Անտուան Գրիզման. «Բավարիայից» կրած պարտությունը չի ազդի թիմի վրա»
«Ատլետիկոյի» հարձակվող Անտուան Գրիզմանը «Բավարիայի» հետ Չեմպիոնների լիգայի խմբային փուլի 6-րդ տուրի հանդիպումից հետո, որն ավարտվել է մյունխենյան թիմի՝ 1։0 հաշվով հաղթանակով, նշել է, որ պարտությունը չի ազդի թիմի վրա։ Ֆրանսիացու խոսքերով՝ թիմը լավ է անցկացրել վերջին 20 րոպեն։
«Մենք, ինչպես սովորաբար, լավ խաղացինք պաշտպանությունում, իսկ գոլը մրցակիցը խփեց տուգանային հարվածով,- Գրիզմանի խոսքերը մեջբերել է sport-express.ru-ն։- Վերջին 20 րոպեն վատ չանցկացրեցինք։ Հավանաբար, ցուցադրեցինք վերջին ժամանակների լավագույն հատվածը։ Հիմա անհամբերությամբ կսպասենք Չեմպիոնների լիգայում մեր հաջորդ խաղերին։ Այս պարտությունը ոչ մի կերպ չի խանգարի դեպի առաջ մեր շարժմանը»։
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ