ԱՅԼՄԱՄՈՒԼ

ԿԱՐՃ ԼՈՒՐԵՐ

16:56 Տարածաշրջան
Ընդլայնվել է այն երկրների ցանկը, որոնց քաղաքացիները կարող են մուտք գործել Վրաստան «ՊՇՌ» թեստի բացասական պատասխանի հիման վրա

Վարչապետ Իրակլի Ղարիբաշվիլիի այսօր ստորագրած հրամանագրի համաձայն, «PCR» թեստի բացասական պատասխանի հիման վրա Թուրքմենստանի, Ուզբեկստանի, Տաջիկստանի և Ղրղզստանի քաղաքացիները օդային սահմանով իրավունք կունենան մուտք գործել Վրաստան: Սույն կանոնակարգը տարածվում է նաև Հայաստանի վրա:

Աղբյուր՝ 1tv.ge

16:39 Աշխարհում
«Լիվերպուլ» 0-1 «Չելսի». Յուրգեն Կլոպի համար ճգնաժամը խորանում է,

քանի որ «կարմիրները» տանուլ են տալիս հինգերորդ անընդմեջ տնային խաղում: Արդյունքում,  մեծ տպավորություն թողնող «Չելսին» Տուխելի գլխավորությամբ անցկացնում է 10-րդ անպարտելի խաղը և տեղափոխվում 4-րդ հորիզոնական, իսկ «Լիվերպուլը» յոթերորդ տեղում է՝ ետ մնալով չորս միավորով:

Աղբյուր՝ eurosport.com

16:09 Աշխարհում
ԱՄՆ-ը 5 միլիոն դոլար է առաջարկել ղրղըզ քրեական հանցագործի վերաբերյալ տեղեկատվության համար

ԱՄՆ Պետդեպարտամենտը բարձրացնում է պարգևատրումը տեղեկատվության համար, որը թույլ կտա ձերբակալել քրեական հեղինակություն Կամչիբեկ Կոլբաևին: 2000 թ.-ին Կոլբաեւը դատապարտվեց հանցավոր խմբում իր նախկին ղեկավարի նկատմամբ սպանության փորձ կատարելու և ևս երկու մարդու սպանության համար:

Աղբյուր՝ interfax.ru

15:30 Աշխարհում
Էդի Ֆալկոն կմարմնավորի Հիլարի Քլինթոնին «Ամերիկյան կրիմինալ պատմություն»-ում

Ամերիկացի դերասանուհի Էդի Ֆալկոն ներկայանալու է «Ամերիկյան կրիմինալ պատմության» (American Crime Story) երրորդ եթերաշրջանում՝ որպես ԱՄՆ նախկին առաջին տիկին Հիլարի Քլինթոն: Հեռուստասերիալի երրորդ սեզոն ստացել է «Իմպիչմենտ» անվանումը:

Աղբյուր՝ kulturomania.ru

 

15:15 Աշխարհում
Աշխարհի ամենատարեց վայրի թռչունը 70 տարեկանում ճուտ է հանել

Ուիզդոմ անունով Սևամեջք ալբատրոսը հերթական անգամ ձվադրել ու ճուտ է հանել: Նա վերապրել է նախկին բոլոր զուգընկերներին և նույնիսկ իրեն 1956 թվականին առաջին անգամ նկատած Չենդլեռ Ռոբինսին:

Աղբյուր՝ theguardian.com

14:37 Աշխարհում
Չինաստանը հայտարարել է կենսաթոշակային տարիքի բարձրացման մասին

Չինաստանի իշխանությունները 2021- 2025 թվականներին կենսաթոշակային տարիքը աստիճանաբար կբարձրացնեն: Այժմ երկրում տղամարդիկ թոշակի են անցնում 60 տարեկանում, իսկ կանայք՝ 55: Սա աշխարհում կենսաթոշակային ամենավաղ տարիքներից մեկն է, որը հաստատվել է 1978 թվականին, երբ կյանքի միջին տևողությունը 68 տարի էր:

Աղբյուր՝ ria.ru

13:59 Աշխարհում
Էստոնիայում սկսվել են ՆԱՏՕ-ի ավիացիոն կարգավարների զորավաժությունները

Մարտի 4-ին մեկնարկել են ՆԱՏՕ-ի «Կատաղի գայլ» (Furious Wolf) կոչվող զորավարժությունները, որոնց մասնակցում են ցամաքային և օդային կարգավարները ՆԱՏՕ-ի ինքնաթիռների անձնակազմերի հետ միասին:

Աղբյուր՝ eadaily.com

13:41 Աշխարհում
Մեգան Մարքլը արքայական ընտանիքը ներքաշում է վերջին տասնամյակների ամենամեծ ճգնաժամի մեջ՝ մեղադրելով «իրենց մասին ստեր տարածելու մեջ»:

«Չգիտեմ, թե ինչպես են նրանք պատկերացնում, որ այս ամենից հետո մենք լռություն կպահպանենք, թեև թագավորական ընտանիքն ակտիվորեն ստեր է տարածում մեր մասին: Եվ եթե մենք ռիսկի ենք դիմում ինչ-որ բան կորցնել, ինչ արած, արդեն շատ բան է կորցված»,- զայրացած նկատել է Մեգանը:

Աղբյուր՝ thesun

13:19 Աշխարհում
Կիբերհարձակում է իրականացվել Պրահայի քաղաքապետարանի և Չեխիայի Աշխատանքի նախարարության վրա

Հաքերների հարձակման են ենթարկվել Չեխիայի աշխատանքի և սոցիալական հարցերի նախարարության և Պրահայի քաղաքապետարանի համակարգչային ցանցերը:

Աղբյուր՝ eadaily.com

12:55 Աշխարհում
Հարձակում տիեզերքից: Երկիրը կբախվի՞ մոտեցող Ապոֆիս աստերոիդին:

Այսօր Ապոֆիս աստերոիդը վերջին ութ տարվա մեջ Երկրից կլինի ամենամոտ հեռավորության վրա: Սա թույլ կտա գիտնականներին ճշտելել նրա ուղեծրի պարամետրերը և, հավանաբար, հասկանալ, թե ինչից է այն կազմված: Նման տվյալներն անհրաժեշտ են 2029 և 2068 թվականներին Երկրի հետ բախման հավանականությունը հերքելու կամ հաստատելու համար:

Աղբյուր՝ ria.ru

12:26 Աշխարհում
Պեկինը պատրաստվում է հիմնովին փոխել Հոնկոնգի ընտրական համակարգը

Չինաստանն իր ամենամեծ քաղաքական հանդիպմանը հայտարարել է, որ վերանայելու է Հոնկոնգի ընտրական համակարգը՝ «հայրենասերների» ղեկավարումը երաշխավորելու համար, ինչը նշանակում է, որ կառավարությունն այլևս չի հանդուրժի այլախոհությունը քաղաքում: Որոշման նախագիծը կքննարկվի Ազգային ժողովրդական համագումարի ընթացքում, որը տեւելու է մեկ շաբաթ:

Աղբյուր՝ bbc.com

12:13 Աշխարհում
Իսրայելի պաշտպանության նախարարը ցույց տվեց թիրախների քարտեզը. «Մենք պատրաստ ենք պայքարել «Հեզբոլլահի» դեմ»

Իսրայելի Պաշտպանության բանակը թարմացնում է Իրանի միջուկային օբյեկտներին հարվածելու իր ծրագրերը, որպեսզի բացառի Թեհրանում զանգվածային ոչնչացման զենքի հայտնվելը: Այդ մասին մարտի 4-ին հայտարարել է հրեական պետության պաշտպանության նախարար Բենի Գանցը: «Եթե աշխարհը նրանց (Իրանի իշխանություններին) ավելի շուտ կանգնեցնի, դա շատ լավ կլինի: Եթե ոչ, մենք պետք է գործենք անկախ և պետք է ինքնուրույն պաշտպանվենք »,- ասել է նա:

Աղբյուր՝ eadaily.com

 

11:54 Աշխարհում
Covid-19. Սան Դիեգոյի կենդանաբանական այգու կապիկներին փորձնական պատվաստանյութ է տրվել

8 գորիլաների վարակի դեպքերից հետո կենդանաբանական այգում մի քանի մեծ կապիկների տրվել է փորձնական Covid-19 պատվաստանյութ, որը նախատեսված է կենդանիների համար: Չորս օրանգուտան և հինգ բոնոբո ստացել են Zoetis անասնաբուժական դեղագործական ընկերության պատրաստածպրեպարատի երկու չափաբաժնի ներարկում:

Աղբյուր՝ bbc.com

 

11:37 Աշխարհում
Իսպանիայի գավաթի եզրափակչում «Բարսելոնայի» մրցակիցը կլինի «Աթլետիկը»:

Բիլբաոյի «Աթլետիկ» ֆուտբոլային ակումբը Իսպանիայի գավաթի խաղարկության կիսաեզրափակչի պատասխան խաղում հաղթեց «Լեւանտե Վալենսիային»: Կատալոնիայի ակումբը կարողացավ առաջին խաղում 0: 2 հաշվով «Սեւիլիային» տանուլ տվածը վերականգնել՝ պատասխան խաղում հաղթելով 3: 0 հաշվով:

Աղբյուր՝ sportrbc.ru

11:20 Աշխարհում
Վլադիմիր Նաբոկովի «Սուպերմեն» բանաստեղծությունը լույս է տեսնում առաջին անգամ:

Վլադիմիր Նաբոկովի կորած բանաստեղծությունը, որը գրվել է Սուպերմենի անունից, ով գանգատվում էր Լոիս Լեյնի հետ երեխաներ ունենալու անհնարինության մասին, լույս է տեսել առաջին անգամ: Ստեղծագործությունը տպագրվել է Times Literary Supplement գրական ամսագրում այս շաբաթ:

Աղբյուր՝ theguardian.com

10:42 Աշխարհում
Նոր Զելանդիայում 8.1 մագնիտուդով երկրաշարժ է տեղի ունեցել

Ուրբաթ օրը Կերմադեկյան կղզիներում տեղի ունեցած 3-րդ՝ ամենաուժեղ, երկրաշարժից հետո նախազգուշացվել է ցունամիի հավանականության մասին: Հազարավոր մարդիկ տարհանվել են՝ Արտակարգ իրավիճակների կառավարման ազգային գործակալության հրամանով:

Աղբյուր՝ cnn.com

10:19 Տարածաշրջան
Թուրքիայում ռազմական ուղղաթիռ է կործանվել

Թուրքիայի արեւելքում ուղղաթիռի վթարի արդյունքում զոհվել է 11 և վիրավորվել 3 թուրք զինվորական:

Աղբյուր՝ ria.ru

10:14 Աշխարհում
Իրանը և ԱՏԷՄԻԳ-ը մաքրել են միջուկային գործարքի շուրջ ԱՄՆ-ի հետ բանակցությունների հավանական խոչընդոտը:

ՄԱԿ-ի Ատոմային էներգիայի միջազգային գործակալության (ԱՏԷՄԻԳ) գլխավոր տնօրեն Ռաֆայել Գրոսին ասել է, որ Իրանը և ԱՏԷՄԻԳ-ի տեսուչները նախկինում զրուցել են, և Իրանը հավաստի պատասխաններ չէր տվել ստուգման հարցերին: Նա հայտնել է, որ այժմ Իրանը համաձայնել է մասնակցել ապրիլի սկզբին անմիջական, կենտրոնացված տեխնիկական հանդիպումներին, և տեսուչները կզեկուցեն այս մասին ԱՏԷՄԻԳ-ի խորհրդի հունիս ամսվա նիստում:

Աղբյուր՝ theguardian.com

17:52 Աշխարհում
Բժիշկը ներկայացրել է աղով հարուստ ամենավտանգավոր ուտելիքները

Սննդաբան Անդրեյ Բոբրովսկին հայտնել է, որ աղի տեսանկյունից ամենավտանգավոր սնունդ համարվում են կիսաֆաբրիկատները:

Աղբյուր՝ radiosputnik.ria.ru

17:23 Տարածաշրջան
Վրաստանում նախատեսվում է ստեղծել նոր ազգային զբոսայգի

Գուրիայի լեռնային լանդշաֆտի բնությունը պաշտպանելու և պահպանելու նպատակով, նախատեսվում է ստեղծել նոր ազգային զբոսայգի: Նախագիծն իրականացվելու է շրջակա միջավայրի և գյուղատնտեսության նախարարության պահպանվող տարածքների գործակալության և բնության համաշխարհային հիմնադրամի կողմից, Վրաստանում Շվեդիայի դեսպանության ֆինանսական աջակցությամբ և տեղի բնակչության ակտիվ ներգրավմամբ:

Աղբյուր՝ 1tv.ge

16:58 Աշխարհում
«Սիմփսոնները» նորացվել են ևս 2 եթերաշրջանի համար

«Սիմփսոնների» կերպարերը նորացվել են 33-րդ և 34-րդ սեզոնների համար՝ ամենաերկար տևողությամբ սերիալը հասցնելով մինչև 2023 թվական՝ ընդհանուր 757 էպիզոդով:

Աղբյուր՝ independent

16:39 Աշխարհում
«Բորուսիայի» հարձակվող Էրլինգ Հոլանդը ցանկանում է տեղափոխվել «Ռեալ» կամ «Մանչեսթեր Սիթի»

Ֆուտբոլիստով հետաքրքրված են նաեւ «Մանչեսթեր Յունայթեդը», «Բավարիան» ու «Չելսին»: Սիթին նորվեգացուն տեսնում է որպես Սերխիո Ագուերոյի հավանական փոխարինող, ում պայմանագրի ժամկետն ավարտվում է ամռանը, «Ռեալը»՝ որպես Կարիմ Բենզեմային փոխարինող: Հոլանդը որոշել է հեռանալ «Բորուսիայից», եթե թիմը չհասնի Չեմպիոնների լիգա:

Աղբյուր՝ sport-express.ru

16:03 Աշխարհում
Ճապոնացի միլիարդատերը տիեզերական ճանապարհորդության համար 8 մարդ է փնտրում

Էքսցենտրիկ նորաձեւության մագնատ Յուսակու Մաեզավան հավաքագրում է 8 մարդու ամբողջ աշխարհից՝ 2023 թվականին Իլոն Մասկի SpaceX-ի կազմակերպած թռիչքին մասնակցելու համար: 45-ամյա Մաեզավան խոստացել է հոգալ ծախսերը՝ իր DearMun առաքելության մեջ ընտրվածների համար:

Աղբյուր՝ nbcnews.com

15:44 Աշխարհում
Մերկելը Բունդեսթագում ցուցմունք կտա Wirecard-ի սկանդալի վերաբերյալ

Գերմանիայի կանցլերը որպես վկա հանդես կգա Wirecard սնանկացած ընկերության շուրջ սկանդալը հետաքննող հանձնաժողովի առջև: Ուշադրության կենտրոնում է Մերկելի կատարած այցը Չինաստան, որտեղ նա պաշտպանում էր ընկերությունը:

Աղբյուր՝ dw.com

15:04 Աշխարհում
«Մանչեսթեր Յունայթեդը» միավորներ է կորցրել Անգլիայի Պրեմիեր լիգայում՝ միջակների հետ խաղում

Պրեմիեր լիգա 29-րդ տուրում «Մանչեսթեր Յունայթեդը» ոչ-ոքի խաղաց «Քրիսթալ Փելասի» հետ: «Մանչեսթեր Յունայթեդը» ունի 51 միավոր և մրցաշարային աղյուսակում ընթանում է երկրորդ տեղում: «Քրիսթալ Փելաս»-ը, ակտիվում ունենալով 34 միավոր, 13-րդ հորիզոնականում է:

Աղբյուր՝ lenta.ru

14:41 Աշխարհում
Disney-ը փակվում է առնվազն 60 հյուսիսամերիկյան մանրածախ խանութ՝ շարժվելով դեպի առևտրային էլեկտրոնային հարթակ

Ազատվելով սովորական խանութներից, ընկերության hաջորդ տարվա նպատակն է կենտրոնանալ «ավելի անխափան, առավել անհատականացված և ֆրանշիզայի վրա հիմնված էլեկտրոնային առևտրի փորձի վրա shopDisney հարթակում»:

Աղբյուր՝ people.com

13:58 Աշխարհում
Շվեդիայի հարավում տեղի ունեցած դանակահարության արդյունքում մի մարդ վիրավորել է յոթ հոգու,

որոնցից երեքի վիճակը ծանր է: Վետլանդայի կենտրոնում հարձակում գործած 20-ամյա տղամարդուն վնասազերծելիս՝ նրան կրակել են. վնասվածքը կյանքի համար վտանգավոր չէ:  Ոստիկանությունը դեպքը որակել է որպես սպանության փորձ, բայց ուսումնասիրվում է նաեւ ահաբեկչական դրդապատճառների հնարավորությունը:

Աղբյուր՝ bbc.com

 

13:05 Տարածաշրջան
Պետական պարտքը արդյունավետ կառավարելու համար Վրաստանի կառավարությունը

պատրաստվում է նոր եվրապարտատոմսի թողարկմանը: Այս մասին հայտարարել է Վրաստանի վարչապետ Իրակլի Ղարիբաշվիլին:

Աղբյուր՝ 1tv.ge

12:27 Աշխարհում
Պոմպեոն հավանական է համարում իր մասնակցությունը 2024 թվականի ԱՄՆ նախագահական մրցավազքին

Մայքլ Պոմպեոն, ով ղեկավարում էր Պետդեպարտամենտը ԱՄՆ նախկին նախագահ Դոնալդ Թրամփի վարչակազմում, չի բացառում, որ կառաջադրվի բարձրագույն պետական պաշտոնի համար 2024 թ. ընտրություններում:

Աղբյուր՝ tass.ru
 

12:11 Աշխարհում
Հութիները հայտնել են, որ գրավել են Եմենի առանցքային քաղաքի հիմնական տարածքի վերահսկողությունը:

Եմենի հութի ապստամբները վերահսկողություն են հաստատել հյուսիսային ռազմավարական Մարիբ քաղաքի 14 շրջաններից 10-ին, հայտարարել է Հութիի արտաքին գործերի փոխնախարար Հուսեյն ալ-Էզին: Այնուամենայնիվ, Մարիբի առանցքային կենտրոնական տարածքը շարունակում է մնալ Սաուդյան Արաբիայի կողմից աջակցվող կառավարության վերահսկողության տակ:

Աղբյուր՝ cnn.com

11:44 Աշխարհում
Ռուսաստանի Sputnik V պատվաստանյութը ընդլայնում է իր հասանելիությունը Լատինական Ամերիկայում:

Լատինական Ամերիկայում ավելի ու ավելի շատ երկրներ են հայտարարում Covid-19-ի Sputnik V պատվաստանյութի մատակարարումների և գործարքների մասին: Պատվաստանյութի օգտագործումը արդեն հաստատել են աշխարհի 39 երկրներում, որոնցից  ինը Լատինական Ամերիկայից են:

Աղբյուր՝ cnn.com

11:28 Աշխարհում
Դիետոլոգը թվարկել է այն ուտելիքները, որոնք անվտանգ են քնելուց առաջ ուտելու համար

Քնելուց առաջ թույլատրվում է ուտել հեշտ մարսվող սպիտակուց պարունակող սնունդ, դա նաև ազդի կազմվածքի վրա: Սննդաբան և գաստրոէնտերոլոգ Նուրիա Դիանովան խորհուրդ է տալիս գիշերները ուտել ձուկ, բանջարեղենով ձվածեղ կամ կաթնաշոռ: Կարող եք նաև բանան ուտել՝ ընկույզի կարագով: Այդուհանդերձ, շաքարախով հիվանդները պետք է առավել զգույշ լինեն:

Աղբյուր՝ iz.ru

11:05 Աշխարհում
Հարուկի Մուրակամին Uniqlo-ի համար նախագծել է շապիկների հավաքածու, որը կթողարկվի հաջորդ շաբաթ

«Կաֆկան լողափին»,  «Նորվեգական անտառ», «1Q84» և այլ ստեղծագործություններից ոգեշնչված շապիկները հասանելի կլինեն մարտի 8-ից:

Աղբյուր՝ timeout.com

10:37 Աշխարհում
Տոկիոյի Օլիմպիական խաղերը փակ կլինեն արտերկրից ժամանող երկրպագուների համար, ակնարկել է խաղերի կազմակերպիչը:

Տոկիոյի օլիմպիական կազմկոմիտեի նոր նախագահը, անդրադառնալով ճապոնական մամուլում տարածված լուրերին, ակնարկել է, որ օտարերկրյա երկրպագուներին թույլ չի տրվի ներկա գտնվել այս ամառվա խաղերին:

Աղբյուր՝ theguardian.com

10:13 Աշխարհում
Լիտվան հրաժարվել է Բելառուսին արտահանձնել Տիխանովսկայային

Մինսկի դիմում մերժվել է: Բելառուսի նախագահի նախկին թեկնածու Սվետլանա Տիխանովսկայան չի արտահանձնվի Լիտվայից: Այս մասին հայտարարել է Լիտվայի արտաքին գործերի նախարարությունը:

Աղբյուր՝ russian.rt.com

10:01 Աշխարհում
Իսլանդիայի գիտնականները ասում են՝ «հստակ նշաններ» կան, որ հրաբխի ժայթումը մոտ է

Հրաբխի ժայթքում կարող է տեղի ունենալ մայրաքաղաք Ռեյկյավիկից մոտ 30 կմ հարավ գտնվող Քեյլիր լեռան մերձակայքում մի քանի օր տևած սեյսմիկ ակտիվության պատճառով:

Աղբյուր՝ theguardian.com

18:08 Աշխարհում
Գերմանիայում 40 տարվա ընթացքում առաջին անգամ Բունդեսբանկը շահույթ չի ստացել

Կորոնավիրուսային համաճարակի ֆոնին, Գերմանիայի Դաշնային բանկը 2020 թվականին կարողացել է միայն փակել ծախսերը: Իսկ ընդամենը մեկ տարի առաջ Բունդեսբանկը գրեթե 6 միլիարդ եվրոյի շահույթ ուներ:

Աղբյուր՝ dw.com

17:28 Աշխարհում
Կորոնավիրուսը կարող է բացասական ազդեցություն ունենալ լսողության վրա

Ռուսաստանի Օտորինոլարինգոլոգիայի ազգային բժշկական հետազոտությունների կենտրոնի տնօրեն Նիկոլայ Դայխեսը խոսել է լսողության համար կորոնավիրուսի վտանգների մասին: Նա նշել է, որ խնդիրն առավելապես վերաբերում է COVID-19-ի ծանր դեպքերին:

Աղբյուր՝ ria.ru

16:55 Աշխարհում
Կենտրոնական Հունաստանում 5,9 մագնիտուդով երկրաշարժ է տեղի ունեցել

Ստորգետնյա ցնցումը գրանցվել է տեղական ժամանակով 12.16-ին: Երկրաշարժի էպիկենտրոնը գտնվել է Թեսալիա շրջանում՝ Աթենքից 250 կմ հյուսիս-արևմուտք, օջախը՝ 2 կմ խորությամբ:

Աղբյուր՝ gazeta.ru

16:25 Աշխարհում
Հռոմեական առաջին կայսեր՝ Օգոստոսի համար երկու հազարամյակ առաջ կառուցված դամբարանը վերաբացվել է

14 տարի անց և 12,25 միլիոն դոլար արժողությամբ վերականգնողական աշխատանքից հետո՝ այն վերաբացվել է այցելուների համար: Հռոմի պատմական կենտրոնում գտնվող հնագույն դամբարանը ժամանակին օգտագործվել է որպես ռազմական դիտակետ, եղել է նաև հին հռոմեական դինաստիաների ճոխ խնջույքների անցկացման վայր:

Աղբյուր՝ dailymail

15:39 Աշխարհում
ԱՄՆ կաթոլիկ խումբը եկեղեցու հետևորդներին ասել է, որ խուսափեն Johnson & Johnson պատվաստանյութերից:

Երեքշաբթի ամերիկյան կաթոլիկ եկեղեցու մարմինը իր հետևորդներին հորդորեց խուսափել Johnson & Johnson-ի կողմից մշակված կորոնավիրուսի պատվաստանյութից ՝ պնդելով, որ այն «մշակվել, փորձարկվել և արտադրվել է աբորտից ստացված բջիջների միջոցով», և «դա բարոյական թույլատրելիության» խնդիր է առաջացնում:

Աղբյուր՝ independent

15:08 Աշխարհում
Ռուս բժիշկը նշել է Ալցհեյմերի հիվանդության զարգացումը դանդաղեցնելու միջոցներ

Երաժշտություն լսելը և արոմաթերապիան կարող են դանդաղեցնել Ալցհեյմերի հիվանդության զարգացումը՝ հիվանդության վաղ փուլերում, քանի որ բարենպաստ ազդեցություն ունեն ուղեղի վրա: Առողջական վիճակը բարելավելու այդպիսի եղանակներ անվանել է ռուս բժիշկ, բժշկական գիտությունների դոկտոր Վլադիմիր Պարֆենովը:

Աղբյուր՝ lenta.ru

14:48 Աշխարհում
Կրիշտիանու Ռոնալդուն լիգայի իր 600-րդ խաղի ընթացքում եւս մեկ ռեկորդ է սահմանել

Երբ երեքշաբթի օրը նա խփեց «Յուվենտուսի» երրորդ գոլը «Սպեցիայի» դեմ խաղում (3: 0), Ռոնալդուն դարձավ առաջին խաղացողը, ով 12 մրցաշրջան անընդմեջ խփել է ավելի քան 20 գոլ Եվրոպայի հինգ լավագույն լիգաներում:

Աղբյուր՝ cnn.com

 

14:28 Աշխարհում
Պէյրութ. Կամ ցոյցեր յանուն «սեւ հաց»ի

Պէյրութցիք հարիւրներով դարձեալ փողոց իջած են։  Պատճառը, ոչ միայն ամերիկեան տոլարի 10 հազարի շէմը հատելն է, այլ այդ պատկերի ստեղծումէն ետք սպասելի հետեւանքներուն խնդիրը։ Երկիրը կանգնած է համատարած փլուզման եզրագծին. պէնզին, քարիւղ, վառելանիւթ, աւուր հաց, էլեկտրական հոսանք եւ այլ կենսական ապրանքներ մեծապէս պիտի թանկանան ու շատ մը պարագաներու ալ շուկայէն պիտի «անհետանան»։

Աղբյուր՝ arevelk.am

13:47 Աշխարհում
Առնվազն 10 հրթիռ թիրախավորել է Իրաքի արևմտյան ռազմաբազան, որտեղ տեղակայված են ԱՄՆ-ի գլխավորած կոալիցիոն ուժերը:

Հրթիռները հարվածել են Անբար նահանգի Այն ալ-Ասադի ավիաբազային: Իրաքցի զինվորականները հայտարարություն են տարածել, որում ասվում է, որ հարձակումից զգալի կորուստներ չեն եղել, և որ անվտանգության ուժերը գտել են հրթիռների համար օգտագործվող արձակման պահոցը:

Աղբյուր՝ apnews.com

13:25 Աշխարհում
Սան Ռեմոյի երաժշտական փառատոնն առաջին անգամ մեկնարկեց առանց հանդիսատեսի

Արիստոն թատրոնում բացվել է իտալական էստրադային արվեստի՝ Սան Ռեմոյի ամենամյա փառատոնը: 26 մասնակիցներ կպայքարեն 71-րդ փառատոնի «Ոսկե արմավենու» համար, առանձին մրցանակ կստանա ութ երիտասարդ արտիստներից մեկը: Փառատոնը կընթանա մինչեւ մարտի 6-ը:

Աղբյուր՝ gazeta.ru

 

13:13 Աշխարհում
Սուդանում թռիչքից անմիջապես հետո ուղեւորատար ինքնաթիռը «ստիպված է եղել արտակարգ վայրէջք կատարել՝ կատվի կողմից օդաչուի վրա հարձակման պատճառով»

Տեղական լրատվամիջոցների հաղորդմամբ՝ «ագրեսիվ» կենդանին օդ բարձրանալուց առաջ ինչ-որ կերպ հայտնվել էր օդաչուների խցիկում: Քաթարի Դոհա ուղևորվող ինքնաթիռը վերադարձել է Սուդանի մայրաքաղաք Խարտում:

Աղբյուր՝ dailymail

12:41 Աշխարհում
Մեկ տասնյակից ավելի մարդ է զոհվել Կալիֆորնիայի գյուղական համայնքում սարսափելի վթարի հետևանքով

Երեքշաբթի օրը տեղի ունեցած մահացու վթարի հետ կապված մանրամասները դեռ պարզ չեն: Հայտնի է, որ ամենագնացը բախվել է երկու կցորդիչով բեռնատարին, և դաժան բախման արդյունքում զոհվել է առնվազն 13 մարդ:

Աղբյուր՝ cnn.com

12:20 Աշխարհում
Վան Գոգի էսքիզը վաճառվել է ռեկորդային տասը միլիոն դոլարով:

Վինսենթ վան Գոգի՝ 1888 թվականին վրձնած «Երիտասարդ ճապոնուհին» կտավի ուրվագիծը վաճառվել է Նյու Յորքի աճուրդում ՝ 10,4 միլիոն դոլարով, հայտնել է Christie's աճուրդի տունը:

Աղբյուր՝ ria.ru

12:07 Աշխարհում
Հարավային Կորեայում հետաքննություն է անցկացվում՝ COVID-19-ի AstraZeneca պատվաստանյութից հետո մահվան երկու դեպքի առնչությամբ

Հարավային Կորեայի իշխանություններն այսօր հայտնել են, որ հետաքննում են երկու հիվանդի մահվան դեպքերը այն բանից հետո, երբ ԶԼՄ-ները հայտնեցին, որ  երկուսն էլ ունեցել են նախնական այլ հիվանդություններ և մահացել են AstraZeneca-ով պատվաստումից օրեր անց: Հիվանդներից մեկը եղել է 63 տարեկան, մյուսը՝ 50:

Աղբյուր՝ reuters.com

11:42 Աշխարհում
Եվրատեսիլ 2021-ը կանցկացվի փոփոխված ձևաչափով

Կազմակերպիչները նախատեսում են, որ Եվատեսիլի 65-րդ մրցույթը ուղիղ եթերով չի հեռարձակվի, պատվիրակությունների կազմը, ինչպես նաև լրագրողների թիվը կկրճատվեն: Շոուին հանդիսատեսի ներկայության մասին որոշում դեռ չի կայացվել:

Աղբյուր՝ ria.ru

11:03 Աշխարհում
Ավստրիայում 41 մարդ է մահացել Pfizer-BioNTech-ի պատվաստումներից հետո

Ավստրիայում, COVID-19- ի դեմ Pfizer-BioNtech պատվաստանյութով պատվաստվելուց հետո, 41 մարդ է մահացել, ասված է երկրի Առողջության անվտանգության դաշնային գրասենյակի զեկույցում: Այդուհանդերձ, բժիշկները չեն հայտնաբերել կապ հիվանդների մահվան և պատվաստանյութի ներարման միջև:

Աղբյուր՝ ria.ru

10:17 Աշխարհում
Աֆղանստանում հեռուստատեսության երեք աշխատողներ գնդակահարվել են

Աֆղանստանի արեւելքում գտնվող Ջլալաբադ քաղաքում սպանվել է տեղական Enikass TV հեռուստառադիոընկերության երեք աշխատակից: Անհայտ անձը կրակ է բացել կանանց ուղղությամբ, երբ նրանք աշխատանքից տուն էին գնում:

Աղբյուր՝ korrespondent.net

10:09 Աշխարհում
73 տարեկանում կյանքից հեռացել է Բաննի Ուեյլերը՝ the Wailers խմիբի հիմնադիր անդամներից վերջինը

Գրեմմիի եռակի դափնեկիր ռեգգի երաժիշտը համաշխարհային հռչակ ձեռք բերեց Բոբ Մարլիի հետ 1970-ականների սկզբին: 1947 թ.-ին Քինգսթոնում ծնված Նեվիլ Լիվինգսթոնը (իրական անունը) և Մարլին ընկերանում են վաղ մանկության տարիներին, իսկ 1963-ինՓիթեր Տոշի հետ ստեղծում են Wailers-ը:

Աղբյուր՝ theguardian.com

17:56 Աշխարհում
Դիեգո Մարադոնայի Porsche-ն վաճառքի է հանվել:

Ֆուտբոլային լեգենդ աճուրդի դրված մեքենայի արժեքը գնահատվել է 180,000-240,000 դոլար: Արծաթագույն Porsche 911-ը Մարադոնային է տրվել 1992-ի նոյեմբերին, երբ նա Եվրոպայում անցկացրած իր վերջին մրցաշրջանում խաղում էր իսպանական Սևիլիայում:

Աղբյուր՝ cnn.com

17:28 Հայաստան
2020 թ․ փետրվարի 27-ին, ավելի քան մեկդարյա պատմության ընթացքում առաջին անգամ ՀԲԸՄ երկամյա Ընդհանուր ժողովը իր աշխատանքներն ամբողջովին անցկացրել է առցանց։

Պաշտոնական օրակարգը ներառում էր 2018 և 2019 թթ. համախմբված ֆինանսական հաշվետվությունը՝ ՀԲԸՄ ԿՎ (կենտրոնական վարչություն) գանձապահ Նազարեթ Ֆեստեքջյանի կողմից և նույն ժամանակաշրջանում իրականացված միջոցառումների վերաբերյալ զեկույցը ԿՎ անդամ և փոխ-ատենադպիր Արդա Հարաթունյանի կողմից։ Կրթության բնագավառում ՀԲԸՄ կատարած աշխատանքը, հատկապես Հայկական վիրտուալ համալսարանի ներդրումը հայ կրթության մեջ դրա հիմնադրումից ի վեր անցած տասը տարիների ընթացքում, ներկայացրեց ԿՎ անդամ Լենա Սարգիսյանը։

Աղբյուր՝ ՀԲԸՄ

17:04 Աշխարհում
Սփայք Լին կնկարահանի վավերագրական ֆիլմ՝ սեպտեմբերի 11-ի ահաբեկչությունից հետո եղած Նյու Յորքի կյանքի մասին:

Այն կպատմի անցած 20 տարիների նյույորքյան կյանքի մասին: Նախագիծը ստացել է «NYC Epicenters 9/11 → 2021½» անվանումը: Վավերագրական ֆիլմի պրեմիերան տեղի կունենա HBO Max հոսքային ծառայությամբ, 2021 թվականին:

Աղբյուր՝ kulturomania.ru

16:40 Աշխարհում
Volvo-ն մինչև 2030 թվականը պատրաստելու է միայն էլեկտրական մեքենաներ

Բայց եթե ցանկանում եք ձեռք բերել, ապա ստիպված եք այն գնել առցանց: Շվեդական ավտոարտադրողը  այսօր հայտնել է, որ դադարեցնում է ներքին այրման շարժիչներով բոլոր մեքենաների արտադրությունը, ներառյալ՝ հիբրիդները:

Աղբյուր՝ apnews.com

 

16:18 Աշխարհում
ԱՄՆ նախագահ Ջո Բայդենը շնորհավորել է ԽՍՀՄ նախկին առաջնորդ Միխայիլ Գորբաչովին ծննդյան օրվա առթիվ:

ԽՍՀՄ առաջին և վերջին նախագահը մարտի 2-ին դարձավ 90 տարեկան: Բայդենը խորհրդային քաղաքական գործչի տարեդարձը անվանել է նրա «լեգենդար կյանքի» վիթխարի ուղենիշը:

Աղբյուր՝ gazeta.ru

15:26 Աշխարհում
«Միլանն» ու «Լիվերպուլը» հետաքրքրված են «Բետիսի» պաշտպանով

«Լիվերպուլն» ու «Միլանը» հետաքրքրված են «Բետիսի» կենտրոնական պաշտպան Աիս Մունդիով: Ընթացիկ մրցաշրջանի ավարտից հետո Մունդին կդառնա ազատ գործակալ: Այս մրցաշրջանում պաշտպանը «Ռեալ Բետիսի» կազմում անցկացրել է 23 խաղ՝ դառնալով 3 գոլի եւ 1 գոլային փոխանցման հեղինակ:

Աղբյուր՝ sport-express.ru

Տեսանյութեր

Ապահով և ծաղկած Հայաստան ունենալու համար՝ փետրվարի 20-ին հավաքվում ենք Ազատության հրապարակում. Մանկավարժ
15:15 16/02/2021

Ապահով և ծաղկած Հայաստան ունենալու համար՝ փետրվարի 20-ին հավաքվում ենք Ազատության հրապարակում. Մանկավարժ

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}