Այդ ստորությունը, ոճիրը, մարդկային ուղեղում չտեղավորվող արարքը արդար պատիժ պետք է ստանա. ՊՆ փոխնախարար
«Դա մեր լիազորություններից դուրս է, բայց մեր վերաբերմունքից դուրս չէ, քանի որ այդ ստորությունը, ոճիրը, մարդկային ուղեղում չտեղավորվող արարքը մեր ուշադրության կենտրոնում է և հետամուտ ենք լինելու, որպեսզի արդար պատիժ լինի»,- այս մասին այսօր Ազգային ժողովում հայտարարեց ՀՀ պաշտպանության փոխնախարար Արա Նազարյանը՝ անդրադառնալով ՊՆ Վ.Սարգսյանի անվան ռազմական ինստիտուտի զինծառայող Հայկազ Բարսեղյանի սպանության դեպքին:
ԲՀԿ խմբակցության քարտուղար Նաիրա Զոհրաբյանը ԱԺ-ում դիմելով փոխնախարարին՝ ասաց, որ ինքը հանդիպել է կուրսանտի ծնողներ հետ, որոնք մտահոգությունն են ունեն, որ ռազմական ակադեմիայի նախկին փոխտնօրենը, որի տղան ուղղակիորեն առնչվում է այդ ոճրագործության հետ, չնայած պաշտոնից հեռացվել է, սակայն օգտագործելով իր կապերը՝ փորձում է ճնշում գործադրել նախաքննության վրա՝ իր տղայի պատիժը հնարավորինս մեղմացնելու համար:
«Ծնողներն ուղղակի հուսահատված են, քանի որ ունեն փաստեր, որ նախկին փոխտնօրենը ճնշում է գործադրում»,- ասաց Ն.Զոհրաբյանը:
Ա.Նազարյանն ասաց, որ այստեղ զինվորական դատախազի, քննչական ծառայության դիրքորոշումը նույնն է՝ խստագույնս մոտենալ հարցին:
«Սա ոչ միայն հասարակական հնչեղության, այլ նաև զինված ուժերի հետ կապված լրջագույն խնդիր է: Ես չգիտեմ նրա հայրը ինչ լծակներ ունի, բայց նա ներկայումս որևէ լծակ չպիտի ունենա: Իրենք մտավախություն ունեն, որը կիսում եմ, բայց նախարարի խորհրդակցության ժամանակ փոխտնօրենը խստագույնս պատժվել է և չեմ կարծում, որ նա ինչ-որ սողանցք կգտնի, կամ ինչ-որ լծակ կունենա: Ամեն դեպքում դա նաև մեր շահերից է բխում, և պարտադիր հետամուտ ենք լինելու, որպեսզի հանկարծ որևէ մեկը սողանցք չգտնի»,- ասաց փոխնախարարը:
Ն. Զոհրաբյանը նշեց նաև, որ Հայկազ Բարսեղյանի ծնողներին հատկապես մտահոգում է այն, որ սենակում, բացի հանցագործությունւ կատարած զինվորներից եղել են նաև այլ զինվորներ, որոնք տեսել են, թե իրականում ինչ է տեղի ունեցել, սակայն նրանք հրաժարվում են ցուցմունք տալ՝ ասելով, որ ոչինչ չեն տեսել, քնած են եղել: «Ծնողները մտածում են, որ այդ անձնավորությունը զինվորների կամ նրանց ծնողների վրա է փորձել ինչ-որ ձևով ազդեցություն ունենալ, քանի որ հնարավոր չէ, որ լինել մի սենյակում և այնքան խորը քնած լինել, որ չտեսնեն ինչպես են խոշտանգում, սպանում, այնուհետև սպանված երեխային տանում և կախում պտտաձողից», - ասաց Ն.Զոհրաբյանը:
Ա.Նազարյանն էլ նշեց, որ ինքը նույն օրը եղել է դեպքի վայրում և վկաների համար ձեռնակված են պաշտպանության համար համապատասխան միջոցներ: Ինչ վերաբերում է ցուցմունք տալուն կամ չտալուն, ապա , ըստ փոխնարարի, դա իրենց ներքին պայմանավորվածությունն է. «Բայց ժամանակից առաջ չընկնեմ: Ինձ թվում է, որ ապացույցները պետք է որ բավարար լինեն: Կարծում եմ, որ կարող է բավարար լինեն»:
ՀՀ ԱԺ փոխխոսնակ Էդուարդ Շարմազանովը նշեց, որ սա ևս մեկ անգամ վերահաստատում է՝ կապ չունի, թե ում տղան է և այստեղ լծակը որևէ կապ չունի: «Ընդհակառակը, եթե պաշտոնյայի տղա է, առավել ևս պետք է մեծ պատասխանտվություն ունենան և հայրը, և որդին, բոլորը: Առաջին իսկ օրը պաշտպանության նախարարը խորհրդակցություն հրավիրեց, կարծիք արտահայտեց, և կարծում եմ, որ խոհրդարանի մեր գործընկերներից որևէ մեկի մոտ չպետք է կասկած հարուցի, որ մեր ուժային կառույցները, արդարատության ոլորտը, քննչական կոմիտեն, ՊՆ-ն շահագրգռված են, որպեսզի լինի արդարացի քննություն»,- նշեց Շարմազանովը և հավելեց.
«Իսկ ինչ վերաբերում է լծակներին կամ պաշտոնյային, ապա մի պաշտոնյա էլ մենք ենք, մեր երեխաները պետք է շատ ավելի զուսպ, կիրթ, դաստարակաված, չափի մեջ լինեն և հասկանան, որ իրենց ծնողներին տրված պաշտոնը ոչ թե վայելելու համար է, այլ պարտավորություն ունենան թե իրենք, թե մեր ընտանիքների բոլոր անդամները»:
Հիշեցնենք, որ 2015 թվականի հունվարի 29-ին՝ ժամը 06:35-ի սահմաններում, Երևան քաղաքում տեղակայված N զորամասի մարզահրապարակում հայտնաբերվել է նույն զորամասի զինծառայող Հայկազ Արկադիի Բարսեղյանը՝ պտտաձողի վրա պարանով կախված վիճակում: Դեպքի առթիվ ՀՀ քննչական կոմիտեի զինվորական քննչական գլխավոր վարչությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 7-րդ կետով: Ստեղծվել է քննչական խումբ։ Ձեռք բերված ապացույցների համակցությամբ՝ նույն զորամասի զինծառայողներ Վաչե Սահակյանին, Մովսես Ազարյանին, Գնել Թևոսյանին և Նորիկ Սահակյանին փետրվարի 2-ին մեղադրանք է առաջադրվել՝ ՀՀ քրեական օրենսգրքի 104-րդ հոդվածի 2-րդ մասի 7-րդ և 10-րդ կետերով՝ մի խումբ անձանց կողմից խուլիգանական դրդումներով սպանության համար: Նրանց նկատմամբ որպես խափանման միջոց է ընտրվել կալանավորումը։ Նախագահ Սերժ Սարգսյանի փետրվարի 2- ի հրամանագրով Վազգեն Սարգսյանի անվան ռազմական ինստիտուտի պետ գեներալ-լեյտենանտ Մարտին Կարապետյանն ազատվել էր աշխատանքից:
Նախորդող հրապարակումներ`
Զինծառայողին վիրավորելու դեպքի առթիվ հարուցված քրեական գործի նախաքննությունն ավարտվել է
Կալանավորվել է Վազգեն Սարգսյանի անվան ռազմական ինստիտուտի դասակի հրամանատարը
Ձերբակալվել է ՀՀ ՊՆ Վազգեն Սարգսյանի անվան ռազմական ինստիտուտի սպա, կապիտան Արտյոմ Ավետիսյանը
Նոր պետի նշանակմամբ առավելապես խիստ ուշադրություն է դարձվելու կուրսանտների կարգապահության ամրապնդման խնդիրներին. Ս.Օհանյան
Պնախարար. Մի շարք բացթողումներ են ի հայտ եկել ռազմական ինստիտուտի ղեկավարության կողմից (տեսանյութ)
Վազգեն Սարգսյանի անվան ռազմական ինստիտուտում կլինեն պաշտոնանկություններՇ
Վ. Սարգսյանի անվան ռազմական ինստիտուտի պետն ազատվել է զբաղեցրած պաշտոնից
Սեյրան Օհանյանը շտապ խորհրդակցություն է հրավիրել
4 զինվորի մեղադրանք է առաջադրվել՝ խուլիգանական դրդումներով համածառայակցին սպանելու համար
Զինծառայողին սպանելու կասկածանքով ձերբակալվել է 4 անձ
Հարուցվել է քրեական գործ՝ զինծառայողին մի խումբ անձանց կողմից սպանելու դեպքի առթիվ
ՀՀ ՊՆ. Երևանի զորամասերից մեկում պարանով կախված վիճակում զինվոր է հայտնաբերվել
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ
