Ձեր վստահելի աղբյուրը

 Նախագահական ընտրությունների նախաշեմին կարիք կա լրամշակել ընտրական օրենսգիրքն այնպես, որ հանրության լայն շրջանակների մոտ վստահությունն ընտրական գործընթացի նկատմամբ մեծանա: Այս մասին այսօր տեղի ունեցած «Քաղաքացիական հասարակության պահանջները` ազատ և արդար ընտրությունների ապահովման նպատակով» թեմայով շահագրգիռ կողմերի քննարկման ժամանակ հայտարարեց «Թրանսփարենսի Ինթերնեշնլ հակակոռուպցիոն կենտրոն» ՀԿ ներկայացուցիչ Սոնա Այվազյանը:

Նրա խոսքով` քաղաքացիական հասարակության ներկայացուցիչների կողմից նման քննարկումը թերևս ուշացած է, բայց ընտրական օրենգրքի լրամշակումն ու բարելավումը շատ կարևոր է ` մանավանդ համապետական այպիսի ընտրություններից առաջ:

«Հանրության լայն շրջանակներ սպասում են ընտրական օրենգրքի բարելավմանը, և շատ զարմանալի է, թե ինչու է խորհրդարանական մեծամանությունը բոյկոտելով` տապալում դրա շուրջ քննարկումները», - ասաց նա:

«Իրավունքի Եվրոպա միավորում» ՀԿ ներկայացուցիչ Լուսինե Հակոբյանն անդրադարձավ քվեարկության ընթացքում դիտորդների և վստահված անձանց առաքելությանը, անթույլատրելի անվանեց վարչական ռեսուրսների օգտագործումը: Մասնավորապես, նրա խոսքով` կա անհրաժեշտություն, որպեսզի ամրագրվեն իրավական հետևանքներ, այդ թվում` վարչական պատասխանատվություն դիտորդի կողմից որևէ կուսակցության կամ թեկնածուին ակնհայտ աջակցելու համար: Բացի այդ, նա առաջարկեց, որ դիտորդները ևս ամրագրեն համապատասխան արձանագրություններում քվեարկության ժամանակ նկատած խախտումները: Նա որպես անհրաշեշտություն նշեց, որ նախագահական և այլ ընտրությունների ժամանակ թեկնածուները ազատվեն պաշտոններից` որպեսզի տեղի չունենա վարչական ռեսուրսի օգտագործում

Իր հերթին նույն կազմակերպության ներկայացուցիչ Տիգրան Եգորյանն անդրադարձավ ընտրարշավի ֆինասական մասին: Մանսավորապես նա առաջարկեց, որպեսզի սահմանվի նախընտրական հիմնադրամի առավելագույն չափը, նվիրատվության նվազագույն չափը, հրապարակվի, թե ով է որքան նվիրատվություն իրկանացրել և նրա աշխատանքի վայրը, կրկնակի նվազի նախագահի թեկնածուների գրավի չափը, հստակեցվեն գրավի վերադարձման մեխանիզմները:

«Իրավունքների պաշտպանություն առանց սահմանների» ՀԿ ներկայացուցիչ Սիրանուշ Սահակյանն անդրադարձավ ընտրացուցակների հրապարակային դարձնելու հարցին, իսկ «Հելսինկյան քաղաքացիական ասամբլեայի Վանաձորի գրասենյակ» ՀԿ նախագահ Արթուր Սաքունցը` Քրեակատարողական հիմնարկրում և այլ հատուկ վայրերում քվեարկության թափանցիկությանը:

Նշենք, որ մոտ երեք ժամ տևած քննարկմանը ներկայացվել են ընտրական օրենսգրքի փոփոխությունների շուրջ 60 առաջարկություններ: Քննարկմանը ներկա էին նաև ԱԺ ՀՀԿ խմբակցության պատգավավոր, պետաիրավական հարցերով հանձնաժողովի նախագահ Դավիթ Հարությունյանը, Կենտրոնական ընտրական հանձնաժողովի նախագահ Տիգրան Մուկուչյանը, ԱԺ պատգամավոր, ԲՀԿ մամլո խոսնակ Տիգրան Ուրիխանյանը, ներկայացուցիչներ այլ քաղաքական կուսակցություններից:

Ի դեպ, քննարկման մասնակիցներից մեկի դիտարկմանը, թե առաջարկությունների մեջ պետք է ներառվեր նաև 100-տոկոսանոց համամասնական ընտրակարգին անցնելու հարցը, Արթուր Սաքունցը նշեց. «Մենք քննարկում ենք ոչ թե ինչ ընտրակարգով են ընթանալու ընտրությունները, այլ այն, թե ինչպես անենք, որ դրանք լինեն արդար և ազատ: Միացյալ Նահանգներում էլ է կիրառվում երկու ընտրակարգ, և դա որևէ կերպ ընտրությունների որակի վրա չի ազդում: Ընտրակարգի հարցը քաղաքական կատեգորիայում է»: