G7- ի հանդիպմանը Հնդկաստանի պատվիրակության երկու ներկայացուցիչ հիվանդ են եղել կորոնավիրուսով
G7-ի հանդիպմանը Հնդկաստանի պատվիրակության երկու անդամ հիվանդ են եղել կորոնավիրուսով: «Գազետա ռու»-ն գրում է, որ այդ մասին հայտնել է Sky News բրիտանական հեռուստաալիքը՝ վկայակոչելով Մեծ Բրիտանիայի պատվաստումների նախարար Նադիմ Զահավիին:
Չնայած այն հանգամանքին, որ Հնդկաստանը G7 խմբի անդամ չէ, նրա պատվիրակությունը հրավիրվել է Լոնդոն՝ արտգործնախարարների հանդիպմանը: Պատվիրակության երկու անդամների մոտ COVID-19- ի հաստատման պատճառով բոլոր հնդիկ դիվանագետներն անցել են ինքնամեկուսացման:
Ըստ Նադիմ Զահավիի, Անգլիայի հասարակական առողջության կառույցը և G7- ի թիմը շատ լուրջ են վերաբերվում վարակին:
Երկու տարի անց G7-ի արտգործնախարարների առաջին դեմ առ դեմ հանդիպումը տեղի է ունենում Լոնդոնում՝ մայիսի 3-ից 5-ը: Դրան մասնակցում են Մեծ Բրիտանիայի, ԱՄՆ-ի, Ֆրանսիայի, Գերմանիայի, Իտալիայի, Կանադայի և Ճապոնիայի արտգործնախարարները: Միջոցառմանը մասնակցում են նաև եվրոպական դիվանագիտության ղեկավար Խոսեպ Բորելը, Ավստրալիայի, Հնդկաստանի, Հարավային Կորեայի, Հարավային Աֆրիկայի ներկայացուցիչները և Հարավարևելյան Ասիայի պետությունների ասոցիացիայի (ASEAN) գլխավոր քարտուղարը:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ