![](https://panorama.am/news_images/903/2707131_1/f62cfb33b36588_62cfb33b365d7.thumb.jpg)
Եգիպտոսը, Թուրքիան և Սաուդյան Արաբիան ցանկություն են հայտնել միանալ ԲՐԻԿՍ-ին
Սաուդյան Արաբիան, Թուրքիան և Եգիպտոսը մտադիր են միանալ ԲՐԻԿՍ-ին։ Այս մասին «Իզվեստիա»-ին հայտնել է ԲՐԻԿՍ-ի միջազգային ֆորումի նախագահ Պուրնիմա Անանդը։ Նա նշել է, որ որոշ պետությունների վերաբերյալ քննարկում և հնարավոր որոշում կարող է կայացվել միավորման հաջորդ գագաթնաժողովում, որը տեղի կունենա 2023 թվականին Հարավային Աֆրիկայում։
«Բոլոր այս երկրները ցույց են տվել միանալու իրենց շահագրգռվածությունը և պատրաստվում են անդամակցության հայտ ներկայացնել։ Կարծում եմ՝ սա լավ քայլ է, քանի որ ընդլայնումը միշտ դրական է ընկալվում, դա ակնհայտորեն կբարձրացնի ԲՐԻԿՍ-ի ազդեցությունն ամբողջ աշխարհում»,- ասել է նա։
News.ru կայքի հաղորդմամբ, Պուրնիմա Անանդը նշել է, որ այս երկրների միացումը ԲՐԻԿՍ -ին, ամենայն հավանականությամբ, շատ արագ կանցնի։ Կազմակերպության բոլոր ներկայացուցիչները շահագրգռված են դրա ընդլայնմամբ։ Ուստի, քաղաքական գործչի համոզմամբ, այս երկրների միություն մտնելը տեղի կունենա շատ շուտով։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)