Կարդինալ Կոխ․ Մարդկային ամբողջ ընտանիքի պարտավորությունն է հիշելու այն ամենը, ինչ տեղի է ունեցել
Panorama.am-ի բացառիկ հարցազրույցը Քրիստոնեական միասնության աջակցության Պապական խորհրդի նախագահ, Կարդինալ Կուրտ Կոխի հետ
Panorama.am. Ձերդ վսեմություն, այսօր հիշատակում ենք Հայոց ցեղասպանության 105-րդ տարելիցը։ 5 տարի առաջ Դուք Հայաստանում էիք և Հռոմի պապ Ֆրանցիսկոսի անունից ուղերձ հղեցիք և մասնակցեցիք Երևանում ու Սուրբ Էջմիածնում անցկացված Հայոց ցեղասպանության հարյուրամյակի միջոցառումներին։
Ինչպե՞ս եք տեսնում Եկեղեցու և կառավարությունների դերը` ժխտողականության և պատմության վերանայումը դադարեցնելու, ինչպես նաև տարածաշրջանային լարվածությունը նվազեցնելու, հարաբերությունների բարելավման համար հնարավորությունների ստեղծման գործում, ինչը կնպաստի ցեղասպանության շրջափուլի ավարտին:
Կարդինալ Կոխ․ Եկեղեցին քաղաքական կազմակերպություն չէ, այլ հոգևոր, որը
երկրի վրա շարունակում է Քրիստոսի փրկիչ առաքելությունը: Այս առաքելության կարևոր ասպեկտը մարգարեական է, որն իրականացվում է անարդարության ու բռնության դատապարտմամբ, երբ էլ որ դա տեղի ունենա ներկայում, բայց նաև հիշելով անցյալի մասին, ինչպես նշեց Հռոմի պապ Ֆրանցիսկոսը՝ Մեծ Եղեռնի 100-ամյակի իր ուղերձում:
Այս տեսակետից, ոչ միայն հայ ժողովրդի պարտականությունն է, այլև համընդհանուր Եկեղեցու, և փաստորեն, մարդկային ամբողջ ընտանիքի պարտավորությունն է հիշելու այն ամենը, ինչ տեղի է ունեցել, որպեսզի այս ողբերգության հիշողությունները մեզ պաշտպանեն նման սարսափի մեջ ընկնելուց, որը վիրավորանք է Աստծու և մարդկային արժանապատվության դեմ։
Մյուս կողմից էլ Եկեղեցու դերն է նաև օգնել հիշողությունների սփոփման գործընթացին: Շատ քրիստոնյական համայնքների հիշողությունները մնում են վիրավոր՝ կրոնական և ազգային հակամարտությունների պատմությունից։
Այնուամենայնիվ, երբ պատմական բաժանման հակառակ կողմերի համայնքներն ի վիճակի են համախմբվել պատմության ընդհանուր վերընթերցման շուրջ, հիշողությունների հաշտեցումը դառնում է հնարավոր:
Panorama.am. Այսօր քրիստոնյա փոքրամասնությունները, մասնավորապես հայերը, պատերազմից տուժած երկրներում, ինչպիսիք են Սիրիան, Իրաքը շարունակում է տառապել
105 տարի առաջ իրականացված նույն հանցավոր քաղաքականությունների արդյունքում:
Մենք ականատես ենք քրիստոնյաների ֆիզիկական և նրանց հոգևոր ու մշակութային
Ժառանգության ոչնչացմանը: Այս իրավիճակն արդեն անդառնալի ազդեցություն է թողել տարածաշրջանի ժողովրդագրության վրա՝ սպառնալով քրիստոնեությանն իր պատմական բնօրրանում։
Ի՞նչ կարելի է անել ավելին էկումենիզմի և միջպետական հարաբերությունների միջոցով՝ այս բռնությունը դադարեցնելու համար։
Կարդինալ Կոխ․ Ճիշտ է, որ այսօր քրիստոնեությունը ևս մեկ անգամ դարձել է նահատակված հավատք: Քրիստոնեությունն աշխարհում ամենահալածված կրոնն է. բոլոր մարդկանց 80 տոկոսը, ովքեր հալածվել են իրենց հավատքի պատճառով այսօր քրիստոնյաներն են: Դա հաստատապես պետք է դատապարտվի Եկեղեցու առաջնորդների կողմից, ինչպես արեցին Հռոմի պապ Ֆրանցիսկոսը և Գարեգին 2-րդ կաթողիկոսը՝ 2016 թվականի ընդհանուր հռչակագրում, որում երկուսն էլ կոչ արեցին ազգերի առաջնորդներին՝ լսել միլիոնավոր մարդկային էակների խնդրանքները, ովքեր ցանկանում են խաղաղություն և արդարություն աշխարհում, և որոնք պահանջում են հարգանք իրենց անքակտելի իրավունքների նկատմամբ։
Պետք է հիշել նաև, որ հոգևոր տեսանկյունից երկու առաջնորդները, կոչ անելով բոլորին խթանել Քրիստոսի հետևորդների ակնհայտ միասնությունը, ընդունեցին, որ նահատակները պատկանում են բոլոր Եկեղեցիներին, և որ նրանց տառապանքները «արյան էկումենիզմ» են, ինչը վեր է քրիստոնյաների միջև պատմական բաժանումներից՝
Մենք իսկապես հավատում ենք, որ մեր ժամանակների այս նահատակները, որոնք պատկանում են տարբեր Եկեղեցիների, բայց ովքեր միավորված են իրենց ընդհանուր տառապանքներով, քրիստոնյաների միասնության գրավականն է, և որ այս միությունը ներդրում է մարդկային ընտանիքի միասնությանը:
Panorama.am. Շնորհակալություն ենք հայտնում և բարձր գնահատում Ձեր վճռական առաքելությունը՝ ուղղված ողջ աշխարհի քրիստոնյաներին միավորելուն։
Հարցազրույցը՝ Աննա Մկրտչյանի
բնօրինակը` անգլերեն
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը