Ձեր վստահելի աղբյուրը

ԱԺ նախագահ Արարատ Միրզոյանը, ընդունելով, որ արտակարգ դրության ժամանակ կարևոր է վարակվածների տեղորոշումը, բայց անհասկանալի է 14 օրվա ընթացքում նրա բոլոր զանգերի ֆիքսման անհրաժեշտության դրույթը, հարց ուղղեց արդարադատության նախարար Ռուստամ Բադասյանին. «Ինձ և գործընկերներիս հասկանալի չէ, թե եթե օրինակ երկու մարդը, մեկը Նորքի Մասիվից, մյուսը Հարավարևմտյան թաղամասից իրար հետ հեռախոսով խոսել են, ի՞նչ է տալու այս հեռախոսազանգի ֆիքսելու փաստը»:

«Արտակարգ դրության իրավական ռեժիմի մասին ՀՀ օրենքում լրացումներ կատարելու մասին» և «Էլեկտրոնային հաղորդակցության մասին ՀՀ օրենքում լրացում կատարելու մասին» օրենքների նախագծերը ներկայացնող  Ռուստամ Բադասյանը պատասխանեց. «Պատկերացնենք իմ մոտ հայտնաբերվում է կորոնավիրուս, արդեն նշեցի, որ իմ լոկատցիան բավականին շատ շրջանակ է ընդգրկում և բավարար չէ նախորդ 14 օրվա կոնտակտավորված անձանց շրջանակը պարզելու համար, հետևաբար հեռախոսային կոնտակտների վերհանումը և հեռախոսազանգերի միջոցով ստուգումն կարևոր է դառնում: Երկու՝ տեղորոշման և զանգերի տեղեկատվության տվյալները մի կնտրոնում գեներացնելը կօգնի որպեսզի վիճակագրական տվյալների հիման վրա իրավասու մարմինները կարողանան համապատասխան միջոցառումներ ձեռնարկել»:

Արարատ Միրզոյանն արձագանքեց. «Եթե դրսում լիներ այնպիսի իրավիճակ, որը ձգտեր բոլորի տոտալ իզոլացիայի՝ կարելի էր մտածել նաև այս միջոցառման մասին: Իսկ մենք դեռ ազատ ռեժիմի ենք թողել ասենք 20 միջոցառումից 10-ը: Այնուամենայնիվ ինձ մոտ տպավորություն մնաց, որ այս մի միջոցառումը գուցե ավելորդ լինի մեր երկրի համար կոնկրետ այս իրավիճակում: Սա իմ անձնական կարծիքն է: Ի՞նչ եք կարծում, ինչքանով կսահմանափակվի կառավարության հնարավորությունները, եթե այ մասով ԱԺ-ն առաջարկի առայժմ ձեռնպահ մնալ կարգավորումից»:

«Այնպես չէ, որ մեր համար ինքնանպատակ է նշված տեղեկատվության ֆիքսումը: Ոքանով իմ համար ընկալելի էր ՏՏ մասնագետների լեզուն՝ այս երկու կետի համադրությունը էական նշանակություն ունի, որովհետև, եթե ես վարակակիր եմ և պոտենցիալ վարակել եմ 10 հոգու և եթե չունենք զանգերը՝ ինչպես ենք որոշելու կոնտակտավոր անձանց, որպեսզի նրանց վիճակը ստուգենք: Սա շատ կարևորե է, որից ձեռնպահ մնալու  դեպքում՝ միջոցառումն արդյունավետ չի լինի»:

Պատգամավոր Նարեկ Զեյնալյանը տարակուսեց, թե ինչ նպատակ է հետապնդում զանգի սկզբի և ավարտի ֆիքսումը և անցնելով էպիդեմիոլոգիական խնդիրներին՝ հայտարարեց. «Եթե  հայտնաբերել ենք հիվանդ մարդ և հետ ենք գնում 14 օրվա մեջ, փոխձում ենք  հասկանալ, թե 14 օրվա ընթացքում նա ում հետ է հանդիպել, այս շղթայի հայտանբերելը էպիդեմիոլոգիական տեսանկյունից, վստահեցնում եմ զրոյական էֆեկտ ունի: Եթե մեկ օրից ավել է  անցնում կոնտակտավորին հայտնաբերելու ժամանակը, ապա բացարձակ որևէ էֆեկտ չունի այդ միջոցառումները: Եթե, օրնկան, հայտնաբերեցինք, որ վարակակիրը 5 օր առաջ մեկի հետ հանդիպել է, նրան հայտնաբեցինք ու մեկուսացրեցինք: Իսկ այդ անձն արդեն  հանդիպել է 50 հոգու հետ, դրանից հետո նրանք հանդիպել են գումարային 500 հոգու հետ… Էպիդեմիոլոգիական վերահսկողության տեսանկյունից կարծում եմ այս նախագիծը ձգտում է 0-ի»: