մարզի Լիճք համայնքն ապահովվել է արտաքին լուսավորությամբ
- էներգախնայող և անվտանգ արտաքին լուսավորության ցանց ունենալու համար ԱՄՆ-ն վարկ կտրամադրվի ՀՀ-ին