Պատմաբանները Շեքսպիրի կյանքի մասին նոր մանրամասներ են բացահայտել
Անգլիացի նշանավոր բանաստեղծ և թատերագիր Ուիլյամ Շեքսպիրի քանդված տան տեղում կատարված պեղումները կարող են լույս սփռել նրա կյանքի որոշ հանգամանքների վրա: Բի-Բի-Սի-ի հաղորդմամբ, այս մասին ասել են անգլիացի հնագետները:
Նրանք պարզել են, որ դրամատուրգի բնակության վերջին վայրում ՝ Սթրաթֆորդ-ափոն-Էյվոնում գտնվող «Նյու Փլեյս» նստավայրում, եղել է 20 սենյակ, այդ թվում նաև մեծ խոհանոց և գարեջրատուն: Ըստ հնագետների, դա վկայում է տանտիրոջ բարձր կարգավիճակի մասին:
Shakespeare Birthplace Trust ընկերության ներկայացուցիչ Փոլ Էդմոնսոնն ասել է, որ Շեքսպիրը նախընտրում էր ապրել մայրաքաղաքից հեռու, իսկ Լոնդոն մեկնում էր գործերով: Նրա խոսքով, վերջին 26 պիեսից ցանկացածը կարող էր գրված լինել այս տանը, որտեղ նա ապրել է 1597 թվականից մինչև իր կյանքի վերջը՝ 1616 թվականը:
Շենքը քանդվել է 1759 թվականին նրա այն ժամանակվա տիրոջ կողմից, ում դուր չէր գալիս Շեքսպիրի երկրպագուների ուշադրությունը տան նկատմամբ:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ