«Այս պայմաններում «մասշտաբային և գունագեղ» տոնակատարությունը պարզապես անթույլատրելի է»
Այլընտրանքային նախագծեր խումբը տարածել է հրապարակում՝ արջձագանքելով Նիկոլ Փաշինյանի՝ գունագեղ տոնակատարություն անցկացնելու մասին հայտարարությանը.
«Կառավարության նիստում Ն. Փաշինյանը հայտարարեց, որ «սեպտեմբերի 21-ին Հանրապետության հրապարակում տեղի է ունենալու մասշտաբային և գունագեղ տոնակատարություն»։
Այս գաղափարն անմիջապես արժանացավ հասարակության տարբեր շերտերի կոշտ արձագանքին, այդ թվում, բնական է, զոհված զինծառայողների ծնողների։ Մենք ունեցել ենք աղետալի պատերազմ, տարածքային և մարդկային ծանր կորուստներ, ազգային ողբերգություն, և այս պայմաններում «մասշտաբային և գունագեղ» տոնակատարությունը պարզապես անթույլատրելի է։
Իհարկե, մենք պետք է նշենք այդ տոնը։ Բայց ժամանակն է, որպեսզի մենք՝ որպես պետություն, իշխանություն և հասարակություն, հասկանանք, որ տոնը կարելի է նշել՝ համեստ, զուսպ, առանց ավելորդ գունագեղության։ Դիմում ենք կառավարությանը՝ վերանայելու այս ոչ պատեհ՝ «մասշտաբային և գունագեղ տոնակատարութան» որոշումը. սա բերելու է հասարակության նոր պառակտման և նոր լարվածության։
Կոչ ենք անում ԱԺ երեք խմբակցություններին՝ ձևակերպել հստակ դիրքորոշում կառավարության որոշման վերաբերյալ՝ պահանջել հրաժարվել մասշտաբային և գունագեղ տոնակատարությունից։
Հարցն ունի բազմաշերտ բարոյական և ռացիոնալ կողմ։
Երբ երկրում սպառված է առողջապահության պետպատվերի բյուջեն, և օգոստոսի 1-ից պետությունը հրաժարվում է պետպատվերով սպասարկել նույնիսկ վիրավոր զինծառայողներին և հատուկ խմբերում ընդգրկվածների սրտի վիրահատություններն ու դժվարամատչելի ախտորոշիչ հետազոտությունները, անընդունելի է մեծ գումարներ շռայլել տոնակատարությունների վրա։
Մարդկանց առողջությունը, հանրային համերաշխությունը ավելի թանկ ու կարևոր գաղափարներ են, քան՝ իշխանության PR-ը։ Ստացվում է՝ բուժման համար գումար չունենք, իսկ մասշտաբային և գունագեղ տոնակատարության համար, պարզվում է, ունենք։
Հայաստանի անկախությունը, անվտանգությունն ու ինքնիշխանությունը գունագեղ տոնակատարությամբ չէ, որ պետք է հարգել. դա կարելի է անել շատ զուսպ, առանց ավելորդությունների, փոխարենը ցույց տալ, որ պետությունը հարգում է անկախության գլխավոր սիմվոլին և կրողին՝ ՀՀ քաղաքացուն»։
Հարակից հրապարակումներ`
- Պատերազմում զոհված ու անհետ կորած զինվորների հարազատները պահանջում են չեղարկել գունագեղ տոնակատարությունը
- «Փաստ». «Մասշտաբային և գունագեղ տոնակատարություն» 44-օրյա պատերազմի սկզբի տարելիցից մեկ շաբաթ առա՞ջ
- Ղազինյան. «Գունագեղ» ցինիզմի փոխարեն պետք է ռազմական շքերթ
- Էդգար Ղազարյան. Ցավում եմ այս ամենը հանդուրժող հասարակության համար
- Փախչանյան. Բազմաթիվ ցինիկ մարդիկ այսօր գործում են գիտնականների հեղինակության դեմ
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ