«Բարի օր» և ուղիղ հարց Փաշինյանին․ «Ո՞ւմն է Ղրիմը»
Այսօր ԵԽԽՎ-ում ՀՀ վարչապետ Նիկոլ Փաշինյանին ուղիղ հարց ուղղեց Ուկրաինայի պատգամավոր Վոլոդիմիր Արիևը, թե ումն է Ղրիմը, բայց նախ ողջունեց հայերեն՝ «Բարի օր»։
Արիևը նշեց Հայաստանը դեմ է քվեարկել Ուկրաինայի դեմ Ռուսաստանի ագրեսիան դատապարտող ՄԱԿ-ի բանաձևին ու ասաց՝ «արդյո՞ք չեք ցանկանում փոխել Հայաստանի դիրքորոշումն այս հարցում»։
Ղրիմը
Փաշինյանը նշեց, որ ինքը նոր է ստանձնել երկրի ղեկավարի պարտականությունները, նախկինում եղել է պատգամավոր ու երբեմն շատ տարօրինակ է, թե ինչպես են մարդիկ խաղաղության համար հիմնադրված ամբիոններն օգտագործում պատերազմներ հրահրելու, պատերազմներն ավելի դաժան և հակամարտություններն ավելի սուր դարձնելու համար։
«Ես կարծում եմ, որ պետք է մնալ երկխոսության տրամաբանության մեջ՝ բոլոր դեպքերում։ Աշխարհում այսօր չկա որևէ կոնֆլիկտ, որ ես մտածեմ, որ ճիշտ է այդ կոնֆլիկտը լուծել իրար նկատմամբ բռնություն գործադրելով և նաև միջազգային հարթակներն ու ամբիոնները պետք է օգտագործել այս տրամաբանությամբ և մենք փորձում ենք ամեն ինչ անել, փորձում ենք, որովհետև ես վստահ չեմ, որ դա միշտ է հաջողվում։ Շատ դեպքերում մենք մի իրավիճակի մեջ ենք, երբ կոնֆլիկտների ու գծերի երկու կողմերում մեր բարեկամներն են։ Շատ դժվար է ընտրություն կատարել բարեկամի և բարեկամի միջև։ Երբեմն ստիպված ես լինում այդպիսի ընտրություն կատարել, բայց մեր ընտրությունը՝ գլոբալ ընտրությունը, խաղաղությունն է, երկխոսությունը, կայունությունը և զարգացումը», - ասաց ՀՀ վարչապետը։
Եվրոպամե՞տ
Պատասխանելով մեկ մեկ այլ հարցի, թե Հայաստանն ապագայում ավելի եվրոպամե՞տ կլինի ու պակաս ռուսամետ, Փաշինյանն ասաց, որ ինքն իրեն համարում է հայաստանամետ գործիչ։
«Միջազգային տրամաբանությամբ հայաստանամետ նշանակում է, որ մենք պետք է մեր կառուցողական, պոզիտիվ հարաբերություններ կառուցենք մեր բոլոր միջազգային գործընկերների հետ ու փորձենք կարգավորել մեր հարաբերությունները մեր բոլոր հարևանների հետ»,-ասաց Փաշինյանը։
Հայաստանի հարևանների հետ հարաբերություններ
Վարչապետը պատասխանեց նաև Հայաստանի հարևանների հետ հարաբերությունների հարցին, նշելով, որ Իրանի հետ Հայաստանն ու բարձր մակարդակի հարաբերություններ, բայց, ցավոք, Ադրբեջանի ու Թուրքիայի հետ չկան դիվանագիտական հարաբերություններ, որով ամեն ինչ ասված է։
«Ադրբեջանի պարագան պարզ է, իսկ Թուրքիան Հայաստանի հետ հարաբերությունների հաստատումը կապում է Ադրբեջանի հետ հարաբերություններով։Հայաստանն իր հերթին, չի փոխել իր դիրքորոշումը․մենք պատրաստ ենք Թուրքիայի հետ հարաբերություններ հաստատել առանց նախապայմանների»,-ասաց Նիկոլ Փաշինյանը՝ հավելելով, որ Ադրբեջանի, ինչպես նաև մյուս հարևանների հետ հարաբերությունները պատկերացնում ենք խաղաղության օրակարգով։
Իրանի շուրջ ստեղծված միջազգային իրավիճակի հետ կապված էլ վարչապետը նշեց, որ այդ բարդ քաղաքական հակասությունների կողմերում մեր բարկամներն են՝ գծից այս կողմ էլ մեր բարեկամներն են, այն կողմ էլ՝ մեր բարեկամներն են և հույս հայտնեց, որ հակասությունները կլուծվեն երկխոսության տրամաբանության մեջ։
ԼԳՏԲ համայնքի ներկայացուցիչներ
Վարչապետը պատասխանեց ԼԳՏԲ համայնքի ներկայացուցիչների վերաբերյալ պատգամավորներից մեկի հարցին, որը հիշեցրել էր, թե նախորդ տարվա նոյեմբերին ԼԳԲՏ ակտիվիստների կոնֆերասնը Հայաստանում չեղյալ էր հայտարարվել ու հետաքրքրվել էր, թե ինչ կարելի է անել, որ ՀՀ-ում ԼԳԲՏ հանրության բազային ազատությունները ապահովված լինեն։
Վարչապետը նշեց, որ դեպքից մանրամասն տեղեկություններ չունի ու հավելեց, որ ՀՀ-ում օրենքի գերակայություն է, բոլոր քաղաքացիներն ունեն նույն իրավունքներն ու պարտավորությունները։
Հարակից հրապարակումներ`
- Փաշինյան․ ՀՀ դատական համակարգում հեղափոխություն տեղի չի ունեցել
- Փաշինյանը՝ ԵԽԽՎ-ում․ Հայաստանը բանակցային ֆորմատի փոփոխություն ոչ ակնկալում է, ոչ պահանջում
- Փաշինյան. ԵԽԽՎ-ն բնավ որևէ միջոց չի ձեռնարկում ԼՂ-ում ժողովրդավարական ինստիտուտների ամրապնդման համար
- Փաշինյանը ԵԽ-ում. Դավիթ Տոնոյանի ու իմ հայտարարությունների միջև հակասություններ չկան
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան