«Նավամատույցներից, ջրային տեխնիկաներից չցատկել ջուրը». Հատուկ ջրափրկարարական ջոկատի հրամանատարի խորհուրդները
Այս տարվա լողափնյա սեզոնին Սևանա լճում ջրահեղձման դեպքեր չեն գրանցվել, սակայն մինչ սեզոնի բացումը՝ մարտ ամսին երկու ձկնորս են ջրահեղձվել: Այս մասին այսօր լրագրողների հետ հանդիպմանը հայտարարեց ՀՀ ԱԻՆ Փրկարար ծառայության Գեղարքունիքի մարզային փրկարարական վարչության Հատուկ ջրափրկարարական ջոկատի հրամանատար Արﬔն Ճզմաչյանը՝ ներկայացնելով մինչ այդ տեղի ունեցած դեպքերի վիճակագրական տվյալները:
«2014 թվականին Սևանում լողափնյա սեզոնի ընթացքում ջրահեղձվել է 4 հոգի, 2015 թվականին` ևս 4 հոգի, որից ﬕայն ﬔկն է լողափնյա սեզոնին ջրահեղձվել: 2016 թվականին Սևանում ջրահեղձվել է 2 հոգի, սակայն մարտ ամսին՝ ﬕնչև լողասեզոնի սկսվելը: Բացի սա, այս տարի ﬔր ջրափրկարարների կողﬕց տարբեր մարզերում դուրս է բերվել 2 ջրահեղձված դի: Մեկ դեպքը գրանցվել է հուլիսի 23-ին Գյումրու Վահրամաբերդ գյուղի ջրամբարում ջահեղձվել է 21 տարեկան ﬕ երիտասարդ` լողալ չիմանալու պատճառով: Մյուս դեպքը եղել է հունիսին Տավուշի Այրում կայարանի մոտ, որտեղ երիտասարդն ընկել էր Դեբեդ գետը: Հինգ օր որոնողական աշխատանքի արդյունքում հայտնաբերվեց դին»,-ասաց Արﬔն Ճզմաչյանը:
Ճզմաչյանը դժվախտ դեպքերից խուսափելու համար հորդորեց պահպանել անվտանգության կանոնները. լողալ ﬕայն լողալու համար նախատեսված վայրերում, չանցնել լողանշանները, որովհետև դրանից հետո ստորջրյա ռելիեֆը կտրուկ խորանում է և այդ հատվածում լողալը վտանգավոր է, նավամատույցներից, ջրային տեխնիկաներից չցատկել ջուրը, որովհետև օդի ջերմաստիճանն ավելի տաք է լինում քանի ջրինը, իսկ կտրուկ տարբերությունից մարդկանց մոտ կարող է առաջանալ ջղաձգություն:
«Արգելվում է շատ սնունդ ընդունելուց, ինչպես նաև ալկոհոլ օգտագործեուց հետո մտնել ջուրը լողալու: Նման դեպքեր շատ են լինում, մանավանդ Սևանի ավազանում, արդեն կեսօրին հանգստացողների ﬔծ մասն օգտագործած է լինում ալկոհոլ: Մեր քաղաքացիները պետք է իմանան, որ ալկոհոլի ազդեցության տակ արյան շրջանառությունն ուժեղանում է, անոթները լայնանում են, և երբ կտրուկ սառը ջրի ﬔջ են մտնում, անոթները սկսում են նեղանալ, ինչը կարող է ինֆարկտի պատճառ լինել»,- ավելացրեց Հատուկ ջրափրկարարական ջոկատի հրամանատարը:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին