Ձեր վստահելի աղբյուրը

ԱԺ-ում տեղի ունեցած քվեարկության արդյունքում Նիկոլ Փաշինյանը չընտրվեց վարչապետ: «Ելք» խմբակցության կողմից առաջադրված վարչապետի միակ թեկնածուի օգտին կողմ է քվեարկել 45 պատգամավոր, դեմ՝ 56, ձեռնպահ՝ 0: 

 Ընտրվելու համար անհրաժեշտ էր 53 ձայն:

Իսկ մինչ այդ ունեցած ելույթում  Նիկոլ Փաշինյանը  շնորհակալություն հայտնեց Հանրապետության հրապարակում հավաքված քաղաքացիներին, խոստացավ քիչ անց այնտեղ գնալ: Շնորհակալություն հայտնեց շահագրգիռ քննարկումների համար:

«Ժողովրդի հաղթանակը որևէ կերպ չի կարող կասկասծի տակ առնվել»,-ասաց Փաշինյանը:

Նա նշեց՝ իրեն մեղադրում են Հանրապետական կուսակցությունը ոչնչացնելու ցանկության համար. «Ես ուզում եմ այս պահից պաշտոնապես հայտարարել, որ նման մտադրություն չունեմ, որովհետև Հանրապետական կուսակցությունն ու խմբակցությունն ինքն իրեն ոչնչացրեց միանգամից ու անշրջելիորեն: Սեփական ժողովորդին պատերազմ հայտարարծ ուժը չի կարող գոյություն ունենալ: Այն, ինչ մենք հիմա տեսնում ենք, դա ոչ թե Հանրապետական կուսակցություն է կամ խմբակցություն, այլ նրա ուրվականը»:

Փաշինյանը նշեց, որ Հանրապետական խմբակցության ներկայացուցիչներն հակապետական հռետորիկայի են անցել, փորձելով իր շարժմանը աշխարհաքաղաքական դավադրության մաս լինելու մասին ահազանգեր ուղարկել տարբեր տեղեր:

«Դրանք նպատակ ունեն խաթարել Հայաստանի ու մի քանի երկրների բարեկամական հարաբերությունները, փորձ են անում այնպես անել, որ թշնամանք առաջանա: Ոչ մի պայթյունավտանգ իրավիճակ գոյություն չունի: Չի լինելու ոչ մի բախում, քանի որ ժողովրդի դեմ կանգնած որևէ ուժ չկա, որ տեսականորեն բախում լինի: Ես ասել եմ, որ Արցախի Հանրապետությանը, Հայաստանին  սպառնացող վտանգի  դեպքում, համաժողովրդական ամբողջ ներուժը ծառայելու է Արցախի, Հայաստանի պաշտպանության գործին»,-ասաց նա: