Չուլպան Խամատովան կմարմնավորի Ռաիսա Գորբաչովային
Թատրոնի և կինոյի դերասան Եվգենի Միրոնովը պատմել է, որ «Գորբաչով» ներկայացման մեջ ԽՍՀՄ առաջին և վերջին նախագահ Միխայիլ Գորբաչովի կնոջ՝ Ռաիսա Գորբաչովայի դերը կմարմնավորի Չուլպան Խամատովան: Այս մասին գրում է ՏԱՍՍ գործակալությունը:
Գորբաչովի դեր կմարմնավորի Եվգենի Միրոնովը: Ներկայացումը բեմադրում է լատվիացի ռեժիսոր, Ռիգայի Նոր թատրոնի գեղարվեստական ղեկավար Ալվիս Հերմանիսը:
Նշվում է, որ ներկայացման փորձերը սկսվել են այսօրվանից: Ըստ դերասանի խոսքի՝ փորձերը սկզբում կանցկացվեն Ռիգայում, իսկ հետո՝ Ռուսաստանում:
Միխայիլ Գորբաչովը խորհրդային կուսակցական, պետական-քաղաքական գործիչ է, ԽՄԿԿ կենտկոմի գլխավոր քարտուղարը (1985–91 թթ.), ԽՍՀՄ առաջին և վերջին նախագահը (1990–91 թթ.), Խաղաղության Նոբելյան մրցանակի դափնեկիր (1990 թ.):
Ռաիսա Գորբաչովան մարդկանց հիշողություններում մնաց որպես ամենուր իր ամուսնուն ուղեկցող Առաջին տիկին։ Խորհրդային քաղաքացիները, սովոր չլինելով նման վարք տեսնել, հիմնականում քննադատում էին նրան։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին