Թալի Պլոսկով. Հայկական կողմն ունի ճիշտ քաղաքացիական դիրքորոշում
Սեպտեմբերի 24-ին Երևանում կայացավ հայ-իսրայելական համագործակցության ոչ քաղաքական-հասարակական ֆորումի անդրանիկ նիստը: Ֆորումի բացման նպատակով Հայաստան էր ժամանել իսրայելական պատվիրակությունը` Իսրայելի խորհրդարանի փոխխոսնակ, Քնեսեթի Իսրայել-Հայաստան պատգամավորական բարեկամական խմբի ղեկավար Թալի Պլոսկովի գլխավորությամբ:
Նշենք, որ Հայաստան այցելության ժամանակ Հայոց ցեղասպանության վերաբերյալ Թալի Պլոսկովի կողմից արված որոշ շեշտադրումներ տարաբնույթ մեկնաբանությունների առիթ հանդիսացան: Իրավիճակը հստակեցնելու նպատակով Իսրայելի Քնեսեթի փոխխոսնակը Ֆորումի նիստի ավարտին հանդես եկավ հատուկ հայտարարությամբ` նշելով, որ գիտակցում է, որ «եղել է Հայոց Ցեղասպանություն և հոգով ու սրտով մշտապես հայ ժողովրդի հետ է»:
«Ես մշտապես հանդիսացել եմ Հայոց Ցեղասպանության ճանաչման կողմակից և իմ ուժերի ներածին չափով կշարունակեմ զբաղվել այս հարցի լոբբինգով Իսրայել պետության խորհրդարանում»,- նշեց Թալի Պլոսկովը:
Ներկայացնում ենք այս և հայ-իսրայելական հարաբերությունների մի շարք այլ խնդիրների վերաբերյալ Թալի Պլոսկովի հետ Panorama.am-ի բացառիկ հարցազրույցը:
Panorama.am.-Որպես Հոլոքոստ վերապրած հրեա ազգի ներկայացուցիչ` ճշի՞տ եք համարում արդյոք, որ պատմական արդարությանը վերաբերող հարցերը ստորադասվում են քաղաքական կոնյուկտուրային:
Թալի Պլոսկով.-Եթե դուք հարցնում եք իմ անձնական կարծիքը, ապա դա միանշանակ սխալ է: Ինձ թվում է, որ առաջին հերթին մենք պետք է խոսենք մարդկային որակների, այն մասին, թե ինչ կարտարվում է, մեր պետությունների պատմության և հետո միայն մնացածի մասին: Սակայն, ցավոք սրտի, դա միայն իմ անձնական կարծիք է: Ես այսօր միայն խորհրդարանի, այլ ոչ թե կառավարության անդամ եմ: Իմ կարծիքը ես արտահայտել եմ, և խոսել եմ այստեղ շատ ուղիղ և բաց տեքստով, որպեսզի այս հարցով իմ հասցեին հարցեր այլևս ի հայտ չգան:
Ինչ վերաբերում է կառավարության դիրքորոշմանը, ապա մեզ դեռևս աշխատանք է սպասվում: Հենց այդ պատճառով մենք այդ հարցերը սկզբում բարձրացնում ենք խորհրդարանի մակարդակով: Այն, ինչ ես ձեզ պատմեցի (Նիստի ընթացքում-լրագրող) Կրթության, մշակույթի և սպորտի հարցերով հանձնաժողովի մարկարդակով և այդ հանձնաժողովի որոշման վերաբերյալ, դա նույնպես շատ կարևոր քայլ է: Հետագայում մենք, իհարկե, կրկին կբարձրացնենք այս հարցերը խոհրդարանի նիստերի ժամանակ, որին մասնակցում են նաև մեր նախարարները, որենք պետք է իմանան ամեն ինչի մասին, և բնակաբանար այն մասին, թե ինչ տեղի էր ունեցել այս հանդիպման և առհասարակ այցի ընթացքում, և որքան է այս ամենը կարևոր հայ ժողովրդի համար: Դա արդեն իմ պարքն է` փոխանցել այս ամենը և պատմել դա նման որոշումներ կայացնողներին, որպեսզի նրանք հասկանան, որ դա պարզապես անմարդկային է:
Panorama.am.-Ձեր կարծիքով՝ Թուրքիայի ազդեցությունը Իսրայելի կառավարության վրա այդքա՞ն ուժեղ է:
Թալի Պլոսկով.-Կրկնում եմ, ես կառավարության անդամ չեմ, այդ իսկ պատճառով չեմ կարող նման գնահատականներ հնչեցնել: Ես կարծում եմ, որ այն կա: Եթե Իսրայել պետությունը դեռևս չի կարող պաշտոնապես ճանաչել ցեղասպանությունը, երևի այն փոքր չէ:
Panorama.am.-Ձեր տեսակետն այս հարցով պարզ է: Անդրադառնանք հայ-իսրայելական հարաբերություններին: Ձեր կարծիքով, գլոբալ ի՞նչ կարող է տալ Հայաստանը Իսրայելին, իսկ Իսրայելը` Հայաստանին:
Թալի Պլոսկով.- Մենք տեսանք բազմաթիվ հարցեր, որոնք, այո, կարելի է լուծել համատեղ ջանքերով: Դա և՛ իրայելական կողմի` պետական, օտարերկրյա ներդրում են Հայաստան, և՛ համատեղ բիզնես նախագծերը: Բոլորի համար պարզ է, որ այստեղ պետք է լինի երկկողմ շահութաբեր: Հայկական կողմը ասում է` ես գումար չեմ ուզում արտահանման համար, ես ցանկանում եմ, որ այստեղ լինեն ձեռնարկություններ, որոնց միջոցով կստեղծվեն աշխատատեղեր իմ քաղաքացիների համար: Իմ կարծիքով, սա շատ ճիշտ քաղաքացիական դիրքորոշում է, քանի որ պետությունը առաջին հերթին պետք է հոգ տանի մարդանց մասին, որպեսզի նրանք ստանան աշխատավարձ, որպեսզի ունենան արժանավայել կյանքի վարելու և իրենց երեխաներին և թոռներին մեծացնելու միջոցներ: Ես կարծում եմ, որ հայկական կողմի դիրքորումը շատ ճիշտ է: Ի դեպ, իմ համոզմամբ, այն ավելի լավն է քան իսրայելական կողմի դիրքորոշումն այս հարցում: Իսրայելում շատ բարձր հարկեր են վճարում: Ես կարծում եմ, որ նման մոտեցումը կարող է է հետաքրքիր լինել իսրայելական կողմին: Եթե մենք գնենք այն ընդհանուր շփման եզրեր, երբ կհամընկնեն և հայկական և իսրայելական կողմի շահերը, կնշանակի մենք արել ենք մեր գործը: Գործարարները, բոլոր դեպքերում, խոսում են փողի լեզվով և դա բնական է: Հենց այս պատճառով մենք պետք է ստեղծենք ճիշտ հիմքեր, որպեսզի գործարարները գոհ լինեն: Իթե նրանք գոհ լինեն, ապա բնական է մենք էլ գոհ կլինենք:
Panorama.am.-Ձեր կարծիքով, կարող ե՞ն արդյոք խանգարել իսրայելա-ադրբեջանական հարաբերությունները Հայաստանի և Իսրայելի հարաբերությունների զարգացման վրա:
Թալի Պլոսկով.-Չեմ կարծում: Ամեն դեպքում ես կանեմ ամեն ինչ, որպեսզի դա չազդի:
Panorama.am.-Ձեր կարծիքով, ինչպե՞ս պետք է հանգուցալուծվեն Երուսաղեմում Հայ առաքելական եկեղեցու պատկանող հողերի հետ կապված հարցերը: Ինչպիսի՞ն է Ձեր դիրքորոշումն այս հարցում:
Թալի Պլոսկով.-Այս հարցը քննարկվել է նաև Քնեսեթի նիստում: Մենք հստակ գիտակցում ենք, որ հարցը պետք է լուծել հօգուտ հայկական կողմի: Որպես Իսրայել-Հայաստան բարեկամական խմբի անդամ` ես հարցը ներկայացնելու եմ բացառապես հօգուտ հայկական կողմի, և կտեսնեք թե ինչպես կզարգանան իրադարձությունները:Ես կարծում եմ, որ այս հարցը պետք է լուծվի հոգուտ հայկական կողմի:
Զրույցը Panorama.am-ի անունից վարեց Կարեն Ղազարյանը
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին