Հասարակություն 12:33 20/04/2017 Հայաստան

ՀՀ նախագահ. Հանձնարարել եմ, անհապաղ քայլեր ձեռնարկել զոհված զինծառայողների ընտանիքներին բնակարանով ապահովելու համար

ՀՀ նախագահ Սերժ Սարգսյանն այսօր Երևանի Կ. Դեմիրճյանի անվան մարզահամերգային համալիրում մասնակցել է ռազմակրթական ոլորտի հիմնախնդիրներին նվիրված «Ազգ-բանակ-2017» խորագրով համաժողովին: Այն համատեղ կազմակերպել են պաշտպանության, կրթության և գիտության նախարարությունները: Համաժողովին հրավիրված են մասնակցելու պաշտպանական և կրթական գերատեսչությունների պատասխանատուներ, հանրակրթական ու բարձրագույն ուսումնական հաստատությունների ղեկավարներ, ուսուցիչներ, դասախոսներ, զինղեկեր, գիտական կենտրոնների, հասարակական կազմակերպությունների ներկայացուցիչներ:

Հանրապետության Նախագահը պաշտպանության, կրթության և գիտության, սփյուռքի, սպորտի և երիտասարդության հարցրերի նախարարների, Երևանի քաղաքապետի, ԱԺ արտաքին հարաբերությունների և գիտության, կրթության, մշակույթի, երիտասարդության և սպորտի հարցերի մշտական հանձնաժողովների նախագահների ուղեկցությամբ այցելել է համաժողովի շրջանակներում համալիրում ապրիլի 21-ից բացվող ցուցահանդեսի տաղավարներ, զինվորական դաշտային խոհանոց, դիտել առանձին հարթակներում և տաղավարներում ներկայացված սպառազինության և ռազմական տեխնիկայի նմուշները, ՀՀ ռազմարդյունաբերական համալիրի արտադրատեսակները, ծանոթացել կրթական ոլորտի մի շարք առաջատար հաստատությունների ներկայացրած կրթական ծրագրերին, արձանագրած հաջողություններին, որից հետո Նախագահը մասնակցել է համաժողովին և հանդես եկել ելույթով:

ՀՀ նախագահի աշխատակազմի հասարակայնության ու մամուլի միջոցների հետ կապերի վարչությունը հրապարակել է նախագահ Սերժ Սարգսյանի ելույթն ամբողջությամբ:

«Հարգելի՛ գործընկերներ,

Շատ ուրախ եմ այս համաժողովի շրջանակներում մեր հանդիպման համար: Ուրախ եմ, որ այստեղ ներկա են կրթության, պաշտպանության, մեր հասարակական կյանքի կազմակերպման այլ բնագավառների աշխատողներ:

Հանրային կառավարման բնագավառում երկար տարիների մեր փորձը ցույց է տալիս, որ Հայաստանում չկա որևէ համակարգային հարց, որը հնարավոր լինի լուծել առանձին վերցրած ոլորտիշրջանակներում: Արդի հասարակության պայմաններում այդպիսի հարցերը շաղկապված են, ուստի անհրաժեշտ են համալիր հարցադրումներ, մոտեցումներ և լուծումներ:

Այդպիսին է նաև հայրենասիրական դաստիարակության խնդիրը: Ամենալավ հայրենասիրական դաստիարակությունը օրինակն է:

Պաշտպանության նախարարի առաջարկած «Ազգ-բանակ» հայեցակարգն ուղղված է անվտանգության ոլորտում պահանջատեր քաղաքացու դաստիարակմանը մեր հասարակության մեջ: Այսօրվա համաժողովն էլ մի միջոց է՝ ավելի ամրացնելու մեր հասարակության, հատկապես երիտասարդության կապը մեր Զինված ուժերի հետ:

Առաջիկա օրերին այստեղ տեղակայված ցուցահանդես կայցելեն հազարավոր աշակերտներ, մանկավարժներ, ծնողներ` հասկանալու համար, թե այսօր մեր երկիրն ինչ ունի առաջարկելու այն երիտասարդներին, ովքեր ուզում են որակյալ կրթություն ստանալ, ունենալ մրցունակ և շատ հետաքրքիր մասնագիտություն:

Այսօր քննարկվելիք նոր նախաձեռնությունները, ինչպես նաև տարիների կուտակած ներուժը լուրջ հիմք կստեղծեն մեր նոր սերնդի հրամանատարների, մտավորական-սպաների ամուր առանցք ձևավորելու համար: Սեպտեմբերին Դիլիջանում նոր և լայն հնարավորություններով վերաբացվելիք «Մոնթե Մելքոնյան» վարժարանից մինչև մեր բարձրագույն ռազմական հաստատությունների նոր կրթական ծրագրեր, քաղաքացիական բուհերից մինչև առաջնագծում մարտական հերթապահություն իրականացնող մեր ժամկետային զինծառայողներ` մենք պետք է վերանայված քաղաքականությամբ, հետևողական քայլերով շարունակենք ամրապնդել մեր հասարակության հարգանքն ու սերը դեպի Հայոց բանակը:

Պետությունը շարունակելու է գործնական քայլեր ձեռնարկել սպայական մասնագիտությունն ընտրած իր քաղաքացիների նկատմամբ: Ինչպես նաև շարունակելու է Հայրենիքի համար իրենց կյանքը զոհած կամ ծառայության արդյունքում հաշմանդամություն ստացած մեր զինծառայողների և նրանց ընտանիքների հանդեպ հատուկ հոգատարություն ցուցաբերելու իր քաղաքականությունը:

Ի դեպ, ես արդեն հանձնարարել եմ Պաշտպանության նախարարին, որպեսզի անհապաղ գործուն քայլեր ձեռնարկի զոհված և առաջին կարգի հաշմանդամ զինծառայողների ընտանիքներին բնակարանով ապահովելու համար: Այս խնդիրը վերջնականապես պետք է լուծվի և այս խնդիրը վերջնականապես պետք է լուծվի ամենաուշը մինչև 2019 թվականի ավարտը: Հանձնարարել եմ նաև անհապաղ ուսումնասիրել և լուծում տալ սեփականաշնորհման ենթակա՝ պաշտպանության նախարարության այն բնակարանային ֆոնդի օտարմանը, որը զբաղեցնում են սեփական բնակարանի փոխհատուցման իրավունք ձեռք բերած մեր զինծառայողները:

Հարգելի՛ տիկնայք և պարոնայք,

Հայրենասիրական դաստիարակությունն ամրապնդելու համար առաջին հերթին պետք է ամրապնդել Հայաստանի յուրաքանչյուր քաղաքացու մեջ տիրոջ զգացումը: Երկրի ամենալավ պաշտպանն այն մարդն է, ով գիտակցում է իր բաժին պատասխանատվությունը հայրենիքի համար:

Պատասխանատվությունը վերացական և վերամբարձ հասկացություն չէ: Պատասխանատու է այն մարդը, ով ունի գոնե իր սեփական անկյունը: Եթե անգամ չունի, վստահ է, որ իր ազնիվ աշխատանքով այդ անկյունը վաստակելու է: Այդ մարդը ոչ միայն ստեղծելու է իր անկյունը, այլև ընդլայնելու է այն, դարձնելու է իր ընտանեկան օջախը: Այդ բնակարանում, այդ միջավայրում նա դաստիարակելու է իր զավակներին, ովքեր տոգորվելու են այդ նույն սեփականատիրոջ զգացումով:

Սա, իմ խորին համոզմամբ, ամենալավ հայրենասիրական դաստիարակությունն է:

Թող ոչ ոք չմոլորեցնի իրեն և ուրիշներին. առանց վճռական տիրոջ, առանց երկրի հայրենի հողին կառչած կանանց և տղամարդկանց հնարավոր չէ որևէ հայրենասիրական դաստիարակություն: Միայն այդպիսի սեփականատիրոջ զգացումով տոգորված կանայք ու տղամարդիկ են ունակ դաստիարակել զավակներ, ովքեր նվիրված են իրենց հայրենիքին, իրենց հողին ու իրենց ջրին:

Նման մարդկանց հայրենասիրության կոչեր ու քարոզներ կարդալ պետք չէ: Նրանք անմիջապես զգում են վտանգը և անհրաժեշտության դեպքում ոտքի են կանգնում՝ իրենց տունը, իրենց երկիրը պաշտպանելու նպատակով:

Նման վերաբերմունքի խրախուսման և ամրապնդման նպատակին են ուղղված այն բարեփոխումները, որ իրականացվում են մեր երկրում: Գալիք մի քանի տարիները որոշիչ են լինելու այդ ճանապարհին:
Փոփոխություններն արմատական են, և նրանք զգալի ու շոշափելի են լինելու Հայաստանի Հանրապետության յուրաքանչյուր քաղաքացու համար:

Հարգելի՛ գործընկերներ,

Կարծում եմ, որ նման տիրոջ զգացումն էր, որ հաջողության ու հաղթանակի ճանապարհ հարթեց Արցախյան ազատամարտում:

Վազգենն ասում էր՝ տեղական հայրենասերների ցավը տանեմ: Ամեն մի գյուղում, ավանում, քաղաքում կան այդպիսի տեղական հայրենասերներ, որ գիտեն իրենց բնակավայրի պատմությունը, այդտեղից դուրս եկած մարդկանց անուններն ու կենսագրությունները: Նրանք միշտ պատրաստ են պատմել իրենց այդ հարազատ տան մասին և հպարտ են դրանով:

Տարիներ շարունակ աշխատանքի բերումով մեր երկրի տարբեր մարզեր ու համայնքներ այցելելով՝ ես ծանոթացել և շփվել եմ նման շատ մարդկանց հետ: Կարծում եմ, որ այդ մարդկանց նվիրումն ու աշխատանքը մենք մշտապես պետք է պահենք մեր ուշադրության և հոգածության կենտրոնում: Դրանից լավ հայրենասիրական դաստիարակություն լինել չի կարող:

Հայաստանը բազմաթիվ փոքր ու մեծ բնակավայրերի հանրագումարն է: Այդ հանրագումարի մեջ երբեք մենք չպիտի կորցնենք անգամ ամենափոքր միավորը: Մենք պետք է սիրենք, գուրգուրենք ու պահպանենք այդ միավորը: Ո՞վ կարող է դա ավելի լավ անել, քան սեփականատերը, իր ազնիվ աշխատանքով իր ընտանիքի հացը վաստակող տղամարդն ու կինը:

Դա է հայրենիքը ճանաչելու և սիրելու միակ ուղին: Այդ արժեքները մենք միշտ պետք է ամրապնդենք և փոխանցենք սերնդեսերունդ՝ առաջին հերթին մեր ընտանիքների միջոցով: Ընտանիքը մեր ազգապահպանության ամենակարևոր և ամենաամուր միավորն է, որտեղ յուրաքանչյուր մարդ ստանում է իր հիմնարար արժեքները:

Մենք պետք է ամրապնդենք մեր դպրոցական համակարգը: Արժանապատիվ քաղաքացի և հասարակության պատասխանատու անդամ դաստիարակելու գործում կարևոր դերակատարություն է, անշուշտ, վերապահված հենց դպրոցին: Հայրենասիրությունը, մարդասիրությունն ու պատվախնդրությունը բոլորիս մեջ ներարկել են մեր ուսուցիչները:

Ո՞վ է խնամում այգին, սիրելի՛ գործընկերներ: Այգին խնամում է տերը: Ո՞վ է, գիշերներ լուսացնելով, փորձում այգին փրկել ցրտահարությունից, ոռոգում, սրսկում, պաշտպանում այգին: Միայն ու միայն տե՛րը:

Մեր հայրենիքը հենց այդ այգին է, որտեղ տերը միաժամանակ մշակ է և ծառա: Հայրենասերը նա է, ով և՛, տեր է, և՛ մշակ՝ միաժամանակ, առանց զատելու:

Տեր լինել սեփական վաստակին, տեր լինել սեփական երկրին, տեր լինել սեփական իրավունքներին՝ նշանակում է լինել ազատ:

Ազատասիրությունը և հայրենասիրությունը նույն մեդալի երկու երեսներն են: Մենք արժանի լինենք այդ մեդալին: Պաշտպանե՛նք մեր ազատությունը, ինչպես կպաշտպանեինք մեր այգին, քանի որ առանց այդ այգու չենք ունենա ո՛չ վաստակ և ո՛չ էլ որևէ այլ բան:

Վերահաս վտանգի առաջ համախմբվում են շատերը: Դա կոչվում է, ինչպես գիտեք, ինքնապաշտպանության բնազդ: Այդ բնազդը հատուկ է նույնիսկ կենդանիներին: Մեր ազգային համախմբումը հիմնված չէ և չպետք է հիմնված լինի ինքնապաշտպանական բնազդների վրա: Այն խորապես գիտակցված ընտրություն է և կոչվում է ազատություն. տիրո՛ջ ազատություն և տիրո՛ջ պատասխանատվություն: Այն մեր ինքնության և ինքնագիտակցության կարևոր բաղադրիչն է եղել հազարամյակներ և լինելու է այսուհետ ևս:

Երբ մենք ասում ենք, որ հարգում ենք և հարգելու ենք մարդու հիմնարար ազատությունները, դա մենք չենք անում ինչ-որ մեկին դուր գալու համար: Մենք դա ասում ենք և անում ենք, քանի որ մարդն առանց հիմնարար ազատությունների լիարժեք չէ:

Մեզ պետք են լիարժեք մարդիկ, մեզ պետք են երկրի տերեր, որ պատրաստ են մշակելու և պաշտպանելու իրենց վաստակը, իրենց այգին՝ մեր Հայաստանը:

Խաղաղ պայմաններում մենք ազգ-այգեպան ենք, իսկ վտանգի պահին դառնում ենք ազգ-բանակ: Ահա սա է մեր երկրի տերերի, երկրի մշակների և երկրի պաշտպանների հայեցակարգը:

Շնորհակալություն:

Հաջողություն եմ մաղթում բոլորին»:



Աղբյուր` Panorama.am
Share |

Լրահոս

16:35
Փոխնախարար. Հայաստանի տնտեսությունը պետք է կողմնորոշված լինի դեպի արտահանում
«Մենք գտնում ենք, որ Հայաստանի տնտեսությունը պետք է կողմնորոշված լինի դեպի արտահանում»,-այսօր «Տնտեսական զարգացման վիճակը...
Աղբյուր` Panorama.am
16:28
Հայաստանն ու Լեհաստանը մեծ ներուժ ունեն տնտեսական ոլորտում. ՀՀ ԱԳ նախարար
Նախարարն ասաց, որ այս տարի հայ-լեհական հարաբերություների համար մեծ կարևորություն ունեցող երկու իրադարձություն են նշում:
Աղբյուր` Panorama.am
16:20
Ապրիլյան պատերազմի մասնակից ուսանողները բարձր առաջադիմության համար ստացել են կրթաթոշակներ
ԱՊՀ երկրների ինստիտուտի հայաստանյան մասնաճյուղի տնօրեն Ալեքսանդր Մարգարովը կրթաթոշակներ է հանձնել ապրիլյան պատերազմի 3 մասնակիցների, իսկ...
Աղբյուր` Panorama.am
16:11
Արարատի գործող քաղաքապետն առանց մրցակից է մնացել
Արարատի քաղաքապետի թեկնածու առաջադրված անկուսակցական  Արտյոմ Պողոսյանն ինքնաբացարկ է հայտնել: Նա ինքնաառաջադրվել է: ԿԸՀ պաշտոնական...
Աղբյուր` Panorama.am
16:04
Ադրբեջանը նոր կոռուպցիոն սկանդալի կիզակետում. շվեդական մամուլի բացահայտումները
Շվեդական հանրային հեռուստատեսության հետաքննող լրագրողների խումբը և «OCCRP»-ի (Organizerd Crime and Corruption Reporting Project)-ի...
Աղբյուր` Panorama.am
15:57
ԵՄ-Արցախ համագործակցությունը կայունացնող դեր կխաղա. Արցախի ԱԳ նախարար
Այսօր Արցախի Հանրապետության արտաքին գործերի նախարար Մասիս Մայիլյանը «ԵՄ-Արցախ համագործակցության հեռանկարները՝ որպես ներդրում Հարավային...
Աղբյուր` Panorama.am
15:51
Ժնևյան գագաթաժողովից հետո զինադադարի խախտումները շփման գծում շարունակվում են. Նալբանդյան
«Մենք համակարծիք էին Լեհաստանի արտգործնախարարի հետ, որ միջազգային իրավունքի սկզբունքների հիման վրա հիմնված ղարաբաղյան հիմնախնդրի բացառապես խաղաղ կարգավորմանն այլընտրանք չկա»:
Աղբյուր` Panorama.am
15:48
Իրավական դաշտում ունեցած խնդիրները նույնն են. Դավիթ Հարությունյան
Բարեփոխումների ճանապարհին միմյանցից սովորելու և մարտահրավերներին միասին դիմակայելու մեծ հնարավորություն է ստեղծված»,- այս մասին նշել էՀՀ...
Աղբյուր` Panorama.am
15:41
Պլանային ջրանջատում Ստեփանավանում
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված, հոկտեմբերի 23-ին...
Աղբյուր` Panorama.am
15:33
Beeline-ի աջակցությամբ մեկնարկել է Մայքրոսոֆթ ինովացիոն կենտրոն Հայաստանի հեքըթոնը
Թումո ստեղծարար տեխնոլոգիաների կենտրոնում մեկնարկել է Beeline Հայաստանի և Մայքրոսոֆթ ինովացիոն կենտրոն Հայաստանի կողմից կազմակերպված...
Աղբյուր` Panorama.am
15:12
Ախալքալաքի ՏԻՄ ընտրություններից առաջ հայ 3 թեկնածուների դեմ PR արշավ է սկսվել. վրացագետ
Էդիկ Բերիկյանին, Կարապետ Ալոյանին և Էդուարդ Էլյազյանին մեղադրում են Սահմանադրությունը խախտելու և ընտրություններին հայկական անձնագրերով մասնակցելու փորձի մեջ:
Աղբյուր` Panorama.am
15:12
Նախագահին հավատարմագրերն է հանձնել Դանիայի նորանշանակ դեսպանը
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Դանիայի Թագավորության նորանշանակ արտակարգ և լիազոր դեսպան...
Աղբյուր` Panorama.am
14:46
Եվրամիության անդամ որոշ երկրներ «Ադբեջանական լվացքատան» մեղադրանքները լուրջ չեն ընդունել
Վերակառուցման և Զարգացման Եվրոպական Բանկը (ՎԶԵԲ)-ը, չնայած լվացքատան վերաբերյալ մեղադրանքներին, շարունակում է ֆինանսական աջակցություն ցուցաբերել...
Աղբյուր` Panorama.am
14:36
Մեր երկրի գանձերը գետնի տակ չեն, այստեղ են՝ այս բեմում. Սերժ Թանկյան
«Հայաստանում իմ սիմֆոնիան Երիտասարդական նվագախմբի կողմից ներկայացնելն ինձ համար հիանալի մի բան է»,- այս մասին նշել է ամերիկահայ ռոք...
Աղբյուր` Panorama.am
14:26
Հայաստան-ԵՄ կնքվելիք համաձայնագրում ատոմակայանի փակման մասին խոսք չկա. Աշոտ Մանուկյան
Հայաստանի և Եվրոպական Միության միջև կնքվելիք համաձայնագրում ատոմակայանի փակման մասին ուղղակի խոսք չկա: Այս մասին լրագրողների հետ հանդիպման...
Աղբյուր` Panorama.am
14:21
ԵՊՀ-ում Բուտրոս Ղալիի անվան լսարան է բացվել
Այսօր Երևանի պետական համալսրանաի միջազգային հարաբերությունների ֆակուլտետում բացվել է ՄԱԿ-ի նախկին գլխավոր քարտուղար Բուտրոս Ղալիի անվան...
Աղբյուր` Panorama.am
14:08
Քաղաքագետ. Ժնևում քննարկվել է հայկական կողմի մշակած օրակարգը
«Ժնևում Հայաստանի և Ադրբեջանի նախագահների հանդիպմանը հետևած զարգացումներն ըստ էության ցույց են տալիս, որ բանակցային գործընթացը...
Աղբյուր` Panorama.am
14:05
Շաբոյան. Սեփական նախաձեռնությամբ անհնար է վերհանել բոլոր խնդիրները
«Տնտեսական մրցակցության պաշտպանության պետական հանձնաժողովի ռեսուրսները սահմանափակ են, և միայն սեփական նախաձեռնությամբ, բնականաբար, ...
Աղբյուր` Panorama.am
14:01
Առաջիկայում էլեկտրաէներգիայի սակագների բարձրացման համար նախապայմաններ չեմ տեսնում. Աշոտ Մանուկյան
«Եթե կառավարությունը՝ ի դեմս էներգետիկ ենթակառուցվածքների ու բնական պաշարների նախարարության, փորձի միջամտել սակագների ձևավորմանը, ...
Աղբյուր` Panorama.am
13:53
Կալիֆորնիայում անտառային հրդեհներից վնասը անցել է 1 մլրդ դոլարը
ԱՄՆ Կալիֆորնիա նահանգում անտառային հրդեհներից վնասը կազմել է 1,045 մլրդ դոլար: «Ռիա նովոստի»-ի հաղորդմամբ՝ այս մասին հայտնել է...
Աղբյուր` Panorama.am
13:44
Թբիլիսիում զինված հարձակում են իրականացրել գրախանութի վրա
Ձեռքի նռնակով զինված տղամարդը  հարձակում է գործել գրախանութի վրա: «Գրուզիա օնլայն»-ի հաղորդմամբ, նա սպառնացել է...
Աղբյուր` Panorama.am
13:40
Բակո Սահակյանն ու Արամ Առաջինը Նոր Կիլիկիա բնակավայրի հետագա զարգացման հարցերն են քննարկել
Արցախի Հանրապետության Նախագահ Բակո Սահակյանը այսօչ Բրյուսել քաղաքում հանդիպում է ունեցել Մեծի Տանն Կիլիկիո Կաթողիկոս Արամ Առաջինի հետ: ԱՀ...
Աղբյուր` Panorama.am
13:33
Ռուսաստանում 2,5 միլիոն անօրինական միգրանտ է բնակվում
Գորովոյի խոսքով, Ռուսաստան մուտքի իրավունքից զրկված է արդեն 2 միլիոն օտարրկրյա քաղաքացի։
Աղբյուր` Panorama.am
13:26
ԱՄՆ-ում ավիաընկերությունն առաջին չվերթն Է իրականացրել «վարդագույն» անձնակազմով
Southwest Airlines ամերիկյան ավիաընկերությունն առաջին չվերթն է կատարել միայն կանանցից բաղկացած անձնակազմով: «Ռիա նովոստի»-ի...
Աղբյուր` Panorama.am
13:17
Միացյալ թագավորությունը՝ «ադրբեջանական լվացքատան» ավազակապետերի, բռնակալների սիրելի երկիր
Մեծ Բրիտանիայի լեյբորիստական կուսակցության անդամ Մարգարեթ Հոդջն անդրադառնալով «Ադրբեջանական լվացքատան» վերաբերյալ  սկանդալային...
Աղբյուր` Panorama.am
13:04
Իրանի ԱԳՆ-ում հայտարարել են ատոմային գործարքի հավատարիմ մնալու մասին
Մենք նրանցից չենք, ով առաջինը կլքի գործարքը, սակայն կարձագանքենք գործարքի մյուս մասնակիցների արարքներին։
Աղբյուր` Panorama.am
12:39
ՄԱԿ. 2016-ին ամեն օր 7 հազար նորածին է մահացել
Մանկական մահացության հիմնական պատճառները աղքատությունն ու անհավասարությունն է:
Աղբյուր` Panorama.am
12:37
«Այս օրինագծով բանակ մտնողները ուղղակի դառնալու են զենք բռնող շարքայիններ». քննարկում
Զիվորական ծառայության և զինվորական կարգավիճակի մասին Պաշտպանության նախարարության կողմից ներկայացված օրենքի նախագիծը ենթադրում է ակադեմիական...
Աղբյուր` Panorama.am
12:20
ԱՄՀ հայաստանյան գրասենյակը հետաքրքրված է հարկային վարչարարության ծրագրերով
Արժույթի միջազգային հիմնադրամի հայաստանյան գրասենյակն արձանագրել է Պետական եկամուտների կոմիտեի ձեռքբերումները: Այդ մասին հայտնել է ԱՄՀ...
Աղբյուր` Panorama.am

Տեսանյութեր

Նուռը ժամանակակից արվեստի Ֆլորենցիայի բիենալեում արժանացել է գլխավոր մրցանակի
15:30 20/10/2017

Նուռը ժամանակակից արվեստի Ֆլորենցիայի բիենալեում արժանացել է գլխավոր մրցանակի

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}