Համահայաստանյան բանակումի մասնակիցները հայրենասիրական ոգին բարձր են վերադառնում
«Բարձրացավ հայրենասիրական ոգին: Ինձ իսկական հայ եմ զգում»: Համահայաստանյան բանակումի գրեթե յուրաքանչյուր մասնակից այս խոսքեր էին կրկնում` վեց օր անցկացնելով Հայաստանի ազգային սկաուտական կազմակերպության Բյուրականի բանակավայրում:
«Այս բանակումի ընթացքում շատ էին հայրենասիրական թեմաներով դասախոսությունները, որը շատ անհրաժեշտ է երիտասարդ սերնդին»,- Panorama.am-ի հետ զրույցում ասաց սկաուտ Կարեն Նազարյանը:
Նա նշեց, որ սկաուտությունն իր բնույթով կրթական համակարգ է, գլխավոր նպատակն է ոչ ֆորմալ կրթությունը՝ լրացնելով դպրոցին, իսկ բանակումը նաև ժամանցային բնույթ ունի:
«Սովորել եմ հայրենասիրական երգեր, լսել դասախոսություններ, հետաքրքիր ու կրթական խաղեր խաղացել: Անընդհատ սպասում էի, թե էլ ինչ նոր բան եմ սովորելու: Հետաքրքիր ու, կարծում եմ, ամենակարևորը՝ շատ կարևոր օրեր էին: Կարևոր այն առումով, որ հայրենասիրական մեծ զգացում արթանացավ իմ մեջ»,- ասաց բանակումի մասնակիցներից Սուրենը:
Համահայկական բանակումը մեկնարկել է օգոստոսի 18-ին, փակումն այսօր է: Հերթական համահայաստանյան բանակումին մասնակցել է 12-17 տարեկան ավելի քան 300 սկաուտ: Լրագրողների հետ զրույցում Հայաստանի ազգային սկաուտական կազմակերպության (ՀԱՍԿ) կենտրոնական վարչության ատենապետ Օշին Փիրումյանն ասաց, որ ամենամյա բանակումին մասնակցում են Հայաստանի մարզերի սկաուտական կազմակերպությունների անդամներ: Արդեն երկրորդ տարին է բանակումին մասնակցում են «Խաղաղության սուրհանդակներ» նախագիծում ընդգրկված Հայաստանի տարբեր մարզերի սոցիալական խնամքի հաստատությունների երեխաներ: Նրանց մասնակցությունը, ըստ Օ. Փիրումյանի, հնարավոր է դարձել Համաշխարհային սկաուտական կազմակերպության ֆինանսավորման շնորհիվ:
Լրագրողների հետ զրույցում Հայաստանի ազգային սկաուտական կազմակերպության պատասխանատու մարմնի անդամ Հրաչյա Շմավոնյանը նշեց, որ 2011 թ. կառավարության որոշմամբ «Հայաստանի ազգային սկաուտական շարժում» ՀԿ-ին անհատույց օգտագործման իրավունքով տրամադրվել է ևս մեկ հեկտար հողամաս, ինչի շնորհիվ հնարավոր է դարձել այս տարի կազմակերպված համա-ՀՄԸՄ-ական (Հայ մարմնակրթական ընդհանուր միություն) բանակմանն ավելի մեծ թվով սկաուտների հյուրընկալել Բյուրականի բանակավայրում: Նա նշեց, որ մարտի 29-ից մեկնարկած շինարարական աշխատանքներն ավարտվել էին հուլիսի 29-ին: Կառուցապատված 1 հա տարածքն այժմ կարող է ընդունել շուրջ 400 մասնակից: Հ. Շմավոնյանն ասեց, որ կարողացել են բնակավայրն ընդլայնել ու պայմանները բարելավել ՀՀ նախագահ Սերժ Սարգսյանի և «Փյունիք» հիմանդրամի մեկենասությամբ:
Նա նշեց, որ այս տարի Համա-ՀՄԸՄ-ն կայացել է հուլիսի 31-ից օգոստոսի 9-ը, որին մասնացել է ավելի քան 800 սկաուտ աշխարհի 18 երկրից:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ