Լեռնային Ղարաբաղի հարցում Հայաստանը Ադրբեջանի համեմատ մի շարք առավելություններ ունի
Eurasianet պարբերականը վերլուծական անդարդարձ է կատարել արցախյան հիմնահարցին և գրել է, որ Լեռնային Ղարաբաղի հարցում Հայաստանը Ադրբեջանի համեմատ մի շարք առավելություններ ունի, օրինակ՝ շահավետ աշխարհագրական դիրք։
«Հայաստանի զորքերը ոչ միայն վերահսկում են Լեռնային Ղարաբաղը, այլ նաև հարակից տարածքները։ Չնայած, որ կողմերը լուրջ պաշտպանական կառույցներ են ստեղծել շփման գծի երկայնքով, Ադրբեջանի ռազմական նպատակները կախված են հարձակման հնարավորությունից։
Լայնածավալ բախումների դեպքում ստատուս-քվոյի պահպանումը կհամարվի որպես Հայաստանի հաղթանակ, մինչդեռ Բաքուն ստիպված կլինի գոհանալ տարածքային փոքր ձեռքբերումներով։
Սա նաև ակնհայտ էր 2016թ ապրիլյան պատերազմի ժամանակ, երբ ադրբեջանական զորքերը 1990թ-ի ի վեր առաջին անգամ կարողացան տարածքներ կորզել, սակայն այնքան էլ հավանական չէ, որ ադրբեջանական զորքերը կարող են անվերապահորեն հավատալ, որ երկարատև պատերազմի դեպքում կարող են նման ձեռքբերումենր ունենալ».-նշված է հոդվածում։
Հոդվածագիրը կարծում է, որ Հայաստանը Ադրբեջանի հարձակողական մակարդակին հասնելու կարիք չունի։
«Այնուամենայնիվ, Երևանն իր տրամադրության տակ էական ձեռքբերումներ, ինչպես օրինակ Ս-300 համակարգերը (Ադրբեջանը ևս ունի այդ համակարգերից) և «Իսկանդեր-Մ» հրթիռները (Ադրբեջանը չունի նման համակարգեր)՝ զենք, որն առավել հարկավոր է զսպման, ոչ թե լիարժեք պատերազմի համար։ Ռուսաստանը զինում է 2 կողմերին, ինչը վրդովեցնում է հայերին, սակայն Հայաստանը զենքը գնում է առավել շահավետ գներով», -նշված է հոդվածում:
Անդրադառնալով Ժնևում կայացած Հայաստանի և Ադրբեջանի նախագահների հանդիպմանը, հոդվածագիրը գրում է, որ այդ հանդիպումից հետո Հայաստանի և Ադրբեջանի միջև նոր հակամարտության հավանականությունը որոշ ժամանակով հետաձգվում է։