Հայաստանը 50 միլիոն եվրո վարկ կվերցնի
ԱԺ արտահերթ նիստում քննարկվում է Հայաստանի և ՕՊԵԿ-ի միջազգային զարգացման հիմնադրամի միջև «Կանաչ, դիմակայուն և ներառական զարգացման ծրագիր» վարկային համաձայնագիրը վավերացնելու մասին օրենքի նախագիծը։
Հիմնական զեկուցող ՀՀ ֆինանսների նախարարի տեղակալ Էդուարդ Հակոբյանը հայտարարեց, որ համաձայնագրով նախատեսվում է ներգրավել բյուջետային աջակցության վարկ 50 մլն եվրոյի չափով։ Նա նշեց, որ հաշվի առելով վարկի՝ բյուջետային աջակցության բնույթը՝ միջոցներն ուղղվելու են 2023 թ. բյուջեի մասին օրենքով սահմանված պակասուրդի ֆինանսավորմանը կամ ծախսերի ֆինանսավորման կարիքի բավարարմանը։
«Հաշվի առնելով, որ մեր կապիտալ ծախսերը՝ պլանավորված 550 միլիարդ դրամ, գերազանցում է մեր պլանավորած 290 միլիարդ պակասուրդը, այդ միջոցներն ուղղվել են, ըստ էության, կապիտալ ծախսերին, որոնց կազմում են դպրոցներ, մանկապարտեզներ, ճանապարհներ, այլ բնույթի ենթակառուցվածքներ, որոնք իրենց հերթին ունեն տնտեսության վրա դրական ազդեցություն, ուղղված են մեր ապագա սերունդներին»,- ասաց Է.Հակոբյանը։
Համաձայնագրով ՕՊԵԿ հիմնադրամը համաձայնում է Վարկառուին տրամադրել 50 մլն եվրո գումարի չափով վարկավորում հետևյալ պայմաններով և դրույթներով՝
• վարկի մասհանման արժույթ՝ եվրո,
• վարկային միջոցների մասհանման եղանակ՝ մեկ մասհանման հայտի միջոցով,
• վարկի տարեկան տոկոսադրույք՝ լողացող, 6-ամսյա EURIBOR + 1.61% (31.10.2023թ. դրությամբ 4.092% + 1.61%)
• վարկի մարման ժամկետ՝ 20 տարի, որից արտոնյալը՝ 5 տարի,
• պարտավորության վճար՝ տարեկան 0.25% դրույքաչափ, հաշվարկվում է վարկի չմասհանված գումարի նկատմամբ, հաշվարկվում է Համաձայնագրի ստորագրումից 60 օր հետո,
• միանվագ կոմիսիոն վճար՝ վարկի գումարի 0.25%-ի չափով, որը պետք է վճարվի ոչ ուշ, քան Համաձայնագրի ուժի մեջ մտնելուց 90 օրվա ընթացքում,
• վարկի սպասարկման գծով վճարումները կատարվում են կիսամյակային կտրվածքով` յուրաքանչյուր տարվա ապրիլի 15-ին եւ հոկտեմբերի 15-ին,
• մայր գումարի մարումն իրականացվելու է սկսած 2028թ. հոկտեմբերի 15-ից մինչեւ 2042թ. հոկտեմբերի 15-ը՝ վարկի գումարի 3.33%-ի չափով, իսկ 2043թ. ապրիլի 15-ին՝ վարկի գումարի 3.43%-ի չափով:
• վարկային միջոցների օգտագործման վերջնաժամկետ՝ 2024թ. դեկտեմբերի 31:
Լրահոս
Տեսանյութեր
Գևորգ Դանիելյան. Շատ վատ է, որ մենք չենք օգտագործում Սահմանադրության անվտանգության բարձիկները