Ձեր վստահելի աղբյուրը

«Պետք է արձանագրել, որ իրադրությունը մնում է ծայրահեղ լարված, հումանիտար ճգնաժամը շարունակվում է»,-կառավարության այսօրվա նիստում հայտնեց Նիկոլ Փաշինյանը:

Հայտնելով, որ մշտապես կապի մեջ է ԼՂ գործընկերների հետ ՝ նա ասաց, որ այսօր առավոտյան տեղի ունեցած քննարկումների արդյունքում կարող են արձանագրել, որ իրադրության դրական տեղաշարժի որոշակի հույսեր կան:

Նա հայտնեց, որ այն ԼՂ-ի մի շարք գործընկերների գնահատականն է, որը իրենք կիսում են:

Բացատրելով դրական զարգացումների հույսերը՝ ՀՀ գործադիր մարմնի ղեկավարն ասաց. «Նկատի է առնվում, որ ԼՂ բնակավայրերի բնակիչները, մեր հայրենակիցները կարող են իրենց տները վերադառնալու իրական հնարավորություն ստանալ»:

Նա արձանագրեց, որ իրադրությունը դինամիկ և փոփոխական է:

«Այսինքն այն տեղեկությունը, որ մենք ունենք այս պահին, կես ժամից այն կարող է փոխվել, բայց կարևոր է, որ ունենանք այդ պահի ճշգրիտ տեղեկություն»,-ասաց Փաշինյանը: