Քաղաքական 18:44 26/11/2018 Հայաստան

«Այդպես մտածողները համտեսել են ասֆալտի համը». Փաշինյան (լրացված է)

18։43
Արտագնա նիստ՝ Գյումրիում

ՀՀ կառավարությունը դեկտեմբերի 7-ին Գյումրիում արտագնա նիստ կանցկացնի: Այս մասին այսօր Գյումրիում «Իմ քայլը» դաշինքի նախընտրական քարոզարշավի ժամանակ հայտարարեց վարչապետի պաշտոնակատար Նիկոլ Փաշինյանը։

«Դեկտեմբերի 7-ին, երկրաշարժի 30-րդ տարելիցի օրը ես էլի այստեղ եմ լինելու»,-ասաց Փաշինյանը։

17։49
Վերելակների գործարան՝ Շիրակի մարզում


«Իմ քայլը» դաշինքի այսօրվա քարոզարշավի վերջին կանգառը Գյումրին էր: Նիկոլ Փաշինյանը հայտարարեց՝ Գյումրիում սկսած գործը «խերով է» և ներդրողներին կոչ արեց, որ առաջին հերթին ներդրումներ անեն  Գյումրիում:

Նա նշեց, որ «Իմ քայլը» վստահության քվե է ուզում տնտեսական հեղափոխություն իրականացնելու համար:

«Շատ է խոսվում այն մասին, թե ինչպես պետք է վերականգնենք աղետի գոտին: Մեր պատասխանը մեկն է. աղետի գոտի հասկացությունը վերացնելու ելքը տնտեսական հեղափոխությունն է, քանի որ գյումրեցին, հայ ժողովուրդն աշխատող է և մենք պետք է հնարավորություն տանք, որ մարդիկ ներդրումներ անեն, գործարաններ բացվեն, նոր աշխատատեղեր ստեղծվեն: Գյումրեցին որևէ մեկի ողորմության կարիքը չի ունեցել և չի ունենալու, գյումրեցին միշտ աշխատելու է և լինելու է բարեկեցիկ»,- ասաց Նիկոլ Փաշինյանը: 

Նա հայտնեց, որ Շիրակի մարզի Արթիկ քաղաքում մի քանի ներդրումային ծրագրեր են իրականացվում, կարի ֆաբրիկա է բացվելու մոտ 800 աշխատատեղերով: Ըստ նրա՝ նպատակ ունեն այս մարզում բացել վերելակների գործարան, Գյումրիում էլ՝ տեսքստիլի արտադրամաս: 

17։22
Նիկոլ Փաշինյանն անդրադարձավ «Սասնա ծռեր» համահայկական կուսակցության հայտարարությանը


Այսօր Արթիկ քաղաքում նախընտրական քարոզարշավի շրջանակում ունեցած ելույթում  Նիկոլ Փաշինյանը հայտարարեց, որ ինքը «Իմ քայլը» դաշինքի վարչապետի թեկնածուն է, բայց ուզում է հավատալ, որ ինչպես ապիլին, այնպես էլ այսօր՝ ՀՀ քաղաքացիների կողմից առաջադրվող վարչապետի թեկնածուն է:

Վարչապետի պաշտոնակատարն անդրադառնալով ՀՀԿ փոխնախագահ Արմեն Աշոտյանի հայտարարությանը, ըստ որի՝ դեկտեմբերի 9-ին Նիկոլ Փաշինյանին ու իր թիմին անակնկալ է սպասվում՝ նշեց. «Ես գիտեմ ինչ անակնկալ է սպասվում, դեկտեմբերի 9-ին պարզվելու է, որ նույնիսկ իրենց տնեցիք իրենց օգտին չեն քվեարկել, այ դա է պարզվելու դեկտեմբերի 9-ին»:
Այնուհետև Նիկոլ Փաշինյանն անդրադարձավ «Սասնա ծռեր» համահայկական կուսակցության հայտարարությանը, թե իրենք առաջիկա երկու տարին պատկերացնում են անցումային փուլի ժամանակահատված, հետևաբար, նաև առաջիկա խորհրդարանը պատկերացնում են որպես անցումային խորհրդարան:

«Մենք հենց այդպիսի ծրագիր ենք ներկայացրել՝ երկու տարվա համար։ Կարծում ենք, որ Ազգային ժողովը երկու տարի հետո այլևս պետք է ամփոփած լինի իր անցումային փուլի անելիքը և նորից պետք է արտահերթ ընտրությունների գնանք», - նշել էր «Սասնա Ծռեր» կուսակցության նախընտրական ցուցակի առաջին հորիզոնականը զբաղեցնող Վարուժան Ավետիսյանը։

«Էսօրվանից ասում են՝ էս խորհրդանարանը մեկ տարվա, մեկուկես տարվա կյանք է ունենալու:  Էդ դուք իրոք որոշե՞լ եք, որ ձեզ իրավունք է տրված որոշել խորհրդարանի ու երբեմն նույնիսկ մարդկանց կյանքի չափե՞րը: Ես ձեզ ասում եմ՝ հանկարծ չշշկռվեք, սա ձեզ համար Սերժ Սարգսյանի թուլամորթ ու թուլակամ իշխանությունը չէ», - նշեց Նիկոլ Փաշինյանը:

Նա նշեց, որ իրենց ժպիտներն ու քաղաքավարությունը որևէ մեկը թող չհամարձակվի մեկնաբանել որպես թուլություն։

«Այդպիսի մի քանի դեպք եղել է, և այդպես մտածողները համտեսել են ասֆալտի համը, ես ոչ մեկին խորհուրդ չեմ տա գնալ այդ նույն ճանապարհով՝ ով ուզում է լինի: Ընտրվող խորհրդարանը լինելու է լեգիտիմ և գործելու է իր լիարժեք ժամկետներում, եթե ՀՀ քաղաքացիները այլ բան չորոշեն»,- հայտարարեց վարչապետի պաշտոնակատարը:

15:04
Անդրադարձ ՀՀԿ պաստառներին ու պլակատներին


Մարալիկում Նիկոլ Փաշինյանն անդրադարձավ նաև ՀՀԿ-ի պաստառներին. «Այսօր Հանրապետական կուսակցությունը դուրս է եկել մեյդան, էդ տապանաքարի նման պլակատներն էլ սարքել են սևով և ճիշտ էլ արել են, որովհետև էս ընտրությունները պետք է արձանագրեն հանրապետական թալանչիների քաղաքական մահը: Այս ընտրություններում հանրապետականին՝ որպես երկիրը 20 և ավելի տարի թալանած հանցավոր խմբավորման, պետք է նետել քաղաքական աղբանոցը, պատմության աղբանոցը»,- նշեց նա:

Ինչ վերաբերում է ՀՀԿ-ի կարգախոսին՝ «Եթե մտահոգ ես, ընտրիր Հանրապետականին», Նիկոլ Փաշինյանն ասաց. «Այսօր եկել կանգել են ու ասում՝ եթե մտահոգ եք բանակով, քվեարկեք ՀՀԿ-ի օգտին: Այ բանակը 20 տարի թալանած, սերմացու գողացող մկներ, դուք դեռ բարոյական իրավունք ունեք բանակի մասին խոսե՞լ: Դուք մեր զինվորին նույնիսկ «մայկա տրուսիկով» չեք կարողացել ապահովել:  Բանակի մասին մտածող Հանրապետականներին պետք է բռնել և ստիպել, որ իրենք մի շաբաթ ուտեն էն, ինչ որ հիմա իրենցից ժառանգություն ստացած և իներցիայով, դեռ դրվում է մեր զինվորի սեղանին: Մեր դիրքերում ծառայող զինվորներին էն, ինչ դուք թողել եք, մի շաբաթ, տո ինչ մի շաբաթ, երեք օր ձեզ պետք է կերցնել ու ասել՝ «ձայները կտրեք և բանակի մասին ծպտուն չհանեք»: Էն, ինչ դուք արել եք բանակի հետ, կոչվում է ազգային դավաճանություն ոչ միայն բարոյական, այլ նաև քրեական իմաստով: Զինվորի հացը գողացած ոչ մի ստահակ չի խուսափելու պատասխանատվությունից, նրանց տեղը բանտն է և նրանք հայտնվելու են բանտում»:

Նիկոլ Փաշինյանի խոսքով՝ որևէ մեկը պատասխանատվությունից չի խուսափելու և ժողովրդից գողացված ամեն կոպեկը վերադարձվելու է։

14։00
«Հեռացիր Արտակ, հեռացիր Արտակ»


Արտահերթ խորհրդարանական ընտրություններին մասնակցող «Իմ քայլը» դաշինքի առաջնորդ, վարչապետի պաշտոնակատար Նիկոլ Փաշինյանը Թալինից հետո այցելել է  Շիրակի մարզի Մարալիկ քաղաք:

Մարալիկցիները վարչապետի պաշտոնակատարի հետ հանդիպման ժամանակ ասացին, որ նա լուծի իրենց համայնքի ղեկավարի հարցը, որի հրաժարականն արդեն մի քանի ամիս է պահանջում են:

«Ինչպես հասկացա արձագանքներից, ձեզ հուզող առաջին խնդիրը համայնքում ստեղծված իրավիճակն է»,- ասաց Նիկոլ Փաշինյանը, ինչին ի պատասխան   մարալիկցիները սկսեցին վանկարկել՝ «Հեռացիր Արտակ, հեռացիր Արտակ»:

Նշենք, որ խոսքը Մարալիկի քաղաքապետ Արտակ Գևորգյանի մասին է:

«Ես իհարկե տեղյակ եմ, հետևում եմ իրադարձություններին և այս հարցում ուզում եմ ձեզ հետ բաց, անկեղծ խոսել, որ մենք իրավիճակը հասկանանք: Ընդհանուր առմամբ, արդյոք տեսականորեն վարչապետը ՀՀ-ում  ունի էնքան լծակ, որ կարողանա ստիպել, հարկադրել որևէ համայնքի ղեկավարի, որ նա հրաժարական տա: Իհարկե ունի, բայց ուրիշ խնդիր կա. ի վերջո կառավարությունը երբեմն և շատ հաճախ չպետք է համայնքի խնդիրներին միջամտի»,- նշեց Փաշինյանը:

Նրա խոսքով՝ ինքը մի քանի անգամ ասել է, որ այն պահին, երբ կլինեն հիմնավոր փաստարկներ, որոնք համայնքի ընտրողների մեծամասնության տեսակետն են, այդ ժամանակ կառավարությունը կմիջամտի:

«Ուզում եմ անկեղծ ասել՝ առանց այն էլ մեզ մեղադրում են, որ իբր մենք Հայաստանում միակուսակցական համակարգ ենք ստեղծում: Ճիշտ կանենք՝ այնպիսի քայլերով գնանք, որ մեր երկրում հավասարակշռված մոտեցում լինի: Ես առաջարկում եմ հետևյալը՝ եթե այդ խնդիրն այդքան հասունացել է, համայնքի ընտրողների մեծամասնությունը պետք է ասի՝ համայնքի ղեկավարը հեռանա»,- ասաց Փաշինյանը:

Նրա խոսքով՝ կարիք չկա մարդկանց առաջ դռները փակել, դրա համար մարալիկցիներին առաջարկում է համայնքի ընտրողների մեծամասնության ստորագրությունը հավաքել և ուղարկել իրեն:

«Երբ կհամոզվեմ, որ դա մեծամասնության կարծիքն է, այդ ժամանակ կառավարությունը կոնկրետ քայլեր կձեռնարկի»,- հավելեց վարչապետի պաշտոնակատարը: 

Նիկոլ Փաշինյանը նաև նշեց, որ Հայաստանում քաղաքական հետանդումներ չեն լինելու, ինչպես նախկին իշխանությունները իրենց քաղաքական հակառակորդներին հետապնդել են, հալածել են, նույնը, ըստ նրա, նոր Հայաստանում չի լինելու:

«Կոնկրետ Անիի պարագայում մենք կգործենք այն ժամանակ, երբ համոզվենք, որ դա համապատասխանում է ժողովրդի կամքին: Մենք չենք կարող մի բռնապետությունից ազատվել և մեկ ուրիշ բռնապետություն հաստատել»,- ասաց նա: 

Նաև նշեց՝  եթե Պետական վերահսկողական ծառայությունը համայնքապետարանում ստուգումներ անցկացնի և եթե հիմքեր լինեն, ապա  քրեական գործ կհարուցվի: 

12:12
Խոստում՝ միկրոբիզնեսը ամբողջությամբ ազատել հարկերից


ՀՀ քաղաքացու վիզը ծուռ չպետք է լինի. Փաշինյանը՝ Թալինում

Նիկոլ Փաշինյանն անդրադարձավ այն փոփոխություններին, որոնք նախատեսում են իրականացնել 2019 թվականին:

Մասնավորապես, ըստ նրա, նախատեսում են միկրոբիզնեսը ամբողջությամբ ազատել հարկերից. «Դա նշանակում է, որ Թալինում աշխատող բոլոր այն հիմնարկները, այդ թվում՝ առևտրի կրպակները, որոնց տարեկան շրջանառությունը չի գերազանցելու 24 մլն դրամը, ազատվելու են հարկերից: Սա աշխատանքի խրախուսման մեր քաղաքականության արդյունքն է»:

Նրա խոսքով՝ մինչև հիմա Հայաստանում տարվել է այն քաղաքականությունը, որ քաղաքացին հնարավորինս խեղճ ու անպաշտպան լինի, որ «միշտ վիզը ծռած, ձեռը պարզած կանգնի պաշտոնյաների, օլիգարխների առաջ»: 

«Մենք պետք է հնարավորություն ստեղծենք, որ մեր քաղաքացիներն աշխատեն և իրենց արժանապատիվ աշխատանքով, իրենց քրտինքով ընտանիքը պահելու հնարավորություն ունենան: ՀՀ քաղաքացու վիզը ծուռ չպետք է լինի»,- հավելեց նա: 

Նիկոլ Փաշինյանն ասաց, որ միկրոբիզնեսում մինչև 3 աշխատող ունենալու պարագայում աշխատողների համար եկամտահարկի բոլորովին այլ ռեժիմ կգործի, այսինքն՝  ընդամենը 5 հազար դրամի հաստատագրված վճարով կարող են լուծել եկամտահարկի խնդիրը:

Հաջորդ նորարարությունը, ըստ նրա, այն է, որ մասնավոր տաքսիների վարորդներին ազատելու են բոլոր տեսակի հարկերից, մասնավորապես, արտոնագրային 8 հազար դրամ վճարից:
Դրան զուգահեռ միջոցներ են ձեռնարկելու երթևեկության անվտանգության բարձրացման ուղղությամբ: Դա, ըստ նրա, արվելու է տուգանքների համակարգը վերափոխելու միջոցով:

«Հանրապետությունում կան վարորդներ, որ տարեկան 500, 800 ճանապարհային խախտում են անում: Եւ այսօր համակարգն աշխատում է հետևյալ կերպ՝ փողը տուր, ինչ ուզում ես արա: Այսինքն՝ եթե մարդը փող ունի, կարող է վճարել ու ոնց ուզի քշի: Մենք էդ համակարգը վերացնելու ենք»,- նշեց Նիկոլ Փաշինյանը՝ հավելելով, որ առաջին հերթին իրենք տուգանքի առավելագույն չափն են փոխելու։

Մասնավորապես, ըստ նրա, առավելագույն չափը սահմանափակելու են 29 հազար դրամով. «Այսինքն՝ մեզ մոտ ճանապարհային երթևեկության կանոնների խախտման համար 29 հազարից ավելի տուգանք չի լինելու, բայց մյուս կողմից, մենք մարդուն չենք ասելու՝ փող տուր, ինչ ուզում ես արա: Բալային համակարգ ենք դնելու և սրանով հասնելու ենք նրան, որ լկտի վարորդները որոշ ժամանակով զրկվելու են վարորդական իրավունքից»: 

11։22
«Ազդարարում են հեղափոխության մուտքը Հայաստանի բոլոր բնակավայրեր»


Արտահերթ խորհրդարանական ընտրություններին մասնակցող «Իմ քայլը» դաշինքի թեկնածուները՝ վարչապետի պաշտոնակատար Նիկոլ Փաշինյանի գլխավորությամբ հանդիպում են Թալինի բնակիչների հետ:

ՀՀ տարածքային կառավարման և զարգացման նախարարի պաշտոնակատար Սուրեն Պապիկյանը հայտարարեց, որ  քարոզարշավի մեկնարկով ազդարարում են հեղափոխության մուտքը Հայաստանի բոլոր բնակավայրեր և ապահովելու են հեղափոխության հաղթանակը համայն Հայաստանում:

Հիշեցնենք, որ «Իմ քայլը» դաշինքի քարոզարշավն այսօր տեղի կունենա նաև Մարալիկում, Արթիկում, իսկ ժամը 17.00-ին՝ Գյումրիի Վարդանանց հրապարակում:

Թալինցիների հետ հանդիպման ժամանակ ՀՀ վարչապետի պաշտոնակատար, «Իմ քայլը» դաշինքի առաջնորդ Նիկոլ Փաշինյանը հայտարարեց, որ Թալինը վերջին տասնյամյակների բոլոր քաղաքական պրոցեսներում եղել է ՀՀ ամենաակտիվ քաղաքներից մեկը, թալինցիները մասնակցել են բոլոր շարժումներին, հեղափոխության բոլոր փորձերին։

«Ամեն անգամ մենք ձախողվել ենք, բայց 2018 թ-ին դուք արեցիք ձեր ասածը և դուք հաղթեցիք կոռումպացված իշխանությանը: Եւ ամեն անգամ դուք հաղթելու եք»,- դիմելով թալինցիներին ՝ ասաց Նիկոլ Փաշինյանը:

Նա  հայտարարեց՝ ուզում է արձանագրել, թե որն էր հեղափոխության ամենամեծ արդյունքը.
«Ամենամեծ արդյունքն այն է, որ, ըստ էության, մենք Հայաստանից վերացրեցինք հեղափոխություների անհրաժեշտությունը, քանի որ բոլոր այն դեպքերում, երբ դուք որոշեք հեղափոխություն անել, դուք ձեր հեղափոխությունը կարող եք անել ձեր մեկ քվեաթերթիկի միջոցով։ Ինչո՞ւ տեղի ունեցավ հեղափոխությունը, որովհետև ժողովուրդը զրկված էր ընտրություններով իշխանություն ձևավորելու հնարավորությունից, որովհետև դուք քվեարկում էիք մեկի օգտին, ընտրվում էր մեկ ուրիշը, ձեր ձայնը գողանում էին, ձեր ձայնը նենգափոխում էին ընտրակաշառքներով, տարբեր կեղծիքներով ու սպառնալիքներով: Հեղափոխության ամենամեծ արդյունքը պետք է լինի դա, որ դուք ցանկացած ընտրության ժամանակ այդ հեղափոխությունը անելու հնարավորությունն ունենալու եք: Այսպիսով, ցանկացած ընտրության ժամանակ հեղափոխություն անելու ձեր իրավունքը պաշտպանված է լինելու»։

Նրա խոսքով՝ ինքը  դարձել է ՀՀ վարչապետ, քանի որ մարդիկ են այդպես որոշել. «Ինչքա՞ն եմ ես մնալու ՀՀ վարչապետ, այնքան ժամանակ, քանի դեռ դուք կորոշեք՝ ես պետք է կրեմ այդ կարգավիճակը: Որ պահին կորոշեք, որ ես չպետք է լինեմ այլևս վարչապետ, նույն պահին ես կդադարեմ լինել ՀՀ վարչապետ։ Սա է մեր հեղափոխության ամենամեծ արդյունքը»:

Նիկոլ Փաշինյանը նշեց, որ այսօր ինքը ներկայանում է որպես «Իմ քայլը» դաշինքի վարչապետի թեկնածու: Ըստ նրա՝ արտահերթ խորհրդարանական ընտրություններն ունեն մի կարևոր առանձնահատկություն՝ այն է, որ ժողովուրդը որևէ քաղաքական ուժի քվե տալով, առաջին հերթին քվե է տալիս տվյալ ուժի վարչապետի թեկնածուին:

«Հետևաբար, ես այսօր՝ որպես վարչապետ, որպես վարչապետի թեկնածու, վստահության քվե եմ ակնկալում ձեզանից: Ինչո՞ւ եմ ես ակնկալում այդ քվեն ձեզանից, որովհետև այս քարոզարշավն օգտագործելու ենք բոլոր հարցերի պատասխանները տալու համար, եթե նույնիսկ մնացել են մութ հարցեր: Պատկերացնում եք հիմա ասեի՝ ես վարչապետի թեկնածու չեմ ու չեմ առաջադրվում ու չեմ լինելու վարչապետ, դա կլիներ փախուստ, դա կլիներ ճանապարհի կեսից դավաճանել հեղափոխությանը, դավաճանել ժողովրդին, բայց, ամեն դեպքում, ես վարչապետ չեմ լինի իմ որոշման պարագայում, դա բացառված է, ես վարչապետ կլինեմ միայն ձեր որոշման պարագայում», - հայտարարեց Նիկոլ Փաշինյանը:



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

13:13
Սուրեն Պետրոսյան. Մոտ օրերը լինելու է հասարակության հուզող բոլոր հարցերի պատասխանները շատ հստակ
«Անպայման սպասեք քայլերի, ծրագրերի»,-Panorama.am-ի հետ զրույցում ասաց «Տավուշը Հանուն հայրենիքի» նախաձեռնության...
Աղբյուր` Panorama.am
12:48
Ես ո՞վ եմ՝ բացառեմ կամ չբացառեմ. Բագրատ Սրբազանը՝ վարչապետի թեկնածուների մասին
«Ավետիք Չալաբյանն իմ մտերիմն է, բայց Ավետիքի անունը գոնե մինչև հիմա չի հնչել»,-  ասաց ՀԱԵ Տավուշի թեմի առաջնորդ Բագրատ...
Աղբյուր` Panorama.am
12:37
Երեք մարզերում սպասվում են տեղումներ ձյան տեսքով
Մայիսի 18-ի գիշերը Գեղարքունիքում, Վայոց ձորի և Սյունիքի լեռնային շրջաններում սպասվում են տեղումներ` թաց ձյան և ձյան տեսքով։...
Աղբյուր` Panorama.am
12:33
Սփյուռքից աջակցություն կա. Բագրատ Սրբազան
Սփյուռքի տարբեր ներկայացուցիչներ իրենց աջակցությունն ու օգնությունն են հայտնել «Տավուշը հանուն հայրենիքի» շարժմանը։ Այս մասին...
Աղբյուր` Panorama.am
12:26
Ռուբեն Վարդանյանի ընտանիքը կոչ է անում միջազգային հանրությանը՝ պահանջել Վարդանյանի և 22 հայ բանտարկյալների անվերապահ ազատ արձակումը
Ռուբեն Վարդանյանի ընտանիքը տարածել է հայտարարություն, որտեղ ասված է. «Արբեջանական դատարանը հերթական անգամ երկարաձգել է հայ բարերար,...
Աղբյուր` Panorama.am
12:17
Հայաստանում փոքրահասակ բնակչության շրջանում բավականին տարածված է գժախոտով թունավորումը. Ռ. Աբովյան
Հայաստանում ավելացել են քիմիական ու այլ նյութերից, խոտաբույսերից թունավորման դեպքերը։  ԱՆ Հիվանդությունների...
Աղբյուր` Panorama.am
12:15
Բագրատ Սրբազան. Փորձ է արվում ամբողջ պատասխանատվությունը դնել գյուղացիների վրա՝ ընդ որում պառակտելով նրանց
«Գլխավոր խնդիրն այն է, որ մոլորեցնում են մարդկանց։ Երեկ էլ քարտեզներ են հրապարակել, շատ փորձագետներ են խոսել։ Հարցն ի բնե, ի ծնե...
Աղբյուր` Panorama.am
12:03
ՈւՂԻՂ. Բագրատ Սրբազանը դասախոսություն է կարդում ԵՊՀ բակում
ՀԱԵ Տավուշի թեմի առաջնորդ Բագրատ Սրբազանը ԵՊՀ բակում է։ Այստեղ հավաքվել են բազմաթիվ ուսանողներ՝ լսելու Սրբազանի դասախոսությունը։ Մինչ...
Աղբյուր` Panorama.am
11:47
Ուզեցի բոլոր կուսակցությունները ներկա լինեն, միասին որոշակի եզրահանգման գանք. Բագրատ Սրբազանը` վաղվա հանդիպման մասին
ՀԱԵ Տավուշի թեմի առաջնորդ Բագրատ արքեպիսկոսպոս Գալստանյանը երթով գնում է ԵՊՀ, որտեղ բաց դաս է վարելու։ Նախքան ԵՊՀ հասնելը, Բագրատ Սրբազանը...
Աղբյուր` Panorama.am
11:20
Լուկաշենկոն Ալիևի հետ այցելել է Ադրբեջանի կողմից օկուպացված Արցախ
Բելառուսի նախագահ Ալեքսանդր Լուկաշենկոն Ադրբեջան կատարած պետական ​​այցի շրջանակում մայիսի 17-ին նախագահ Իլհամ Ալիևի հետ այցելել է Բաքվի կողմից...
Աղբյուր` Panorama.am
11:14
Ուժեղ քամին ծառերը և հենասյունը շրջել է մեքենաների վրա
ՆԳՆ փրկարար ծառայությունից հայտնում են. «Փրկարարները հեռացրել են ծառը ճանապարհի երթևեկելի հատվածից Մայիսի 16-ին, ժամը 15:55-ին...
Աղբյուր` Panorama.am
11:08
Ալեն Սիմոնյանը հանդիպել է Ադրբեջանի Միլլի Մեջլիսի նախագահի հետ
Միջխորհրդարանական միության (IPU) խորհրդարանների նախագահների վեցերորդ համաշխարհային համաժողովի նախապատրաստական հանձնաժողովի առաջին նիստի...
Աղբյուր` Panorama.am
11:03
Փաստաբան. Ոստիկանությունը անցել է հին ու չար մեթոդներին
Ոստիկանությունից հայտնում են, որ հանրահավաքի մասնակցի մոտ թմրանյութ է հայտնաբերվել
Աղբյուր` Panorama.am
10:56
Իջևանում արագաչափ սարքը տեղափոխվել է այլ հատված
Ճանապարհային ոստիկանությունը տեղեկացնում է, որ Իջևան քաղաքի Երևանյան փողոցի 111/2 հասցեին հարող ճանապարհահատվածում գործող լուսանկարահանող...
Աղբյուր` Panorama.am
10:53
Ըմբիշ Եղիշե Մոսեսյանը Եվրոպայի Մ15 առաջնության ոսկե մեդալակիր է դարձել
Հունաստանի Լուտրակի քաղաքում մայիսի 15-18-ը անցկացվում է ըմբշամարտի Եվրոպայի մինչև 15 տարեկանների առաջնությունը։ Ազատ ոճային ըմբիշ, 68 կգ...
Աղբյուր` Panorama.am
10:47
Մալյանի զգուշացումը ՔԿՀ-ից. Ամբողջ գործակալական ռեզիդենտուրան տեղափոխվելու է ՀՀ տարածք
Ազատազրկված Նարեկ Մալյանը, արձագանքելով հարևան Վրաստանում տեղի ունեցող իրադարձություններին ու դրա հնարավոր հետևանքներին, քրեակատարողական...
Աղբյուր` Panorama.am
10:25
«Հայրենիքը «վարի է գնում», եկեք այն փրկենք, հետո նոր կհասկանանք, թե ով է ռուսամետ, ով՝ թուրքամետ». Արկադի Մեհրաբյան
Ի՞նչ սկզբունքային քայլեր են պետք Բագրատ սրբազանի առաջնորդած շարժմանը, որոնք կներգործեն հասարակության հոգեբանության վրա և կապահովեն փողոց ավելի...
Աղբյուր` Panorama.am
10:04
Ֆոգի վայրենի ընկերը. Նա ստախոս է. Դանիական պարբերականը՝ Փաշինյանի մասին
Նիկոլ Փաշինյանի՝ Դանիա կատարած այցին ու դրա ընթացքում «Կոպենհագենի ժողովրդավարության գագաթնաժողով»-ին մասնակցությանն ու դրա դեմ...
Աղբյուր` Panorama.am
10:04
ԵՄ-ում կապույտ հազի դեպքերի աճ է գրանցվել
Հիվանդությունների կանխարգելման և վերահսկման եվրոպական կենտրոնը զգուշացնում է ԵՄ երկրներում կապույտ հազի դեպքերի տասնապատիկ աճի մասին։...
Աղբյուր` Panorama.am
09:42
Մայիսի 17-ին փոխանակման կետերում դոլարի, եվրոյի և ռուբլու փոխարժեքները բարձրացել են
ՀՀ բանկերում այսօր՝ մայիսի 17-ին ժամը 09:25-ի դրությամբ, ԱՄՆ դոլարի առքի միջին փոխարժեքը կազմում է 384.72 դրամ՝ նախորդ օրվա վերջի համեմատ...
Աղբյուր` Panorama.am
09:30
Աղավնոյի Սրբոց Նահատակաց եկեղեցին ոչնչացման վտանգի տակ է
Արբանյակային լուսանկարների դիտարկումը բացահայտել էր, որ ադրբեջանական կողմը հիմնահատակ ավերել էր Բերձոր քաղաքի Սբ. Համբարձման եկեղեցին։ Նախքան...
Աղբյուր` Panorama.am
09:20
Հանրահավաքի մասնակիցը՝ Ալեքսանյանին. «Ըստ էս թափոնի, ես հրաժարվել եմ 50000 դրամից, որպեսզի 3000 դրամ ստանամ»
Քաղաքացի Լուսինե Հարոյանն արձագաքնել է ՔՊ-ական Վահագն Ալեքսանյանի այն գրառմնաը, թե մայիսի 9-ի հանրահավաքի մասնակիցներին 3 հազար դրամ են բաժանել...
Աղբյուր` Panorama.am
09:15
Ոսկանյան. Պայքարը չունի աջակցություն որևէ օտարերկրյա պետական միավորից կամ անդրազգային ցանցային կառույցից
«Դատելով ամեն ինչից, այս պահի դրությամբ Սրբազան պայքարը չունի աջակցություն որևէ օտարերկրյա պետական միավորից կամ անդրազգային ցանցային...
Աղբյուր` Panorama.am
08:59
«Ժողովուրդ». Դատավոր Նաիրա Հովսեփյանի դեմ կարգապահական վարույթ է հարուցվել, ու գործն արդեն ԲԴԽ-ում է
«Ժողովուրդ» թերթը գրում է. «ԲԴԽ նախկին անդամ, ՀՀ Վճռաբեկ դատարանի դատավոր Նաիրա Հովսեփյանի շուրջ կրքերը չեն հանդարտվում։...
Աղբյուր` Panorama.am
08:58
«Հրապարակ». Սրբազանը գերադասում է լռել իշխանականների հետ հնարավոր շփումների մասին
«Հրապարակ» թերթը գրում է. «Պատմում են, որ Բագրատ սրբազանը վերջին օրերին ակտիվ քաղաքական հանդիպումների ժամանակ հիմնականում...
Աղբյուր` Panorama.am
08:57
«Ժողովուրդ». Ինչո՞ւ չեն շտապում ընդդիմադիրները, այլ ուզում են լավ պատրաստվել
«Ժողովուրդ» թերթը գրում է. «Խորհրդարանական ընդդիմությունը չի շտապի Նիկոլ Փաշինյանին իմպիչմենտ հայտարարելու հարցում, քանի...
Աղբյուր` Panorama.am
08:56
«Հրապարակ». Փաշինյանի հայտարարությունը կառավարության նիստում նշանակում էր՝ «պատրաստվեք, որ թշնամու բոլոր պահանջները կատարելու եմ»
«Հրապարակ» թերթը գրում է. «Նիկոլ Փաշինյանը երեկ կառավարության նիստում փորձեց կրկին ասել, որ մածունը սև է, և համոզել, որ...
Աղբյուր` Panorama.am
08:53
«Ժողովուրդ». Երթուղայինում վիճաբանած Սամվել Վարդանյանին մեղադրանք է առաջադրվել երկու իրար հակասող հատկանիշներով
«Ժողովուրդ» թերթը գրում է. ««Ժողովուրդ» օրաթերթի տեղեկությունների համաձայն՝ Ազգային ժողովի «Քաղաքացիական...
Աղբյուր` Panorama.am
08:52
«Հրապարակ». Ոչ բոլոր ՔՊ-ականների ցինիզմն է նվազել
«Հրապարակ» թերթը գրում է. «Որքան էլ իշխանությունը թվացյալ հանգստությամբ հայտարարի, թե «սրբազան պայքարն»...
Աղբյուր` Panorama.am
08:51
«Ժողովուրդ». Ճիշտ կլինի՞ ԿԿՀ-ն վերանվանել ընդդիմադիրների կոռուպցիայի կանխարգելման հանձնաժողով
«Ժողովուրդ» թերթը գրում է. «Եսթեր Կարապետյանն է՝ կառավարության կառույցներում վարչության պետ։ Համաձայն ներկայացվող...
Աղբյուր` Panorama.am

Տեսանյութեր

Հայաստանում փոքրահասակ բնակչության շրջանում բավականին տարածված է գժախոտով թունավորումը. Ռ. Աբովյան
12:35 17/05/2024

Հայաստանում փոքրահասակ բնակչության շրջանում բավականին տարածված է գժախոտով թունավորումը. Ռ. Աբովյան

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}