Ձեր վստահելի աղբյուրը

Կազմակերպված հանցավորության և կոռուպցիայի լուսաբանման նախագիծը (OCCRP) հրապարակել է ադրբեջանական իշխանության ներկայացուցիչների կողմից փողերի լվացման վերաբերյալ հերթական հետաքննությունը:

Խոսքը ադրբեջանցի գործարար, Ադրբեջանի ներքին գործերի առաջին նախարարի որդու Ռասիմ Ասադովի մասին է, ով  նաև «Ադրբեջանական լվացքատուն» անունը ստացած կոռուպցիոն բացահայտումների գլխավոր դերակատարներից է եղել։

Կազմակերպությունը հիշեցնում է, որ «Ադրբեջանական լվացքատան» բացահայտումների շնորհիվ պարզ է դարձել, որ միլիոնավոր դոլարներ ապօրինի ձևով ԵՄ են փոխանցվել հիմնականում Մեծ Բրիտանիայում գրանցված չորս ընկերությունների միջոցով։ 

Իսկ «Դոսիե» պարբերականն իր հերթին բացահայտել է, որ դեպի Ավստրալիա գումարների փոխանցման հետևում կանգնած է Ասադովը։  Ասադովը նաև Ադրբեջանի փոխնախագահ և առաջին տիկին Մեհրիբան Ալիևայի զարմիկի՝ Միրժալալա Փաշաևի գործընկերն է։

Ասադովը Վիեննայի ամենահեղինակավոր թաղամասում՝ «Ոսկե թաղամաս»-ում գտնվող «Kiton» խանութի սեփականատերն է և խանութը բացման օրվանից ի վեր  բազմաթիվ կորուստներ է կրել՝ 2014թ.-ի վերջին 430 հազար եվրոյի չափով, իսկ հաջորդ տարի՝ 1,76 մլն եվրո, սակայն վերջինս, չնայած այդ կորուստներին, շարունակում է ներդրումներ է կատարել այդ թաղամասում։  «Kiton» խանութը Վիեննայի նորաձև խանութներից մեկն է, որտեղից իրենց կարող են թույլ տալ գնումներ կատարել միայն հարուստները:

Կազմակերպության բացահայտումների արդյունքում նաև պարզ է  դարձել, որ  37-ամյա Ասադովին է պատկանում «Golden Quarter» թաղամասի թանկարժեք շենքը, որը նա գնել է օգտվելով օրենքի սողանցքից: Նա ևս մեկ ընկերություն ունի, որը 2014-ի մայիսից գործում է Վիեննայում՝ «AE BG Eta Holding GmbH»-ը, որը զբաղվում է «վարչարարությամբ և անձնական ակտիվների կառավարմամբ, հատկապես ինքնաթիռներով»: Իր գործունեության երկրորդ տարում ընկերությունը մոտ 7 մլն դոլարի վնաս է կրել։

«Դոսիե» պարբերականն այս ընթացքում բացահայտել էր,  որ դեպի Ավստրալիա գումարների փոխանցման հետևում կանգնած է Ասադովը։
Նշված պարբերականի բացահայտումներից հայտնի է դարձել, որ 2014թ Ասադովը Սարդինայի թագավորությունից Մոնտենեգրո է մեկնել անձնական ինքնաթիռով, և որի ծախսերը հոգացել է «Hilux Services LLP», որը «Ադրբեջանական լվացքատան» մեջ ներգրավված չորս ընկերություններից մեկն է։