Դաստիարակչության վրա անհամեմատ ավելի քիչ են ուշադրություն դարձնում, քան առաջ էր. hոգեբան
«Երբ տնտեսական, սոցիալական խառնաշփոթը մեծ է, լարված պատերազմական իրավիճակ է՝ սովորաբար կրիմինալը մեծանում է», -այսօր լրագրողների հետ հանդիպմանն ասաց հոգեբան Ռուբեն Աղզումցյանն՝ անդրադառնալով հանրապետությունում վերջին շրջանում տեղի ունեցած սպանություններին։
«Բացի սոցիալ-տնտեսական վիճակից՝ կարևոր գործոն է նաև դաստիրակչական խնդիրը: Այսօր դաստիարակութունն այն մակարդակի վրա չէ, որ պետք է լիներ և ձևավորեր քաղաքացի: Կարևոր դաստիարակչական գործոնները՝ ընտանիք, դպրոց, բուհ, դաստիարակչության վրա անհամեմատ ավելի քիչ են ուշադրություն դարձնում, քան առաջ էր»,- կարծիք հայտնեց հոգեբանը՝ նշելով, որ այստեղ բացթողումներ կան։
Աղզումցյանը նշեց, որ որոշ նյութապես ապահովված ծնողներ, իրենց վրայից հանում են դաստիարակչության ֆուկցիան և տալիս աղախիններին. «Եվ ի՞նչ կարող ենք սպասել, իհարկե անսպասելի բաներ: Եթե առաջ դաստիարակները կրթություն ունեին, պատրաստված էին, հիմա դառնում է՝ ով ասես: Բացի այդ բուհեր, ով գալիս է՝ ընդունում են, և բնական է, որ ընկնում է նաև մասնագիտական որակը»,- ասաց նա:
Հոգեբանի խոսքով՝ մեծ ազդեցությւոն ունի նաև հեռուստատեսությունը. «Հեռուսատասերիալները սովորական են դարձնում նսեմացնելը, սպանությունները։ Երեխայի համար արյուն թափելը սովորական է դառնում»։
Լրագրողների դիտարկմանը՝ թե կարելի՞ է ենթադրել, որ բոլոր մարդիկ էլ պոտենցիալ մարդասպաններ են, հոգեբանը նշեց, թե հստակ պատասխանել չի կարող:
«Մեծ հավականություն կա, որ այնպիսի իրավիճակում ես հայտնվում, որ հարկադրված ես սպանություն կատարել, երբ քեզ սպառնում են սպանել, դա օրինաչափություն չի, բայց իրավիճակային պայմանները կարող են բերել նրան, որ մարդը անի այն, ինչ իրենից սպասելի չէր»,-ասաց նա:
Վերջում Աղզումցյանն ավելացրեց, որ սպանությունները միշտ էլ այս կամ այն չափով եղել է, ուղղակի, եթե ժամանակին արգելված է եղել հրապարակել, հասարկությունը նման մանրամասներ չի իմացել, այսօր դրանք բավական հրապարակավ են:
Հարակից հրապարակումներ`
- Շամիրամում տեղի ունեցած սպանությունների գործով մեկ անձ ձերբակալվել է
- Սպանություն Գեղարքունիքի մարզում
- Նոր մանրամասներ՝ Արմավիրի մարզպետի խորհրդականի սպանությունից
- Սպանություն Տավուշում. ենթադրյալ հանցագործություն կատարած անձի ինքնությունը պարզվում է