Երիտասարդ գիտնականները կենցաղային հեղուկի հիմքով մարտկոցներ են ստեղծում
Երևանի «Ալյանս» ազատ տնտեսական գոտում առաջինը գործունեության իրավունք ստացած «Թեքնոլոջի ընդ սայնս դայնամիքս» ՍՊ ընկերությունը (TSD) 2014-ին Մերգելյանի անվան ինստիտուտի տարածքում կառուցեց բարձր տեխնոլոգիական արտադրամաս, որն այսօր արդեն ունի 100-ից ավելի աշխատակից:
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն այցելել է հայկական առաջին սմարթֆոնների արտադրամաս` ծանոթանալու աշխատանքային պայմաններին և ընկերության ընթացիկ նախագծերին:
«TSD» ընկերության տնօրեն Վահան Շաքարյանը ցուցադրել է իրենց արտադրանքը. հեռախոս, պլանշետ, անգամ խելացի ժամացույց:
Նախարարին ներկայացվել է նաև բուն արտադրամասը, որտեղ հավաքվում են հեռախոսները, անցնում որակի վերահսկողություն, վերջին անգամ մանրակրկիտ զննվում և ապա փաթեթավորվում ու պահեստավորվում:
Նույն տարածքում է նաև ընկերության «R&D» կենտրոնը, որտեղ երիտասարդ գիտնականներն իրականացնում են հետազոտություններ և ստեղծում նախատիպեր: Նախարարության հասարակայնության հետ կապերի վարչության հաղորդմամբ, ներկայացվել են նաև «TSD»-ի ընթացիկ նախագծերը:
«Դրանց թիվը հասնում է 25-ի. առաջին հայկական ինտերակտիվ նապաստակն, օրինակ, բոլորովին վերջերս է ստեղծվել և զարգացման փուլում է: Իսկ 360 աստիճան կինոթատրոնն արդեն փորձարկվել և դրական արձագանքների արժանացել: Դրանով ցուցադրվում են «TSD» ընկերության կողմից պատրաստված կրթական ֆիլմերը, որը ավելի արդյունավետ է դարձնում ուսումնական գործընթացը»,-մանրամասնում են նախարարությունից:
«TSD»-ի հետազոտությունների ֆիզիկայի թիմի անդամ Հերմինե Ղարագուլյանը նախարարին պատմել է իրենց «SLB» նախագծի մասին: Երիտասարդ գիտնականները ստեղծել են կենցաղային հեղուկների հիմքի վրա աշխատող մարտկոցներ, որոնք ոչ միայն էկոլոգիապես մաքուր են, այլև աշխատում են շատ բարձր ու ցածր ջերմաստիճանային պայմաններում:
Լրահոս
Տեսանյութեր
Փաշինյանն ընդամենը մի տհաճ խոչընդոտ է հայրենիք ունենալու ճանապարհին. Զոհված զինծառայողի մայր