Զ. Պետրոսյան. Տեղումների պատճառը Թուրքիայում առկա ցածր ջերմաստիճանն է
Հայաստանի տարածքում տեղումները կպահպանվեն առաջիկա հինգ օրերի ընթացքում: Panorama.am-ի հետ զրույցում ԱԻՆ Հիդրոմետ ծառայության օդերևութաբանության կենտրոնի պետ Զարուհի Պետրոսյանը բացատրեց, որ նման առատ տեղումների պատճառը փոքր տարածաշրջանում ստեղծված ջերմաստիճանի մեծ տարբերությունն է, օրինակ Հայաստանում և Իրանում ջերմաստիճանն 10-15 աստիճանով բարձր է, քան Թուրքիայում: Այստեղ հյուսիսից սառը հոսանքեր են անցել:
«Երեկվա տեղումները ցուրտ ցիկլոնի անցման հետևանք էր»,-ասաց զրուցակիցը` ավելացնելով, որ այսօր երեկոյան սպասվող զանգվածային տեղումները խոնավության գոլորշիացաման հետևանքով առաջացած ամպի հետևանք են լինլու:
Պետրոսյանը հիշեցրեց, որ իրենց կանխատեսումների համաձայն հունիսին տեղումները նորմայից բարձր են լինելու, ջերմաստիճանը նորմայի սահմաններում՝ մի փոքր բացասական շեղումով:
Հիդրոմետ ծառայության փորձագետը նշեց, որ առաջիկա օրերին քամու ուժգնացում է սպասվում, սակայն այն չի վերածվի այնպիսի փոթորիկի, ինչպես նախօրին եղավ Իրանում: Առաջիկա հինգ օրերին տեղումներ սպասվում են հանրապետության ողջ տարածքում, միայն հունիսի 5-ին տեղումներ կլինեն հյուսիսային շրջաններում:
Նախորդող հրապարակումներ՝
336 կրակոց մի գիշերում. գործի են դրվել հակակարկտային կայանները
ԳՆ. Խաղողի այգիներին սպառնում են սնկային հիվանդություններ
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը