Ռուսաստանը վաղվանից կսահմանափակի Բելառուսից մսի և կաթնամթերքի ներկրումը
Ռոսսելխոզնադզորն օգոստոսի 18-ից ժամանակավոր սահմանափակումներ կկիրառի Բելառուսի միս արտադրող և կաթնամթերք արտադրող երեք ընկերությունների արտադրանքի ներկրման նկատմամբ:
«Ռիա Նովոստի» գործակալության փոխանցմամբ, պետական մարմնում բացատրել են, որ ստիպված էին այդ քայլին գնալ, քանի որ կրկնվել են սանիտարական նորմերի պահանջների վերաբերյալ խախտումները:
Սահմանափակումներ կիրառվելու են «Վիտկոնպրոդուկտ», «Մոլոչնիե գորկի», «Սավուշկին պրոդուկտ» և այլ ընկերությունների նկատմամբ:
«Սավուշկին պրոդուկտ»-ի կաթի փոշում կրկին հայտնաբերվել է անտիբիոտիկի՝ Տիլոզինի մնացորդներ: Մյուս ընկերությունների արտադրանքում էլ գտել են տետրացիկլինի մնացորդներ: