![](https://panorama.am/news_images/978/2933008_1/f65672e6566aea_65672e6566b2d.thumb.jpg)
Գազայի հատվածում ապաստարաններում գտնվում է 1,3 մլն մարդ․ ԱՀԿ
Պաղեստինա-իսրայելական հակամարտության սրման ֆոնին Գազայի հատվածում ապաստարաններում թաքնվողների թիվը հասել Է 1,3 միլիոնի: Այս մասին X սոցիալական ցանցում գրել է Առողջապահության համաշխարհային կազմակերպության (ԱՀԿ) ղեկավար Թեդրոս Ադանոմ Գեբրեյեսուսը:
Նա նաև հայտնել է, որ մարդկանց չափազանց խիտ կուտակումների, ինչպես նաև սննդի, ջրի, հիգիենայի միջոցների և դեղամիջոցների պակասի պատճառով սուր շնչառական վարակների, քոսի, լուծի, ջրծաղիկի, դեղնախտի և այլ հիվանդությունների մեծ թվով դեպքեր են նկատվում:
Իսրայելը և Գազայի հատվածում իշխող պաղեստինյան ՀԱՄԱՍ շարժումը Կատարի միջնորդությամբ նոյեմբերի 22-ին ձեռք են բերել հակամարտության սրումից ի վեր առաջին մասշտաբային պայմանավորվածությունը․ կողմերը համաձայնել են չորս օրով դադարեցնել ռազմական գործողությունները՝ միմյանց մոտ գտնվող տասնյակ պատանդների և ձերբակալվածների փոխանակման համար:
Քառօրյա հրադադարը սկսել է գործել նոյեմբերի 24-ին, իսկ նոյեմբերի 28-ին երկարաձգվել է ևս երկու օրով:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)