Զդիսլավ Ռաչինսկի. Լեհաստանը Հայաստան-ԵՄ հարաբերությունների խորացման ջատագովն է
«Հայ-լեհական հարաբերություններում այս տարիներին գրանցվել են որակական փոփոխություններ: Լեհաստանը եղել է եվրոպական այն երկիրը, որի հետ Հայաստանը ունեցել է ամենաբարձր քաղաքական մակարդակի հարաբերություններ»,-ՀՀ-ում դիվանագիտական առաքելության ավարտի առիթով այսօր հրավիրված մամուլի ասուլիսի ընթացքում ասաց ՀՀ-ում Լեհաստանի Հանրապետության արտակարգ և լիազոր դեսպան Զդիսլավ Ռաչինսկին:
Նա նշեց, որ այս տարիների ընթացքում Լեհաստանը ավելի հասկանալի և մոտ դարձավ Հայաստանի համար և հայերը ըմբռնում են կարևորագույն հարցերում լեհական դիրքորոշումը. «Ես ավելի զգույշ գնահատական կտայի Հայաստան-ԵՄ հարաբերություններին և չեմ թաքցնում, որ այս տարիներին ես հույս ունեի Հայաստանը կդառնա ԵՄ-ի ասոցացման անդամ: Հայաստան-ԵՄ երկխոսությունը առկա է և այն շարունակվելու է, ուղղակի այժմ պետք է գտնել այդ երկխոսության նոր ձևաչափ»:
Նա նշեց, որ Լեհաստանը ջատագովն է Հայաստան-ԵՄ հարաբերությունների խորացմանը և Լեհաստանը եղել է Արևելյան գործընկերության նախաձեռնողը և շարժիչ ուժը:
Դեսպանը նշեց, որ ինքը ծանոթ է Հայաստանի հետ 30 տարի և 1980-ական թթ.-ի Հայաստանը իր զարգացվածությամբ ավելի բարձր դիրքերում էր, քան այդ ժամանակվա Լեհաստանը:
Նրա խոսքով, Լեհաստանը ըմբռնումով է մոտենում այն որոշումներին, որ կայացնում է Հայաստանը և ԵՄ-ի հետ ասոցացումը Հայաստանի համար ավելի լայն հնարավորություններ էր բացում ու դա հռչակվում էր նաև ՀՀ իշխանությունների կողմից. «Հուսով եմ, Հայաստանը դառնալով այլ ինտեգրացիոն միության անդամ նույնպես առաջընթաց կգրանցի և ես դա եմ ցանկանում Հայաստանին ու հայ ժողովրդին»:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին