![](https://panorama.am/news_images/753/2257319_1/covidtest.thumb.jpg)
Հայաստանում թեստավորվել է 700-ից ավելի մարդ
«Մինչև այս շաբաթվա վերջ 5 հազարից ավելի թեստեր կունենանք, որը լիովին բավարար է աշխատանքները տանելու համար»,- այս մասին հայտնեց ՀՀ առողջապահության նախարարի տեղակալ Լենա Նանուշյանը Հայկական միասնական տեղեկատվական կենտրոնում տված ասուլիսի ժամանակ:
Ներկայացնելով կորոնավիրուսի տարածման միջազգային վերջին տվյալները՝ փոխնախարարը անդրադարձավ նաև Հայաստանի վիճակագրությանը. «Նախորդ օրը կատարվել է 105 թեստավորում, որի դեպքում եղել են դրական ելքեր: Ներկայում կա հաստատված 52 դեպք, որից երկուսի մոտ ախտորոշվել է թոքաբորբ՝ միջին և թեթև ծանրության: Նրանք սիմպտոմատիկ բուժում են ստանում: Մնացած հիվանդների մոտ հիվանդությունն անախտանիշ է ընթանում, կամ թեթև ջերմություն են ունենում օրվա ընթացքում»:
Փոխնախարարը հայտնեց, որ թոքաբորբով երկու հիվանդները միջին տարիքի են և հիվանդությունը թեթև են տանում:
«Նախարարության կատարած աշխատանքներից ցանկանում եմ հիշատակել թեժ գծի ստեղծումը, որի միջոցով կարողանում ենք տեղեկատվություն տրամադրել և իրազեկման աշխատանքներ իրականացնել մեր բնակչության համար: Մարտի 1-ից մինչև այսօր 14000-ից ավելի զանգ ենք ստացել և սպասարկել»,- հայտնեց Լենա Նանուշյանը և հավելեց, որ այդ ընթացքում մշակվել և հրապարակվել է մեթոդական ուղեցույց, որը նկարագրում է ախտորոշման և բուժման ընթացքը:
Նախարարի տեղակալը հայտնեց, որ Առողջապահության և տեսչական մարմինների հետ են սերտ համագործակցում սահմանին հսկողություն իրականացնելու համար:
«Համաճարակի վտանգի ի հայտ գալուց հետո Հայաստանում թեստավորվել է 700-ից ավելի մարդ»,-շեշտեց Նանուշյանը:
Լրագրողները հետաքրքրվեցին, թե ինչու չեն թեստավորվել վարչապետի հետ Վայքի հայտնի սննդի կետում գտնված լրագրողները: Հարցին միջամտեց վարչապետի մամուլի քարտուղար Մանե Գևորգյանը՝ հայտնելով, որ այնտեղ գտնված բոլոր լրագրողների հետ կապ է հաստատվել և առաջարկվել թեստավորում, որից վերջիններս հրաժարվել են:
Հարակից հրապարակումներ`
- 17.03.2020. Հաստատվել է կորոնավիրուսի ևս 12 դեպք
- «Կորոնային» վիճակը Հայաստանի «տարբեր տեղերում»
- Փաշինյան. Կորոնավիրուսն իրականում այնքան էլ սարսափելի չէ
- 17.03.2020.ԱՆ. Կորոնավիրուսի 52 հաստատված դեպք կա
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)