«Պատասխան`100 տարի անց» պատկերագիրքը հաշվետվություն կլինի հասարակությանը. Կարո Վարդանյան
Ներկայումս ընթանում է «Պատասխան` 100 տարի անց» պատկերագրքում ներառվելիք նյութերի ամփոփման, խմբագրման, թարգմանության և ձևավորման աշխատանքները: Համալիր ծրագիրը մոտենում է եզրագծին: Այս մասին այսօր լրագրողների հետ հանդիպմանն ասաց նախագծի համակարգող Հասմիկ Հախվերդյանը:
«Պատասխան` 100 տարի անց» խորագրով համալիր ծրագիրը անդրադառնում է1894-1923 թվականների գրված, Հայոց ցեղասպանությունը փաստող անպատասխան նամակներին և այլ վկայույթուններին:
Հայաստանի ազգային պատկերասրահի նորանշանակ տնօրեն Արման Ծատուրյանն էլ ասաց. «Բազմիցս նշել եմ, որ ազգային պատկերասրահը լինելու է բաց հարթակ և երիտասարդության համար դռները միշտ բաց են: Իհարկե, մենք կաջակցենք մեր հնարավորության սահմաններում, մենք միշտ նրանց կողքին ենք: Ազգային պատկերասրահներն ակադեմիական և դասական կանոններով է շարժվող կառույցներ են, բայց մենք ուղղվածությունը մի քիչ փոխելու ենք և պատկերասրահը սարքելու ենք մի հարթակ, որ բոլոր երիտասարդները՝ նկարիչները, քանդակագործները կարողանան արտահայտվել: Նաև ժամանակակից արվեստը»:
Հանդիպմանը ներկա Ե.Չարենցի անվան գրականության և արվեստի թանգարանի տնօրեն Կարո Վարդանյանը տեղեկացրեց, որ Հայոց ցեղասպանության 100-րդ տարելիցին նվիրված ծրագրի շրջանակում անցկացվել է ուխտագնացություն դեպի Արևմտյան Հայաստան:
«Կորուսյալ տարածքները դիտելուց, ես փորձում եմ հետևել մեր մասնակիցներին, թե ինչպիսի ապրումներ են ունենում: Մեկ բան է կարդալը և լսելը, մեկ այլ բան է այդ ամենը սեփական աչքով տեսնելը: Պատկերագիրքը կլինի վերջնական հաշվետվություն հասարակությանը: Մտածում ենք նաև ծրագրի ընթացքում ստեղծված աշխատանքները ներկայացնել Արցախում»,- նշեց .Չարենցի անվան գրականության և արվեստի թանգարանի տնօրենը:
«Պատասխան` 100 տարի անց» պատկերագիրքը բաղկացած կլինի 3 բաժիններից: Առաջինում կլինեն Հայոց ցեղասպանության զոհ դարձած մտավորականների վերջին նամակները և դրանց ի պատասխան՝ մերօրյա անվանի հայ և օտարազգի գործիչների պատասխան-արձագանքները:
Երկրորդ բաժինն իր մեջ կամփոփի 100 տարվա ընթացքում հայ և օտարազգի գործիչների լավագույն անդրադարձները Հայոց ցեղասպանության փաստին: Այս բաժնում կլինեն նաև Հայոց ցեղասպանության հետևանքով որբացած հայ մանուկների հավաքական նամակին ի պատասխան՝ շարադրությունների մրցույթի լավագույն աշխատանքները:
Երրրոդ բաժինը կներկայացնի Հայոց ցեղասպանության վերաբերյալ տարբեր արխիվներից քաղված 10 վավերապատումներ և դրանց շուրջ գեղանկարի ու քանդակի մրցույթի լավագույն ստեղծագործությունները: Այս բաժնում կներառվեն նաև Հայոց ցեղասպանության տարիներին ոչնչացումից փրկված արվեստի նմուշներ:
Հիշեցնենք, որ «Պատասխան` 100 տարի անց» խորագրով Հայոց ցեղասպանության վավերագրերի շուրջ գեղանկարչական, գրաֆիկական աշխատանքների և քանդակի մրցույթն իրականացվում է Ե. Չարենցի անվան գրականության և արվեստի թանգարանի և Հայաստանի ազգային պատկերասրահի կողմից` ՀՀ մշակույթի նախարարության և ՎիվաՍել ՄՏՍ ընկերության աջակցությամբ։
Նախորդող հրապարակում՝
Ցեղասպանությունը փաստող նամակներ ու վկայություններ` մի գրքում
«Պատասխան` 100 տարի անց». 24 արվեստագետի աշխատանքներ կհավաքվեն մեկ հարկի տակ
«Պատասխան`100 տարի անց. անցյալը ներկայում».Գեղանկարչական, գրաֆիկական աշխատանքների և քանդակի մրցույթի ամփոփում
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ