![](https://panorama.am/news_images/995/2984567_1/262361.thumb.jpg)
Ինչի՞ մասին է Հայաստան-ԵՄ-ԱՄՆ բրյուսելյան հանդիպումը. Միլլերը փակագծեր է բացել
Հայաստան-ԵՄ-ԱՄՆ բրյուսելյան հանդիպումը Հայաստանի բարեփոխումների, ժողովրդավարության, տնտեսության ու ճկունության մասին է։ Ճեպազրույցում հայտարարել է ԱՄՆ պետքարտուղարության խոսնակ Մեթյու Միլլերը՝ արձագանքելով այն հարցին, արդյոք ադրբեջանցիները հրավիրվե՞լ են մասնակցելու այս շաբաթ տեղի ունենալիք հանդիպմանը։
«Այս հանդիպման ուշադրության կենտրոնում խաղաղության գործընթացը չէ։ Սա հանդիպում է ԱՄՆ-ի, ԵՄ-ի ու Հայաստանի միջև՝ քննարկելու տնտեսական դիվերսիֆիկացիան, մարդասիրական օգնության, փախստականների աջակցության, Հայաստանի քաղաքական բարեփոխումների սատարման հարցեր այնպիսի ոլորտներում, ինչպիսիք են ժողովրդավարությունը, օրենքի գերակայությունը։ Այն տարածաշրջանային հարցերի վերաբերյալ հանդիպում չէ»,-ասել է Միլլերը։
Ավելի վաղ Հայաստանի ԱԳ նախարարության խոսնակը, ի պատասխան Ադրբեջանի ԱԳ նախարարի մամուլի քարտուղար Այխան Հաջիզադեի հայտարարության, նշել էր՝ Բրյուսելում ապրիլի 5-ին նախատեսված բարձր մակարդակի հանդիպումը նվիրված է լինելու Հայաստան-ԵՄ-ԱՄՆ համագործակցության ամրապնդմանը և որևէ երրորդ կողմի դեմ ուղղված չէ և չէր էլ կարող լինել:
Հարակից հրապարակումներ`
- Բրյուսելում ապրիլի 5-ին նախատեսված բարձր մակարդակի հանդիպումը որևէ երրորդ կողմի դեմ ուղղված չէ. Անի Բադալյան
- Ադրբեջանը բացասաբար է արձագանքում ԵՄ-Հայաստան-ԱՄՆ համատեղ համաժողովի կազմակերպմանը
- Երևանի ներկայիս կուրսի շարունակությունը կարող է անուղղելի վնաս հասցնել մեր դաշնակցային հարաբերություններին․ Զախարովա
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)