Այս հարցերը պետք է փուլ առ փուլ լուծել. խնդրահարույց թեմաներ՝ ՀՀ և ՌԴ ոսկերչության ու ադամանդագործության ոլորտում
«Շատ կարևորվում է ԵԱՏՄ երկրների միջև ոսկերչական իրերի հարգադրոշման փոխադարձ ճանաչելիության խնդիրը, այսինքն, երբ ԵԱՏՄ մեջ ենք տրամաբանությունը հետևյալն է, որ ամեն ինչ պետք է հնարավորինս միասնականացվի, փոխադարձ ըմբռնելի դառնա»,- այսօր լրագրողների հետ հանդիպմանն ասաց ՀՀ տնտեսական զարգացման և ներդրումների նախարարի խորհրդական Գագիկ Մկրտչյանը։
Հիշեցնենք, որ նախօրերին Երևանում հայ և ռուս մասնագետները քննարկել են ոսկերչության և թանկարժեք մետաղների բնագավառում ներդաշնակեցման խնդիրները։
«Ռուսաստանում գործող ԵԱՏՄ Ոսկերիչների ասոցիացիան նախօրեին իր արտագնա նիստն անցկարցրեց Երևանում, որի նպատակն էր անդրադառնալ ԵԱՏՄ տարածքում հատկապես Հայաստանի և Ռուսաստանի միջև ոսկերչության ու ադամանդագործության փոխգործակցության որոշակի խնդրահարույց հարցերին և դրանց համար լուծումներ առաջարկել ու ներկայացնել համապատասխան հարթակներին»,- տեղեկացրեց նախարարի խորհրդականը։
Նրա խոսքով՝ իրենց խնդիրը քննարկումների արդյունքում ընդհանուր հայտարարի գալն է, որը բոլոր կողմերի համար ընդունելի կլինի:
«Ոսկերչության ոլորտը Հայաստանում հատկապես զարգացում է ապրել վերջին վեց ամսում, բավական արագընթաց տեմպերեով և այդ տեմպը կպապհանվի մինչև տարվա վերջ»,- ասաց Գագիկ Մկրտչյանը:
ՌԴ-ում Հայաստանի առևտրական ներկայացուցիչ Կարեն Ասոյանն ընգծեց, որ երեկա միջոցառումը Հայաստանում անցկացվեց տնտեսական զարգացման և ներդրումային նախարար Սուրեն Կարայանի նախաձեռնությամբ:
«Բոլոր մասնակիցները գոհ էին քննարկումից, քանի որ ավելի մանրամասն տեղեկացան արտահանման և ներմուծման խնդիրներին: Ռուսաստանը աջակցեց մեր մտադրություններին և համաձայնեց, որ այս հարցերը պետք է փուլ առ փուլ լուծել»,- ասաց նա:
Հանդիպմանը ներկա ՌԴ թանկարժեք մետաղների ներկրաման և արտահանման ֆինանսական մոնիթորինգի վարչության պետ Նիկիտա Պեչնիկովի խոսքով՝ հարկադրոշմների ճանաչման հետ կապված երեկ արվեց առաջին կարևոր քայլը, որի ժամանակ միության անդամ երկրները հնարավորություն ունեցան արտահայտելու իրենց կարծիքը:
«Հույս ունեմ, որ հետագա քննարկումները կըթանան առավել լայն շրջանակներում, որին կմասնակցեն ներկայացուցիչներ Ղազախստանից, Ղրղզստանից, Բելառուսիայից, որոնց կարծիքից ևս կախված է որոշումների ընդունումը: Մեզ դեռ մեծ աշխատանք է սպասվում այս ուղղությամբ»,- հավելեց նա:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին