Ձեր վստահելի աղբյուրը

Հայկական բանակն այսօր նշում է իր կազմավորման 28-ամյակը: ՀՀ ազգային հերոս, Արցախի հերոս, «Ոսկե արծիվ» շքանշանի ասպետ Մոնթե Մելքոնյանը համոզված էր՝ «մեր հաղթանակի երաշխիքը կանոնավոր բանակ ունենալն է»։ Եվ այդպես էլ կա: Դա բոլորն են հասկանում, նաև մեր հակառակորդները: Այս տարիների ընթացքում  հայկական բանակն ապացուցել է, որ հաղթանակած և հաղթանակող բանակ է:

Հայաստանի ռազմական- պետական գործիչների խոսքերը՝ Հայոց բանակի մասին

Վազգեն Սարգսյան
Սպարապետ, ՀՀ նախկին վարչապետ, պաշտպանության նախկին նախարար

«Սիրեք, հարգեք բանակը: Բանակ չունեցանք՝ մեզ ոչ ոք չի հարգելու: Վերջին 10 տարում մեր ստեղծած ամենալուրջ բանը բանակն է: Միակը չէ, բայց ողնաշարն է: Ինչ-որ թերություններ կունենանք, անցողիկ բաներ են, կարևորը՝ զսպանակը, կայացած է: Ու էդ զսպանակի զսպանակը բանակի հրամանատարներն են: Պետությունը նրանց վրա է կանգնում»:

Մեջբերման աղբյուրը՝ http://www.irates.am/hy/
Լուսանկարի աղբյուրը՝ https://hy-am.facebook.com/tuntangaran

Վազգեն Մանուկյան
ՀՀ նախկին վարչապետ, պաշտպանության նախկին նախարար

«Այժմ մենք ունենք մեր հանրապետությունը: Այն դեռ լրիվ անկախ չէ: Բայց մենք քայլում ենք այդ ուղղությամբ և կհասնենք քաղաքական, տնտեսական անկախության: Մենք կունենանք հզոր պետություն, հզոր բանակ, հզոր տնտեսություն և կվերադարձնենք մեր նախնիների փայլը»։

Մեջբերման աղբյուրը՝ https://www.civilnet.am/news 
Լուսանկարի աղբյուրը՝ http://vazgenmanukyan.am

Ռոբերտ Քոչարյան
Արցախի հերոս, Արցախի առաջին և Հայաստանի երկրորդ նախագահ

«ՀՀ Զինված ուժերը կազմավորվեցին մեր անկախ պետականության վերականգնմանը զուգընթաց և հանդիսացան նրա առաջին ու գլխավոր ձեռքբերումը։ Հայոց բանակը մեր ժողովրդի պատմության մեջ արդեն գրել է հայրենասիրության ու հերոսության փառավոր էջեր»։

Մեջբերման աղբյուրը՝ Ռոբերտ Քոչարյանի պաշտոնական ֆեյսբուքյան էջ
Լուսանկարի աղբյուրը՝ Ռոբերտ Քոչարյանի ոչ պաշտոնական կայքէջ (www.2rd.am)

Սերժ Սարգսյան
 Արցախի հերոս,  ՀՀ պաշտպանության նախկին նախարար, Հայաստանի երրորդ նախագահ

«Մեր բանակը եղել է, կա և լինելու է Լեռնային Ղարաբաղի խնդրի կարգավորման հիմնական գործոնը: Բաքվից անընդհատ հեղեղվող սպառնալիքների պարագայում զինված ուժերը մեր հենարանն ու կռվանն են: 2016 թվականի ապրիլյան գործողությունները հակառակորդի կողմից ուժերի հարաբերակցությունը ստուգելու խոշոր փորձ էր: Նրանք, իհարկե, այդ փորձը տանուլ տվեցին: Առկա պայմաններում մեր խնդիրն է պահպանել դիրքավորման կոնֆիգուրացիան»:

Մեջբերման աղբյուրը՝  https://www.azatutyun.am/a/29109042.html
Լուսանկարի աղբյուրը՝   https://armenpress.am/arm/news/844123

Բակո Սահակյան
Արցախի Հանրապետության նախագահ

«Հայկական բանակը ժողովրդական բանակ է. չկա մի ընտանիք, որն այս կամ այն կերպ առնչություն չունենա նրա հետ: Բանակի կազմավորմանը մասնակցել են մեր ժողովրդի լավագույն զավակները, եւ այսօր էլ նրանց քաջ որդիներն են անձնվիրաբար ծառայում հայրենիքի պաշտպանության սուրբ գործին: Փա՜ռք ու պատիվ բոլոր նրանց, ում ջանքերի շնորհիվ ունենք հզոր ու մարտունակ բանակ, նրանց, ովքեր այսօր էլ անսասան են պահում մեր հայրենիքի սահմանները, պահպանում մարդկանց անդորրն ու խաղաղ կյանքը»:

Մեջբերման աղբյուրը՝ https://armenpress.am/arm/news/791856
Լուսանկարի աղբյուրը՝   https://www.banak.info

Դավիթ Տոնոյան
ՀՀ պաշտպանության նախարար

«Մեր Բանակն Արցախյան հաղթական հերոսամարտի ծնունդն է: Եվ ծննդյան օրից ի վեր, մինչ այս պահը, մեր երկրի եզերքները զենքով պաշտպանելու ամենօրյա խնդիրները մշտապես ուղեկցել են մեզ ու դեռ ուղեկցելու են առժամանակ: Մեր կռիվը դեռ չի ավարտվել, այն շարունակվում է ամենուր` աշխատասենյակից մինչև հրամանատարական կետ, կրթօջախից մինչև կրակադաշտ, բանակցային սեղանից մինչև մարտական դիրք»:

Մեջբերման աղբյուրը՝  http://www.mil.am/hy/news/5895
Լուսանկարի աղբյուրը՝   https://yerevan.today

Վիգեն Սարգսյան
ՀՀ պաշտպանության նախկին նախարար

«Հայոց բանակի հաղթանակների արդյունքը միայն ազատագրված հայրենի գյուղերն ու քաղաքները չեն, միայն մեր անվտանգությունը չէ: Դա մեր ժողովրդի ստացած հաղթական ոգին է, հաղթողի հոգեբանությունը և հայի համաժողովրդական ուժի նկատմամբ անսասան վստահությունը»:

Մեջբերման աղբյուրը՝ http://www.mil.am/hy/news/4612  
Լուսանկարի աղբյուրը՝   http://www.mil.am/en/news/4866

Սերյան Օհանյան
Արցախի հերոս, ԼՂՀ պաշտպանության նախկին նախարար, ՀՀ  պաշտպանության նախկին նախարար        

«1994թ. ի վեր, չնայած գոյություն ունի զինադադարի պայմանագիր, այնուամենայնիվ, խախտումներ լինում են։ Դրանք տեղի են ունենում մեր հակառակորդի կողմից, և այդ իրավիճակում մեր երիտասարդներն ամեն օր այդ քննությունը հանձնում են։ Մեր իրականությունը բացառիկ երևույթ է, քանի որ առանց որևէ խաղաղապահ ստորաբաժանման, մեր զինծառայողները, դեմ առ դեմ կանգնած հակառակորդի առջև, ոգու, պատրաստության, որակական չափանիշների շնորհիվ այդ քննությունն ամեն օր հանձնում են՝ պաշտպանելով մեր հայրենիքի սահմանները»։

Մեջբերման աղբյուրը ՝ https://razm.info/18148
Լուսանկարի աղբյուրը՝ https://razm.info

Լևոն Մնացականյան
Արցախի Հանրապետության պաշտպանության նախկին նախարար

«Արցախը` մեր պապենական երկիրը, ի սկզբանե հայինն էր և մենք գիտենք ինչի համար ենք պայքարում: 90-ականներից առ այսօր անընդհատ սպառազինվող հակառակորդը որքան էլ հոխորտա` չի կարողանա առավելության հասնի, քանի որ նրա դիմաց կանգնած են Հայրենիքի համար անձնազոհության պատրաստ մեր զինծառայողները և իրեց ազատության ու անկախության համար պայքարող ժողովուրդը»:

Մեջբերման աղբյուրը՝ http://nkrmil.am/category/17/view/1886
Լուսանկարի աղբյուրը՝ http://nkrmil.am/category/17/view/1796

Արկադի Տեր-Թադևոսյանը՝ Կոմանդոս
Գեներալ-մայոր

«Ադրբեջանցիները թեև շատ զենք ունեն, բայց մեր մարտական ոգին չունեն: Մեր այսօրվա տղաները գիտեն, որ իրենց ավագ սերունդը հաղթել է, իսկ հակառակորդի սերունդը գիտի, որ իրանց ավագ սերունդը մարտի դաշտից փախել է: Ի՞նչ ոգի կարող են ունենալ: Զենքն ու զինամթերքը ոչ մի բան է, եթե պատրաստվածության մակարդակը ցածր է»:

Մեջբերման աղբյուրը՝ https://artsakhpress.am
Լուսանկարի աղբյուրը՝ https://voskanapat.info/?p=32524&l=am

Նորատ Տեր-Գրիգորյանց
Գեներալ-լեյտենանտ

«Հայաստանի հանրապետությունն ունի մեկ իրական դաշնակից՝ Հայոց բանակը: Վստահեցնում եմ՝ մեր բանակն ի զորու է ոչ միայն պահել առկա սահմանները, այլև հարկ եղած դեպքում ընդարձակել դրանք»:

Մեջբերման աղբյուրը՝  https://lratvakan.am
Լուսանկարի՝ աղբյուրը՝ https://www.panorama.am

(Գլխավոր լուսանկարի աղբյուրը՝ Դավիթ Հակոբյանի ինստագրամի էջ)