Սիրիայի օդուժը ոչնչացրել է ԻԼԻՊ-ի առևանգած երկու ինքնաթիռ
Սիրիայի ռազմաօդային ուժերի ինքնաթիռները ոչնչացրել են «Իսլամական պետության» առևնգած երեք ինքնաթիռներից երկուսը: Այս մասին հայտնում է «Իտար-տասս»-ը` վկայակոչելով Սիրիայի տեղեկատվության նախարար Օմրան Ալ-Զոուբիին: Նրա խոսքով այժմ ընթանում են երրորդ ինքնաթիռի որոնման աշխատանքները:
«Այդ ինքնաթիռը սպառնալիք չէ: Նրանք չեն կարող դրանից օգտվել»,-ասել է նախարարը` պարզաբանելով, որ երկու ինքնաթիռները ոչնչացվել են Ջարահ քաղաքի օդանավակայանում վայրէջք կատարելիս:
Ալ-Զուոբին միաժամանակ Թուրքիայի կառավարությանը մեղադրել է նրանում, որ գրոհայինների թիռչքը թուրք-սիրիական սահմանին բուֆերային գոտի ստեղծելու պատրվակ է:
Սիրիայի տեղեկատվության նախարար նաև անդրադարձ է կատարել Քոբանիում կատարվող դեպքերին` նշելով, որ Սիրիայի զինուժը օգնություն է տրամադրել քրդերին:
«Պետությունը իր զինուժի և ինքնաթիռների միջոցով ռազմական ու լոգիստիկ օգնություն է տրամադրել պաշարված քաղաքի բնակիչներին»,-ասել է նախարարը:
Հիշեցնենք, որ «Իսլամական պետության» գրոհայիններն անցած շաբաթ Հալեպ նահանգում առաջին թռիչքն են իրականացրել Սիրիայի բանակից ավար վերցրած ինքնաթիռով: Ընդհանուր առմամբ նրանց ձեռքում է հայտնվել 3 ինքնաթիռ, որոնք, ենթադրաբար, ՄիԳ 21 կամ 23 մոդելի էին:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ