Բռնել տալով, ասֆալտին փռելով երկիր չի կառուցվում. Վարդան Ղուկասյան
«Ես հիմա պատրաստ չեմ պատասխանելու հարցին, թե ինչպես է պետական ապարատը դուրս բերվել մեր դեմ»,- խորհրդարանում լրագրողների հետ զրույցում ասաց ԱԺ «Բարգավաճ Հայաստան» խմբակցության պատգամավոր Վարդան Ղուկասյանը՝ պատասխանելով հարցին՝ արդյո՞ք իշխանավորները կարող են պետական ապարատը դուրս բերել ԲՀԿ-ի դեմ։
Նա նշեց, որ տարբեր գործողություններ են սկսվել բոլորի՝ այդ թվում և իր դեմ, սակայն թե կոնկրետ ինչ ձևով, կամ ինչ ուղղությամբ, ինքն էլ չգիտի.
«Լսել եմ, որ հավանական քրեական գործեր են պատրաստվում, բայց չգիտեմ՝ ինչ հարցով։ Դեռ սպասում եմ։ Բայց հիմա պատրաստ չեմ խոսելու։ Լսել եմ, որ իմ դեմ քրեական գործեր են սկսվում»։
Դիտարկմանը, որ Գյումրու քաղաքապետի թեկնածուների շուրջ բազում խոսակցություններ կան, արդեն թեկնածուների անուններ են շրջանառվում, օրինակ՝ Արսեն Ջուլֆալակյան..., Վարդան Ղուկասյանն արձագանքեց՝ Արսեն Ջուլֆալակյանին հարգում եմ և շատերին եմ հարգում՝ որպես սպարտսմեն, բայց քաղաքապետի ինստիտուտն այնքան է ցածրացել, որ չեմ ուզում դրան անդրադառնալ։
Ինչ վերաբերում է ԲՀԿ-ի մեծ հանրահավաքին, և դրա վերաբերյալ իշխանության թերհավատությանը, պատգամավորը նախ հարց հնչեցրեց՝ իսկ ինչո՞ւ են թերհավատորեն մոտենում այդ հարցին։
«Եթե շատ մարդիկ մտածում են, որ ժողովուրդն իրենց ձայն է տվել, քանի որ իրենք շատ բան են արել ազգի համար, չարաչար սխալվում են։ Իրենց ձայն են տվել նախկինների վատ աշխատանքի, այլ ոչ իրենց լավ գործերի համար։ Ժողովուրդն իրենցից շատ բան է սպասում, իրենց տված խոստումները մինչև այսօր չեն կատարվում։ Բոլորս, ընդհուպ, ես էլ եմ ձայն տվել, և սպասում եմ փոփոխություններին, ժողովրդի վիճակի լավանալուն՝ աշխատավարձերի, թոշակների ու նպաստների բարձրանալուն, բանկային խայտառակ, լոմբարդային համակարգի փոփոխմանը։ Օրենք ստեղծելով մարդկանց թալանում են..., դրա դեմ պայքար պետք է լիներ, դա խոստացվել էր մեզ, բայց չի եղել։ Եվ մենք սպասում ենք, թե երբ պետք է իշխանությունը քայլեր անի»,- շեշտեց Վարդան Ղուկասյանը։
Դիտարկմանը, որ դեռ ամիսներ առաջ ԲՀԿ առաջնորդ Գագիկ Ծառուկյանը հանդես եկավ իշխանության ամբողջ կազմով հրաժարականի պահանջով, իսկ հիմա կարծես մեղմացել է հռետորաբանությունը և նման պահանջ չկա, պատգամավորն արձագանքեց՝ Ծառուկյանն ինչ ասում է, իր խոսքի տերն է, ինչ ասում է, անում է.
«Նա ասում է՝ այստեղ սխալ է, մարդը ոչ միայն քննադատում է, այլ նաև լուծումների տարբերակներ է ասում։ Եվ ասում է, որ անփորձ երիտասարդներ են, պատմություն չունեն, պատահական եկել, նախարար են դարձել։ Նրանք այսօր մի բառ են սովորել՝ կոռուպցիա։ Բոլորին էլ կարելի է վերից վար կոռուպցիայի մեջ մեղադրել՝ գերեզմաններում թաղված մարդկանց էլ կարող են մեղադրել կոռուպցիայի մեջ։ Գիտեք, ընդհանրապես, բռնել տալով, ասֆալտին փռելով երկիր չի կառուցվում։ Պիտի ապրեն ու ապրեցնեն։ Դա պետք է լինի սկզբունքը։ Թե չէ սրան-նրան բռնելով՝ հարց չի լուծվի։ Մարդուն հանցագործության մեջ մեղադրում են, հետո տասը օրից փողոցում քայլում է,անուններ չեմ ուզում տալ, դուք եք բզբզում»։
Վարդան Ղուկասյանը շեշտեց՝ ԲՀԿ-ն ապրելու և ապրեցնելու ճանապարհը ցույց է տալիս, լուծումներ է առաջարկում, ներդրումների ուղիներ է ցույց տալիս։
Հարցին՝ այժմ ԲՀԿ-ն պահանջո՞ւմ է վարչապետ Նիկոլ Փաշինյանի հրաժարականը, պատգամավորը պատասխանեց՝ դուք չե՞ք լսել, քանի անգամ ասել ենք։
«Եվ, էն որ ասում են, թե ժողովուրդն իրենց հետևից է գնում, չէ, ժողովուրդն իրենց հետրից չի գնում, ժողովուրդը փախել է նախկին իշխանություններից և դրա համար է ներկայիս իշխանություններին ձայն տվել։ Բայց այսօրվա իշխանությունից էլ սպասելիքներ դեռ կան»,- նշեց նա։
Հարակից հրապարակումներ`
- Նաիրա Զոհրաբյանը՝ իշխանությանը. էդ ինչի՞ էք մի անշառ հանրահավաքի ուրվականից էդպես սփրթնել
- Մեծ հանրահավաք էլ ենք կազմակերպելու. Գագիկ Ծառուկյան
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը